'ಗೂಗಲ್‌ ಪೇ'ನಲ್ಲಿ ಸ್ಟಾಂಪ್ ಸಂಗ್ರಹಿಸಿ, 2020ರೂ. ನಿಮ್ಮದಾಗಿಸಿಕೊಳ್ಳಿ!

ಹೌದು, ಗೂಗಲ್ ಪೇ ಹೊಸ ವರ್ಷ 2020ರ ಪ್ರಯುಕ್ತ ಸ್ಪಾಂಪ್ ಕಲೆಕ್ಟ್ ಮಾಡುವ ಕ್ಯಾಂಪೇನ್ ಆಯೋಜಿಸಿದೆ. ಈ ಕ್ಯಾಂಪೇನ್‌ನಲ್ಲಿ ಗೂಗಲ್ ಪೇ ಬಳಕೆದಾರರು ಏಳುಸ್ಟಾಂಪ್ ಕಲೆಕ್ಟ್ ಮಾಡಬೇಕಿದ್ದು, ಏಳುಸ್ಟಾಂಪ್ ಸಂಗ್ರಹಿಸುವ ಬಳಕೆದಾರರಿಗೆ 2020ರೂ. ವರೆಗೂ ಕ್ಯಾಶ್ ರೀವಾರ್ಡ್‌ ಲಭ್ಯವಾಗಲಿದೆ. ಇನ್ನು ಈ ಕಂಟೆಸ್ಟ್ ಆಂಡ್ರಾಯ್ಡ್ ಫೋನ್ ಮತ್ತು ಐಫೊನ್ ಬಳಕೆದಾರರಿಬ್ಬರಿಗೂ ಲಭ್ಯ ಇದೆ.

ಬಳಕೆದಾರರು ಗೂಗಲ್ ಪೇ ತಿಳಿಸಿರುವ ಒಟ್ಟು ಏಳು ಸ್ಟಾಂಪ್ ಗಳನ್ನು ಸಂಗ್ರಹಿಸಬೇಕಿದ್ದು, ಅದಕ್ಕಾಗಿ ಬಳಕೆದಾರರು ಹಣ ವರ್ಗಾವಣೆ ಮಾಡುವ ಹಲವು ಅಗತ್ಯ ಸಂದರ್ಭಗಳಲ್ಲಿ ಗೂಗಲ್ ಪೇ ಆಪ್ ಬಳಕೆ ಮಾಡಬೇಕಿದೆ. ಕನಿಷ್ಠ 300ರೂ. ಮತ್ತು ಅದಕ್ಕಿಂತ ಹೆಚ್ಚಿನ ಬಿಲ್ ಪೇಮೆಂಟ್, ಕನಿಷ್ಠ 98ರೂ. ಮೊಬೈಲ್ ರೀಚಾರ್ಜ್, ಕನಿಷ್ಠ 98ರೂ. ಇತರೆ ಗೂಗಲ್‌ ಪೇ ಅಂಗಡಿಕಾರ/ಬಳಕೆದಾರರಿಗೆ ಸೆಂಡ್ ಮಾಡುವುದು ಅಥವಾ ಗೂಗಲ್‌ ಪೇ ಆಪ್‌ಗೆ ಫ್ರೇಂಡ್‌ ಇನ್ವೈಟ್ ಮಾಡುವುದು.

ಈ ರೀತಿ ವಿವಿಧ ಪೇಮೆಂಟ್ ಮೋಡ್‌ ಮಾಡಿದಾಗ ಸ್ಪಾಂಪ್ ಗಳು ಲಭ್ಯವಾಗಲಿವೆ. ಹೀಗೆ ಬಳಕೆದಾರರು ಒಟ್ಟು ಏಳುಸ್ಟಾಂಪ್ ಸಂಗ್ರಹಿಸಬೇಕು. ಅವುಗಳಲ್ಲಿ ಕೆಳ ಪಟ್ಟಿಯಲ್ಲಿ ಬಲೂನ್, ಡಿಜೆ, ಸನ್‌ಗ್ಲಾಸ್‌(Balloon, DJ, Sunglasses), ಮಧ್ಯದ ಪಟ್ಟಿಯಲ್ಲಿ ಟಾಫಿ, ಸೆಲ್ಫಿ ಮತ್ತು ಪಿಜ್ಜಾ(Toffee, Selfie, Pizza) ಹಾಗೆಯೇ ಕೊನೆಯಲ್ಲಿ ಡಿಸ್ಕೊ(Disco)ಸ್ಟಾಂಪ್ ಸಂಗ್ರಹ ಮಾಡಬೇಕು.

ಈ ಅವಧಿಯಲ್ಲಿ ಮೊದಲ ಬಿಲ್ ಪೇಮೆಂಟ್‌ಗೆ ಟಾಫಿಸ್ಟಾಂಪ್ ಸಿಗಲಿದೆ ಎಂದು ಗೂಗಲ್ ಹೇಳಿದ್ದು, ಹೀಗೆ ಗೂಗಲ್‌ ಪೇ ಆಪ್‌ನಲ್ಲಿ ಎಲ್ಲ ಏಳು ಸ್ಪಾಂಪ್ ಸಂಗ್ರಹಿಸಿದ ನಂತರ ಬಳಕೆದಾರರಿಗೆ 202ರೂ.ಯಿಂದ 2020ರೂ.ವರೆಗೆ ಕ್ಯಾಶ್‌ ರೀವಾರ್ಡ್‌ ಲಭ್ಯವಾಗಲಿದೆ. ಅಂದಹಾಗೇ ಇದೊಂದು ಸೀಮಿತ ಅವಧಿಯ ಕೊಡುಗೆ ಆಗಿದ್ದು, ಇದೇ ಡಿಸೆಂಬರ್ 31ರೆ ವರೆಗೂ ಚಾಲ್ತಿ ಇರಲಿದೆ.