ಭಾರತದಲ್ಲಿ ನೋಕಿಯಾ 6 ಸ್ಮಾರ್ಟ್‌ಪೋನ್‌ ಲಭ್ಯ..! ಆದರೆ..?

ಭಾರತದಲ್ಲಿ ನೋಕಿಯಾ ಸ್ಮಾರ್ಟ್‌ಪೋನ್:

ಭಾರತದಲ್ಲಿ ನೋಕಿಯಾ ಸ್ಮಾರ್ಟ್‌ಪೋನನ್ನು ಕೊಂಡುಕೊಳ್ಳಬೇಕು ಎಂದು ತುದಿಗಾಲಿನಲ್ಲಿ ನಿಂತಿರುವವರ ಸಂಖ್ಯೆ ಹೆಚ್ಚಿನ ಸಂಖ್ಯೆಯಲ್ಲಿದ್ದು, ಈ ಹಿನ್ನಲೆಯಲ್ಲಿ ಭಾರತದಲ್ಲಿಯೂ ಸದ್ಯ ನೋಕಿಯಾ 6 ಸ್ಮಾರ್ಟ್‌ಪೋನ್‌ ಲಭ್ಯವಿದೆ. ಆದರೆ ಇದು ಥರ್ಡ್ ಪಾರ್ಟಿ ಪೋನಾಗಿದ್ದು, ಮೂಲ ಬೆಲೆಗಿಂತ ದುಪಟ್ಟು ಹಣವನ್ನು ಈ ಪೋನಿಗೆ ನೀಡಬೇಕಾಗಿದೆ.

'ಈಬೇ'ನಲ್ಲಿ ಮಾರಾಟ:

ಭಾರತದಲ್ಲಿ ನೋಕಿಯಾ ಪೋನನ್ನು ಮಾರಾಟ ಮಾಡುವ ಹಕ್ಕು ಪಡೆದುಕೊಂಡಿರುವ ಹೆಚ್‌ಎಮ್‌ಡಿ ಗ್ಲೋಬಲ್ ಭಾರತದಲ್ಲಿ ನೋಕಿಯಾ 6 ಪೋನನ್ನು ಪರಿಚಯಿಸುವ ಕುರಿತು ಯಾವುದೇ ಮಾಹಿತಿಯನ್ನು ನೀಡಿಲ್ಲ. ಆದರೆ ಈಬೇ ಆನ್‌ಲೈನ್ ಸೈಟಿನಲ್ಲಿ ಈಗಾಗಲೇ ನೋಕಿಯಾ 6 ಮಾರಾಟಕ್ಕೆ ಲಭ್ಯವಿದೆ.

ದುಪ್ಪಟ್ಟು ಹಣ ನೀಡಬೇಕು:

ಸದ್ಯ ಚೀನಾ ಮಾರುಕಟ್ಟೆಯಲ್ಲಿ ಈ ಪೋನಿನ ಬೆಲೆ ಸುಮಾರು 17,000 ರೂ,ಗಳಾಗಿದ್ದು, ಭಾರತೀಯ ಮಾರುಕಟ್ಟೆಯಲ್ಲಿ ಈಗ ಈ ಪೋನು ಬೇಕೆಂದರೆ 32,400 ರೂ.ಗಳನ್ನು ನೀಡಬೇಕಾಗಿದೆ. ಇಷ್ಟು ಹಣ ನೀಡಿದರು ಕನಿಷ್ಠ ಪಕ್ಷ 25 ದಿನಗಳು ಕಾಯಲೇ ಬೇಕಾಗಿದೆ.

ಚೀನಾ ಮಾರುಕಟ್ಟೆಯಲ್ಲಿ ನೋಕಿಯಾ ಸಕತ್ ಸದ್ದು:

ಚೀನಾ ಮಾರುಕಟ್ಟೆಯಲ್ಲಿ ನೋಕಿಯಾ ಸಕತ್ ಸದ್ದು ಮಾಡಿದ್ದು, ಸುಮಾರು 1.4 ಮಿಲಿಯನ್ ಪೋನುಗಳು ಕೆಲವೇ ಕ್ಷಣಗಳಲ್ಲಿ ಖಾಲಿಯಾಗಿ ಹೊಸ ದಾಖಲೆಯನ್ನು ನಿರ್ಮಿಸಿದೆ. ಭಾರತಕ್ಕೆ ಬಂದರೇ ಮತ್ತೊಂದು ದಾಖಲೆಯನ್ನು ಮಾಡುವುದು ಖಂಡಿತ.