ಮಾರುಕಟ್ಟೆಗೆ ಹೊಸ ತಂತ್ರಜ್ಞಾನದ ಏರ್‌ ಕಂಡಿಷನರ್‌ ಪರಿಚಯಿಸಿದ ರಿಯಲ್‌ಮಿ!

ಟೆಕ್‌ ವಲಯದ ಜನಪ್ರಿಯ ಬ್ರ್ಯಾಂಡ್‌ ರಿಯಲ್‌ಮಿ ಭಿನ್ನ ಮಾದರಿಯ ಡಿವೈಸ್‌ಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಸ್ಮಾರ್ಟ್‌ಫೋನ್‌ ಮಾತ್ರವಲ್ಲದೆ ವಿವಿಧ ರೀತಿಯ ಡಿವೈಸ್‌ಗಳಿಂದ ಗ್ರಾಹಕರ ಗಮನಸೆಳೆದಿದೆ. ಸದ್ಯ ಇದೀಗ ಭಾರತದಲ್ಲಿ ಹೊಸ ಏರ್‌ ಕಂಡಿಷನರ್‌ಗಳನ್ನು ಲಾಂಚ್‌ ಮಾಡಿದೆ. ಇದು 4 ಇನ್‌ 1 ಕನ್ವರ್ಟಿಬಲ್ ಏರ್ ಕಂಡಿಷನರ್‌ ಆಗಿದೆ. ಬೇಸಿಗೆ ಕಾಲಕ್ಕೆ ಸೂಕ್ತವಾದ ಈ ಏರ್‌ ಕಂಡಿಷನ್‌ ಹೆಚ್ಚುವರಿ ಎಸಿಗಳನ್ನು ಒಳಗೊಂಡಿದ್ದು, ಮಾರುಕಟ್ಟೆಯಲ್ಲಿ ಸಖತ್‌ ಸೌಂಡ್‌ ಮಾಡ್ತಿದೆ.

ಹೌದು, ರಿಯಲ್‌ಮಿ ಕಂಪೆನಿ ಹೊಸ 4 ಇನ್‌ 1 ಕನ್ವರ್ಟಿಬಲ್ ಏರ್ ಕಂಡಿಷನರ್‌ಗಳನ್ನು ಬಿಡುಗಡೆ ಮಾಡಿದೆ. ಕಳೆದ ವರ್ಷ ಬಿಡುಗಡೆಯಾಗಿದ್ದ ಎಸಿಗಿಂತ ಹೆಚ್ಚುವರಿ ಎಸಿಯನ್ನು ಈ ಏರ್‌ ಕಂಡಿಷನರ್‌ ಒಳಗೊಂಡಿದೆ. ಇದು 1.0 ಮತ್ತು 1.5- ಟನ್ ಕ್ಯಾಪಸಿಟಿ ಹೊಂದಿದ್ದು, ರಾಪಿಡ್ ಕೂಲ್ ಫೀಚರ್ಸ್‌ ಅನ್ನು ಹೊಂದಿರುವುದು ಮೇನ್‌ ಹೈಲೈಟ್‌ ಆಗಿದೆ. ಇನ್ನುಳಿದಂತೆ ಈ ಹೊಸ ಏರ್‌ ಕಂಡಿಷಷನರ್‌ ವಿಶೇಷತೆ ಏನು? ಬೆಲೆ ಎಷ್ಟಿದೆ? ಮಾರುಕಟ್ಟೆಯಲ್ಲಿ ಇದು ಗಮನಸೆಳೆಯಲು ಕಾರಣವಾದ ವಿಚಾರ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ರಿಯಲ್‌ಮಿ 4 ಇನ್‌ 1 ACಯನ್ನು ಅಪ್ಡೇಟೆಡ್‌ ಟೆಕ್ನಾಲಜಿಯ ಮೂಲಕ ವಿನ್ಯಾಸಗೊಳಿಸಲಾಗಿದೆ. ಇದು ವೇರಿಯಬಲ್ ಸ್ಪೀಡ್ ಕಂಪ್ರೆಸರ್‌ನೊಂದಿಗೆ ಇನ್ವರ್ಟರ್ ಟೆಕ್ನಾಲಜಿಯನ್ನು ಒಳಗೊಂಡಿದೆ. ಇದರಿಂದ ಹೆಚ್ಚಿನ ವೇಗ ಮತ್ತು ಹೆಚ್ಚು ಪರಿಣಾಮಕಾರಿ ಕೂಲಿಂಗ್‌ ಅನ್ನು ನೀಡಲು ಸಾಧ್ಯವಾಗಲಿದೆ. ಅಲ್ಲದೆ ಈ ಏರ್‌ ಕಂಡಿಷನರ್‌ ಹೆಚ್ಚಿ ವಿದ್ಯುತ್‌ ಬಳಸುವುದಿಲ್ಲ, ಇದು ವಿದ್ಯುತ್‌ ಬಳಕೆಯನ್ನು ಉಳಿಸಲಿದ್ದು, ಲಾಂಗ್‌ ಕಂಪ್ರೆಸರ್‌ ಲೈಫ್‌ ಅನ್ನು ನೀಡಲಿದೆ.

ಈ ಏರ್‌ ಕಂಡಿಷನರ್‌ 1.0 ಮತ್ತು 1.5 ಟನ್ ಕ್ಯಾಪಸಿಟಿಯನ್ನು ಹೊಂದಿದೆ. ಇದರಲ್ಲಿ ರಾಪಿಡ್‌ ಕೂಲ್‌ ಫೀಚರ್ಸ್‌ ಅನ್ನು ಅಳವಡಿಸಲಾಗಿದ್ದು, ಇದು ಏರ್‌ ಫ್ಲೋ ಲೆವೆಲ್‌ ಅನ್ನು ಹೆಚ್ಚಿಸಲಿದೆ. ಜೊತೆಗೆ ಕೇವಲ 20 ನಿಮಿಷಗಳಲ್ಲಿ ಕೂಲಿಂಗ್ ಎಫೆಕ್ಟ್‌ ಅನ್ನು ನೀಡಲಿದೆ. ಇದಲ್ಲದೆ ಈ ಏರ್‌ಕಂಡಿಷನರ್‌ನ ಮತ್ತೊಂದು ವಿಶೇಷತೆ ಎಂದರೆ ರೂಮ್‌ನಲ್ಲಿರುವ ಜನಸಂಖ್ಯೆಯ ಆಧಾರದ ಮೇಲೆ ಎಸಿಯನ್ನು ಕಂಟ್ರೋಲ್‌ ಮಾಡಬಹುದಾಗಿದೆ. ಇದಕ್ಕಾಗಿ ಫ್ಲೆಕ್ಸಿ ಕಂಟ್ರೋಲ್‌ ಟೆಕ್ನಾಲಜಿಯನ್ನು ನೀಡಲಾಗಿದೆ, ಇದರಿಂದ ನೀವು ಪವರ್‌ ಸೇವ್‌ ಕೂಡ ಮಾಡಬಹುದಾಗಿದೆ.

ಇನ್ನು ಈ ಏರ್‌ ಕಂಡಿಷನರ್‌ನಲ್ಲಿ ಹೀಟ್‌ ಟ್ರಾನ್ಸಪರ್‌ ಮಾಡೋದಕ್ಕಾಗಿ 100% ತಾಮ್ರದ ಕಂಡೆನ್ಸರ್ ಮತ್ತು ಇನ್ನರ್ ಗ್ರೂವ್ಡ್ ಕಾಪರ್ ಟ್ಯೂಬ್‌ಗಳನ್ನು ಅಳವಡಿಸಲಾಗಿದೆ. ಇದಕ್ಕಾಗಿ ಬ್ಲೂ ಫಿನ್ ಟೆಕ್ನಾಲಜಿಯನ್ನು ಅಳವಡಿಸಲಾಗಿದ್ದು, ಇನ್‌ಬಿಲ್ಟ್‌ ಸರ್ಕ್ಯೂಟ್‌ಗಳು ನಡೆಯದಂತೆ ತಡೆಯಲಿದೆ. ಇದಲ್ಲದೆ ಈ ACಯು R32 ಅನ್ನು ಸಹ ಹೊಂದಿದೆ, ಇದು ಗ್ರೀನ್‌ಹೌಸ್‌ ಎಫೆಕ್ಟ್‌ ಅನ್ನು ತಡೆಕಟ್ಟಲಿದೆ, ಅಲ್ಲದೆ ವಾತಾವರಣದಲ್ಲಿ ಓಝೋನ್ ಪದರಕ್ಕೆ ಯಾವುದೇ ದಕ್ಕೆ ಆಗದಂತೆ ಕಾರ್ಯನಿರ್ವಹಿಸಲಿದೆ.

ಬೆಲೆ ಮತ್ತು ಲಭ್ಯತೆ
ರಿಯಲ್‌ಮಿ 4 ಇನ್‌ 1 ಕನ್ವರ್ಟಿಬಲ್ ಎಸಿ ಭಾರತದಲ್ಲಿ 1.0-ಟನ್ ಮಾದರಿಗೆ 28,499ರೂ. ಬೆಲೆಯನ್ನು ಹೊಂದಿದೆ. ಆದರೆ ಇದರ 1.5 ಟನ್ ಮಾದರಿಯ ಎಸಿಗೆ 33,999ರೂ. ಬೆಲೆ ನಿಗಧಿಪಡಿಸಲಾಗಿದೆ. ಪ್ರಸ್ತುತ ಈ ಏರ್‌ ಕಂಡಿಷನರ್‌ಗಳು ಫ್ಲಿಪ್‌ಕಾರ್ಟ್ ಮೂಲಕ ಸೇಲ್‌ ಆಗುತ್ತಿವೆ

ಇದಲ್ಲದೆ ರಿಯಲ್‌ಮಿ ಕಂಪೆನಿ ಇತ್ತೀಚಿಗೆ ಭಾರತದಲ್ಲಿ ರಿಯಲ್‌ಮಿ 10 ಪ್ರೊ ಸರಣಿ ಪರಿಚಯಿಸಿದೆ. ಈ ಸರಣಿಯಲ್ಲಿ ರಿಯಲ್‌ಮಿ 10 ಪ್ರೊ + 5G ಮತ್ತು ರಿಯಲ್‌ಮಿ 10 ಪ್ರೊ 5G ಎಂಬ ಎರಡು ಸ್ಮಾರ್ಟ್‌ಫೋನ್‌ಗಳನ್ನು ಪರಿಚಯಿಸಲಾಗಿದ್ದು, ಎರಡು ಫೋನ್‌ಗಳು ಕೂಡ 16 ಮೆಗಾಪಿಕ್ಸೆಲ್‌ ಸೆನ್ಸಾರ್‌ ಸೆಲ್ಫಿ ಕ್ಯಾಮೆರಾವನ್ನು ಒಳಗೊಂಡಿವೆ. ಆದರೆ ಭಿನ್ನ ಮಾದರಿಯ ಪ್ರೊಸೆಸರ್‌ ವೇಗವನ್ನು ಪಡೆದುಕೊಂಡಿವೆ. ಇದರಲ್ಲಿ ರಿಯಲ್‌ಮಿ 10 ಪ್ರೊ + 5G ಸ್ಮಾರ್ಟ್‌ಫೋನ್‌ ಮೀಡಿಯಾ ಟೆಕ್ ಡೈಮೆನ್ಸಿಟಿ 1080 SoC ಪ್ರೊಸೆಸರ್‌ ಹೊಂದಿದೆ. ಆದರೆ ರಿಯಲ್‌ಮಿ 10 ಪ್ರೊ 5G ಸ್ಮಾರ್ಟ್‌ಫೋನ್‌ ಸ್ನಾಪ್‌ಡ್ರಾಗನ್ 695 5G SoC ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದೆ.