ವಾರದಲ್ಲಿ ಜಿಯೋ ಫೈಬರ್ ಸೇವೆ ಆರಂಭ: ಭರ್ಜರಿ ಪ್ರಾರಂಭಿಕ ಕೊಡುಗೆ

ಮೊದಲ ಮೂರು ತಿಂಗಳು ಉಚಿತ:

ಜಿಯೋ ಹೈಸ್ಪಿಡ್ ಬ್ರಾಡ್ ಬ್ಯಾಂಡ್ ಸೇವೆಯನ್ನು ಪಡೆಯುವ ಗ್ರಾಹಕರಿಗೆ ಮೊದಲ ಮೂರು ತಿಂಗಳು ಉಚಿತ ಸೇವೆಯನ್ನು ನೀಡಲಿದೆ ಎನ್ನಲಾಗಿದೆ. ಮೊದಲ ಮೂರು ತಿಂಗಳಿಗೆ ಯಾವುದೇ ಶುಲ್ಕವನ್ನು ವಿಧಿಸುವುದಿಲ್ಲ ಎಂದು ತಿಳಿಸಿದೆ,

ಪ್ರತಿ ತಿಂಗಳು 100 GB ಉಚಿತ:

ಜಿಯೋ ಹೈಸ್ಪಿಡ್ ಬ್ರಾಡ್ ಬ್ಯಾಂಡ್ ಸೇವೆಯಲ್ಲಿ ಗ್ರಾಹಕರು ಮೊದಲ ಮೂರು ತಿಂಗಳು ಉಚಿತವಾಗಿ 100GB ಡೇಟಾವನ್ನು ಬಳಕೆಗೆ ಪಡೆದುಕೊಳ್ಳಲಿದ್ದಾರೆ. ಇದಾದ ನಂತರದಲ್ಲಿ ಇಂಟರ್ನೆಟ್ ವೇಗವೂ ಕಡಿಮೆಯಾಗಲಿದೆ ಎನ್ನಲಾಗಿದೆ.

100Mbps ವೇಗದ ಸೇವೆ:

ಜಿಯೋ ಈಗಾಗಲೇ ಮಾರುಕಟ್ಟೆಯಲ್ಲಿ ಇರುವ ಎಲ್ಲಾ ಬ್ರಾಡ್ ಬ್ಯಾಂಡ್ ಸೇವೆಗಳಿಗೂ ಸ್ಪರ್ಧೆಯನ್ನು ನೀಡುವ ಸಲುವಾಗಿ 100 Mbps ವೇಗದ ಇಂಟರ್ನೆಟ್ ಅನ್ನು ತನ್ನ ಬಳಕೆದಾರರಿಗೆ ನೀಡಲಿದೆ.

ಬೆಲೆ ಎಷ್ಟು..?

ಸದ್ಯದ ಜಿಯೊ ಹೈಸ್ಪಿಡ್ ಬ್ರಾಡ್ ಬ್ಯಾಂಡ್ ಸೇವೆಯನ್ನು ಪಡೆಯಲು ಗ್ರಾಹಕರು ರೂ.4500 ಡೆಪಾಸಿಟ್ ಇಡಬೇಕಾಗಿದೆ. ಇದನ್ನು ಸೇವೆ ಕಡಿತ ಗೊಳಿಸಿದ ಸಂದರ್ಭದಲ್ಲಿ ಹಿಂಪಡೆಯಬಹುದಾಗಿದೆ.

ಒಂದಕ್ಕಿಂತ ಹೆಚ್ಚು ಜಿಯೋ ಉಚಿತ ಫೋನ್ ಬುಕ್ ಮಾಡುವುದು ಹೇಗೆ?

ದೆಹಲಿಯಲ್ಲಿ ಮೊದಲು:

ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಮೊದಲ ಭಾರಿಗೆ ಜಿಯೋ ಹೈಸ್ಪಿಡ್ ಬ್ರಾಡ್ ಬ್ಯಾಂಡ್ ಸೇವೆಯನ್ನು ಆರಂಭಿಸಲಿದ್ದು, ಇದಾದ ನಂತರ ಬೆಂಗಳೂರು ಸೇರಿದಂತೆ ವಿವಿಧ ಪ್ರಮುಖ ನಗರಗಳಲ್ಲಿ ಜಿಯೋ ಹೈಸ್ಪಿಡ್ ಬ್ರಾಡ್ ಬ್ಯಾಂಡ್ ಸೇವೆಯೂ ಆರಂಭವಾಗಲಿದೆ.