ಜಿಯೋ ಪ್ರೈಮ್ ಸದಸ್ಯರಿಗೆ ಮತ್ತೊಂದು ಸುವರ್ಣಾವಕಾಶ ನೀಡಿದ ಅಂಬಾನಿ..!

ರೂ.2599ರಷ್ಟು ಲಾಭ:

ಜಿಯೋ ಬಳಕೆದಾರರು ರೂ.399 ಮತ್ತು ಅದಕ್ಕಿಂತ ಹೆಚ್ಚಿನ ಮೌಲ್ಯಕ್ಕೆ ರಿಚಾರ್ಜ್ ಮಾಡಿಸಿಕೊಂಡ ಸಂದರ್ಭದಲ್ಲಿ ರೂ. 2599ರ ವರೆಗೆ ಕ್ಯಾಷ್ ಬ್ಯಾಕ್ ಪಡೆಯಬಹುದಾಗಿದೆ. ಈ ಆಫರ್ ಕೇವಲ ಜಿಯೋ ಪ್ರೈಮ್ ಸದಸ್ಯರಿಗೆ ಮಾತ್ರವೇ ಲಭ್ಯ ಎನ್ನಲಾಗಿದೆ.

ಜಿಯೋ ಕ್ಯಾಷ್ ಬ್ಯಾಕ್;

ಜಿಯೋ ಮೂರು ವಿಭಾಗದಲ್ಲಿ ಕ್ಯಾಷ್ ಬ್ಯಾಕ್ ನೀಡಲಿದೆ. ಮೊದಲ ವಿಭಾಗದಲ್ಲಿ ಎಂಟು ಹಂತದ ಕ್ಯಾಷ್ ಬ್ಯಾಕ್ ನೀಡಲಿದೆ. ಅದುವೇ ರೂ.400 (50 x 8) ಲಾಭವನ್ನು ಮಾಡಿಕೊಡಲಿದೆ. ಇದು ನವೆಂಬರ್ 15 ರಿಂದ ದೊರೆಯಲಿದೆ ಎನ್ನಲಾಗಿದೆ. ಇದಕ್ಕಾಗಿ ಮೈ ಜಿಯೋ ಆಪ್‌ನಲ್ಲಿ ರಿಚಾರ್ಜ್ ಮಾಡಿಸಿಕೊಳ್ಳಬೇಕಾಗಿದೆ.

ಡಿಜಿಟಲ್ ಪಾಟ್ನರ್ ಗಳ ಮೂಲಕ:

ಎರಡನೇ ವಿಭಾಗದಲ್ಲಿ ಜಿಯೋ ತನ್ನ ಡಿಜಿಟಲ್ ಪಾಟ್ನರ್ ಗಳ ಮೂಲಕ ರೀಚಾರ್ಜ್ ಮಾಡಿಸಿಕೊಂಡರೆ ರೂ. 300ರ ವರೆಗೂ ಕ್ಯಾಷ್ ಬ್ಯಾಕ್ ನೀಡಿದೆ. ಇವುಗಳನ್ನು ಈ ಕಾರ್ಮಸ್ ವೋಚರ್ ಗಳಾಗಿ ಬಳಕೆ ಮಾಡಿಕೊಳ್ಳಬೇಕಾಗಿದೆ. ಇದು ಅಮೆಜಾನ್ ಪೇ, ಆಕ್ಸಿಸ್ ಪೇ, ಫ್ರೀಚಾರ್ಜ್, ಮೊಬಿಕ್ವೀಕ್, ಪೇಟಿಎಂ ಮತ್ತು ಫೋನ್ ಪೇ ಗಳಿಗೆ ಮಾತ್ರವೇ ಸೀಮಿತವಾಗಿದೆ.

ವೋಚರ್‌ಗಳನ್ನು ನೀಡಲಿದೆ:

ಜಿಯೋ ತನ್ನ ಬಳಕೆದಾರರು ರೂ.1899ರ ವರೆಗೂ ವೋಚರ್ ಗಳನ್ನು ಪಡೆದುಕೊಳ್ಳಲಿದ್ದಾರೆ. ಇದು Ajio, ರಿಲಯನ್ಸ್ ಗ್ರೂಪ್ ಇ-ಕಾರ್ಮಸ್ ಸೈಟ್‌ಗಳಲ್ಲಿ ಬಳಕೆ ಮಾಡಿಕೊಳ್ಳಬಹುದಾಗಿದೆ. ಕನಿಷ್ಠ ರೂ.1500ಕ್ಕೆ ಖರೀದಿಸಿದರೆ ಈ ವೋಚರ್ ಗಳು ಬಳಕೆಗೆ ದೊರೆಯಲಿದೆ.