ಒಪ್ಪೋ ರೆನೋ 9 ಸರಣಿಯ ಫೋನ್‌ಗಳು ಬಿಡುಗಡೆಗೆ ಸಿದ್ಧ; ಲೀಕ್‌ ಫೀಚರ್ಸ್‌ ಹೇಗಿವೆ?

ಹೌದು, ಒಪ್ಪೋ ನವೆಂಬರ್ ಅಂತ್ಯದ ವೇಳೆಗೆ ಚೀನಾದಲ್ಲಿ ರೆನೋ 9 ಸರಣಿ ಸ್ಮಾರ್ಟ್‌ಫೋನ್‌ಗಳನ್ನು ಲಾಂಚ್‌ ಮಾಡುವುದಾಗಿ ಘೋಷಿಸಿದೆ. ಅದರೆ, ಇದಕ್ಕೂ ಮೊದಲೇ ಈ ಫೋನ್‌ಗಳ ಫೀಚರ್ಸ್‌ ಲೀಕ್‌ ಆಗಿದ್ದು, ಅದರಂತೆ ರೆನೋ 9, ರೆನೋ 9 ಪ್ರೊ ಹಾಗೂ ರೆನೋ 9 ಪ್ರೊ+ ಸ್ಮಾರ್ಟ್‌ಫೋನ್‌ಗಳು ಮಾರುಕಟ್ಟೆಯಲ್ಲಿ ಇನ್ಮುಂದೆ ಸದ್ದು ಮಾಡಲಿವೆ. ಈ ಸಂಬಂಧ ಟಿಪ್‌ಸ್ಟರ್ ಡಿಜಿಟಲ್ ಚಾಟ್ ಸ್ಟೇಷನ್ ಲೀಕ್‌ ಆದ ಮಾಹಿತಿಯನ್ನು ವರದಿ ಮಾಡಿದೆ. ಹಾಗಿದ್ರೆ ಈ ಫೋನ್‌ಗಳು ಯಾವ ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿವೆ, ಏನೆಲ್ಲಾ ಪ್ರಮುಖ ಫೀಚರ್ಸ್‌ ಹೊಂದಿರಲಿವೆ ಎಂಬುದನ್ನು ಈ ಲೇಖನದಲ್ಲಿ ವಿವರಿಸಲಾಗಿದೆ ಓದಿರಿ.

ಡಿಸ್‌ಪ್ಲೇ ಹೇಗಿರಲಿದೆ?

ರೆನೋ 9, ರೆನೋ 9 ಪ್ರೊ ಹಾಗೂ ರೆನೋ 9 ಪ್ರೊ+ ಸ್ಮಾರ್ಟ್‌ಫೋನ್‌ಗಳು 6.7 ಇಂಚಿನ OLED ಡಿಸ್‌ಪ್ಲೇ ಆಯ್ಕೆ ಪಡೆದಿರಲಿದ್ದು, ಈ ಡಿಸ್‌ಪ್ಲೇ ಕರ್ವ್ಡ್ ರಚನೆ ಹೊಂದಿಗೆ ಎಂದು ಹೇಳಲಾಗುತ್ತಿದೆ. ಹಾಗೆಯೇ FHD+ ರೆಸಲ್ಯೂಶನ್ ಆಯ್ಕೆಯ ಜೊತೆಗೆ 120Hz ರಿಫ್ರೆಶ್ ರೇಟ್‌, 10 ಬಿಟ್ ಬಣ್ಣಗಳು, 2160Hz PWM ಡಿಮ್ಮಿಂಗ್‌ ಫೀಚರ್ಸ್‌ ಪಡೆದಿರಲಿವೆ.

ಒಪ್ಪೋ ರೆನೋ 9 ಫೋನ್‌ನ ಫೀಚರ್ಸ್‌

ರೆನೋ 9 ಸ್ನಾಪ್‌ಡ್ರಾಗನ್ 778G ಚಿಪ್‌ಸೆಟ್ ಪ್ರೊಸೆಸರ್‌ನಲ್ಲಿ ಕೆಲಸ ಮಾಡಲಿದ್ದು, 64 ಮೆಗಾಪಿಕ್ಸೆಲ್ + 2-ಮೆಗಾಪಿಕ್ಸೆಲ್‌ನ ಡ್ಯುಯಲ್ ಕ್ಯಾಮೆರಾ ರಚನೆ ಹೊಂದಿರಲಿದೆ. ಜೊತೆಗೆ 4,500mAh ಸಾಮರ್ಥ್ಯದ ಬ್ಯಾಟರಿ ಹಾಗೂ 67W ವೇಗದ ಚಾರ್ಜಿಂಗ್ ಫೀಚರ್ಸ್‌ ಇದರಲ್ಲಿದೆ ಎಂದು ಹೇಳಲಾಗಿದೆ.

ಒಪ್ಪೋ ರೆನೋ 9 ಪ್ರೋ ಫೀಚರ್ಸ್‌

ಒಪ್ಪೋ ರೆನೋ 9 ಪ್ರೋ ಸ್ಮಾರ್ಟ್‌ಫೋನ್‌ ಡೈಮೆನ್ಸಿಟಿ 8100 ಮ್ಯಾಕ್ಸ್ ಚಿಪ್ ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದ್ದು, 50 ಮೆಗಾಪಿಕ್ಸೆಲ್ ಸೋನಿ ಪ್ರಾಥಮಿಕ ಕ್ಯಾಮೆರಾ ಹಾಗೂ 8 ಮೆಗಾಪಿಕ್ಸೆಲ್ ನ ಸೆಕೆಂಡರಿ ಕ್ಯಾಮೆರಾ ರಚನೆ ಪಡೆದಿರಲಿದೆ. ಇದರ ಜೊತೆಗೆ 4,500mAh ಸಾಮರ್ಥ್ಯದ ಬ್ಯಾಟರಿ ಆಯ್ಕೆ ಪಡೆದಿದ್ದು, ಇದು 67W ವೇಗದ ಚಾರ್ಜಿಂಗ್‌ಗೆ ಬೆಂಬಲ ನೀಡಲಿದೆ ಎಂದು ತಿಳಿದುಬಂದಿದೆ.

ಒಪ್ಪೋ ರೆನೋ 9 ಪ್ರೊ+

ಒಪ್ಪೋ ರೆನೋ 9 ಪ್ರೊ+ ಸ್ಮಾರ್ಟ್‌ಫೋನ್‌ ಸ್ನಾಪ್‌ಡ್ರಾಗನ್ 8 ಪ್ಲಸ್ ಜನ್ 1 ಪ್ರೊಸೆಸರ್‌ನ ಬಲ ಪಡೆದಿರಲಿದ್ದು, ಟ್ರಿಪಲ್ ಕ್ಯಾಮೆರಾ ರಚನೆ ಹೊಂದಿರಲಿದೆ. ಇದರಲ್ಲಿ 50 ಮೆಗಾಪಿಕ್ಸೆಲ್ ಸೋನಿ ಪ್ರಮುಖ ಕ್ಯಾಮೆರಾ, 8 ಮೆಗಾಪಿಕ್ಸೆಲ್ ಸೆಕೆಂಡರಿ ಕ್ಯಾಮೆರಾ ಹಾಗೂ 2 ಮೆಗಾಪಿಕ್ಸೆಲ್ ನ ಕ್ಯಾಮೆರಾ ಆಯ್ಕೆ ಇರಲಿದೆ. ಇನ್ನು 80W ವೇಗದ ಚಾರ್ಜಿಂಗ್‌ ಬೆಂಬಲದೊಂದಿಗೆ 4,700mAh ಸಾಮರ್ಥ್ಯದ ಬ್ಯಾಟರಿಯಿಂದ ಪ್ಯಾಕ್‌ ಆಗಿರಲಿದೆ ಎಂದು ನಂಬಲಾಗಿದೆ.

32 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ

ಪ್ರಮುಖ ವಿಷಯ ಎಂದರೆ ಲೀಕ್‌ ಅದ ಮಾಹಿತಿ ಪ್ರಕಾರ ಈ ಎಲ್ಲಾ ಸ್ಮಾರ್ಟ್‌ಫೋನ್‌ಗಳು 32 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾವನ್ನು ಹೊಂದಿರಲಿವೆ ಹಾಗೆಯೇ. ಎರಡೂ ಪ್ರೊ ಮಾದರಿಗಳ ಪ್ರಮುಖ ಕ್ಯಾಮೆರಾಗಳು ಮಾರಿಸಿಲಿಕಾನ್ X ISP ಫೀಚರ್ಸ್‌ ಪಡೆದುಕೊಂಡಿರಲಿದ್ದು, ಅದ್ಭುತವಾದ ಫೋಟೋಗಳನ್ನು ಸೆರೆಹಿಡಿಯಲು ಸಹಾಯಕವಾಗಲಿದೆ. ಜೊತೆಗೆ ಈ ಫೋನ್‌ಗಳು ಅಂಡರ್ ಡಿಸ್‌ಪ್ಲೇ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಫೀಚರ್ಸ್‌ ಆಯ್ಕೆ ಹೊಂದಿರಲಿವೆ ಎಂದು ನಂಬಲಾಗಿದೆ.

ಇತರೆ ಫೀಚರ್ಸ್‌

ರೆನೋ 9 ಹಾಗೂ ರೆನೋ 9 ಪ್ರೊ ಸ್ಮಾರ್ಟ್‌ಫೋನ್ ವೈಬ್ರೇಷನ್‌ ಗಾಗಿ ರೋಟರ್ ಮೋಟರ್ ಹೊಂದಿವೆ. ಆದರೆ, ರೆನೋ ಪ್ರೊ+ ಸ್ಮಾರ್ಟ್‌ಫೋನ್‌ X- ಆಕ್ಸಿಸ್ ಲೀನಿಯರ್ ಮೋಟಾರ್ ಆಯ್ಕೆಯನ್ನು ಪಡೆದುಕೊಂಡಿದೆ ಎಂಬ ಮಾಹಿತಿ ದೃಢವಾಗಿದೆ. ಜೊತೆಗೆ ರೆನೋ 9 ಹಾಗೂ ರೆನೋ 9 ಪ್ರೊ ಸ್ಮಾರ್ಟ್‌ಫೋನ್ ಸುಮಾರು 7.19 ಮಿಮೀ ದಪ್ಪ ಹಾಗೂ 174 ಗ್ರಾಂ ತೂಕ ಹೊಂದಿರಲಿವೆ ಎಂದು ಹೇಳಲಾಗುತ್ತಿದ್ದು, ರೆನೋ 9 ಪ್ರೊ+ 7.99mm ಅಳತೆ ಹಾಗೂ 192 ಗ್ರಾಂ ನಷ್ಟು ತೂಕ ಹೊಂದಿರಲಿದೆ.