ಇ-ಕಾಮರ್ಸ್ ವಲಯಕ್ಕೆ ಜಿಯೋ ಎಂಟ್ರಿ!..ಬೆದರಿದ ಅಮೆಜಾನ್, ಫ್ಲಿಪ್‌ಕಾರ್ಟ್‌!

Updated: Wednesday, January 1, 2020, 17:33 [IST]

ಟೆಲಿಕಾಂ ವಲಯದಲ್ಲಿ ಭಾರಿ ಸದ್ದು ಮಾಡಿರುವ ರಿಲಾಯನ್ಸ್ ಜಿಯೋ ಇದೀಗ ಇ-ಕಾಮರ್ಸ್‌ ಉದ್ಯಮಕ್ಕೆ ಕಾಲಿಟ್ಟಿದೆ. ಜಿಯೋ ಈ ಮೂಲಕ ಫ್ಲಿಪ್‌ಕಾರ್ಟ್‌, ಅಮೆಜಾನ್ ನಂತಹ ದೊಡ್ಡ ಇ-ಕಾಮರ್ಸ್‌ ತಾಣಗಳಿಗೆ ಶಾಕ್ ನೀಡಿದ್ದು, ಪ್ರಮುಖ ಇ-ಕಾಮರ್ಸ್‌ ತಾಣಗಳ ಲಿಸ್ಟಿಗೆ ಈಗ ಜಿಯೋ ಸೇರಿಕೊಂಡಿದೆ. ಸಂಸ್ಥೆಯು ತನ್ನ ಹೊಸ ಸೇವೆಯನ್ನು ಜಿಯೋಮಾರ್ಟ್ ಎಂದು ಹೇಳಿಕೊಂಡಿದೆ.

ಇ-ಕಾಮರ್ಸ್ ವಲಯಕ್ಕೆ ಜಿಯೋ ಎಂಟ್ರಿ!..ಬೆದರಿದ ಅಮೆಜಾನ್, ಫ್ಲಿಪ್‌ಕಾರ್ಟ್‌!

ಜಿಯೋ ಸಂಸ್ಥೆಯು ಇ-ಕಾಮರ್ಸ್‌ ಸೇವೆಗೆ ಎಂಟ್ರಿ ಕೊಟ್ಟಿದ್ದು, ಅದಕ್ಕಾಗಿ ಜಿಯೋ ಮಾರ್ಟ್‌ ಆಪ್‌ ಅನ್ನು ಪರಿಚಯಿಸಿದೆ. ಈ ಸೇವೆಯಲ್ಲಿ ಒಟ್ಟು 50000 ದಷ್ಟು ದಿನಸಿ ಉತ್ಪನ್ನಗಳು ಲಭ್ಯವಾಗಲಿವೆ. ಗ್ರಾಹಕರು ಇಂತಿಷ್ಟೆ ಆರ್ಡರ್ ಮಾಬೇಕು ಎಂದೆನಿಲ್ಲ, ಯಾವುದೇ ಉತ್ಪನ್ನ ಖರೀದಿಸಿದರು ಉಚಿತ ಹೋಮ್ ಡೆಲಿವರಿ ಸೇವೆ ಸಿಗಲಿದೆ. ಸ್ಪೀಡ್‌ ಡೆಲಿವರಿ/ ಎಕ್ಸ್‌ಪ್ರೆಸ್‌ ಡೆಲಿವರಿ ಸೇವೆ ಸೇರುವ ಸಾಧ್ಯತೆಗಳಿವೆ.

ಇನ್ನು ಈ ಸೇವೆಯು ಮುಂಬೈ, ಠಾಣಾ ಸೇರಿದಂತೆ ಕೆಲವು ನಗರಗಳಲ್ಲಿ ಮಾತ್ರ ಲಭ್ಯವಾಗಲಿದೆ. ಜಿಯೋ ಮಾರ್ಟ್‌ ಆಪ್ ಮೂಲಕ ಸರಳವಾಗಿ ಈ ಸೇವೆಯ ಪ್ರಯೋಜನ ಪಡೆಯಬಹುದಾಗಿದೆ. ಹಾಗೆಯೇ ಆರಂಭದಲ್ಲಿ ಇಶೆಷ ಕೊಡುಗೆಗಳು ಗ್ರಾಹಕರಿಗೆ ಲಭ್ಯವಾಗಲಿವೆ. ವ್ಯಾಪಾರಿಗಳು, ಸಣ್ಣ ವ್ಯಾಪಾರಿಗಳು ಮತ್ತು ಬ್ರಾಂಡ್‌ಗಳನ್ನು ತಂತ್ರಜ್ಞಾನದ ಮೂಲಕ ನೇರವಾಗಿ ಗ್ರಾಹಕರೊಂದಿಗೆ ಸಂಪರ್ಕಿಸುವ ಉದ್ದೇಶವನ್ನು ಜಿಯೋ ಹೊಂದಿದೆ.

ಪ್ರಸ್ತುತ ಈಗಾಗಲೇ ರಿಲಾಯನ್ಸ್ ಸೂಪರ್‌ ಮಾರ್ಕೆಟ್, ಮಳಿಗೆಗಳು, ಸಗಟು ಅಂಗಡಿಗಳು, ಹೈಪರ್ ಮಾರ್ಕೆಟ್, ವಿಶೇಷ ಮಳಿಗೆಗಳನ್ನು ಸಹ ನಡೆಸುತ್ತಿದೆ. ಹಾಗೆಯೇ ಈಗ ಹೊಸದಾಗಿ ಇ-ಕಾಮರ್ಸ್‌ ಅನ್ನು ಶುರು ಮಾಡಿದೆ. ಜಿಯೋ ಮಾರ್ಟ್‌ ಸೇವೆಯನ್ನು ಸಂಸ್ಥೆಯು ದೇಶದ ಹೊಸ ಅಂಗಡಿ ಎಂದು ಕರೆದುಕೊಂಡಿದೆ. ರಿಲಯನ್ಸ್ ಜಿಯೋಮಾರ್ಟ್ ಚೀನಾದಲ್ಲಿನ ಇ-ಕಾಮರ್ಸ್‌ ಸೇವೆ ಅಲಿಬಾಬಾವನ್ನು ಹೋಲುತ್ತದೆ.

ಭಾರತದಲ್ಲಿ ಜಿಯೋ ಮತ್ತು ಏರ್‌ಟೆಲ್‌ VoWi-Fi ಸೇವೆ ಶುರು!.ಆದರೆ ಇದೆ ತೊಡಕು!

ಸದ್ಯ ದೇಶದಲ್ಲಿ VoWi-Fi ತಂತ್ರಜ್ಞಾನ ಸೇವೆಯು ಹೆಚ್ಚು ಆಕರ್ಷಕವಾಗುತ್ತದ್ದು, ಬಳಕೆದಾರರು ಹೊಸತನ ಅಳವಡಿಕೆಯತ್ತ ಮುನ್ನಡೆದಿದ್ದಾರೆ. ಜಿಯೋ ಮತ್ತು ಏರ್‌ಟೆಲ್‌ ಸಂಸ್ಥೆಗಳು ಈ ತಂತ್ರಜ್ಞಾನವನ್ನು ದೇಶದ ಬಳಕೆದಾರರಿಗೆ ಲಭ್ಯ ಮಾಡಿವೆ. ಇನ್ನು ಈ ಸೇವೆಯನ್ನು ಮೊದಲ ಆರಂಭಿಸಿದ್ದೆ ಜಿಯೋ ಟೆಲಿಕಾಂ. ತದ ನಂತರ ಏರ್‌ಟೆಲ್‌ ಸಹ VoWi-Fi ತಂತ್ರಜ್ಞಾನ ಪರಿಚಯಿಸಿತು. ಆದರೆ ಈ ಸೇವೆಯನ್ನು ಎಲ್ಲ ಸ್ಮಾರ್ಟ್‌ಫೋನ್ ಬಳಕೆದಾರಿಗೆ ಅಲಭ್ಯ. ಯಾಕೆ ಅಂತೀರಾ?

ಹೌದು, ದೇಶದಲ್ಲಿ ಜಿಯೋ ಮತ್ತು ಏರ್‌ಟೆಲ್‌ VoWi-Fi ಸೇವೆ ಶುರು ಮಾಡಿವೆ. VoWi-Fi (Voice over Wi-Fi) ತಂತ್ರಜ್ಞಾನವು 4G ನೆಟವರ್ಕ ಆಧಾರಿತವಾಗಿದ್ದು, ಮೊಬೈಲ್ ಸಿಗ್ನಲ್ ಇಲ್ಲದೇಯೂ ಸಂಪರ್ಕ ಸಾಧ್ಯವಿದೆ. VoWi-Fi ತಂತ್ರಜ್ಞಾನದ ವಿಷಯಕ್ಕೆ ಬಂದಾಗ ರಿಲಯನ್ಸ್ ಜಿಯೋ ಮತ್ತು ಭಾರ್ತಿ ಏರ್‌ಟೆಲ್ ಈ ಎರಡು ಟೆಲಿಕಾಂ ಆಪರೇಟರ್‌ಗಳು ತಮ್ಮ ಚಂದಾದಾರರು ಸೆಳೆಯಲು ಅನೇಕ ಸ್ಥಳಗಳಲ್ಲಿ ತಂತ್ರಜ್ಞಾನವನ್ನು ಒದಗಿಸಿದ್ದಾರೆ. ಯಾವುದೇ ಅಡೆ ತಡೆ ಇಲ್ಲದ ವಾಯಿಸ್ ಕರೆ ಲಭ್ಯ ಇದೆ. ಈ VoWi-Fi ತಂತ್ರಜ್ಞಾನ ಕೆಲವು ಸಂಗತಿಗಳ ಬಗ್ಗೆ ತಿಳಿಯಲು ಮುಂದೆ ಓದಿರಿ

ಸೀಮಿತ ವ್ಯಾಪ್ತಿ

ಏರ್‌ಟೆಲ್ ಮತ್ತು ಜಿಯೋ ಎರಡರಿಂದಲೂ VoWi-Fi ಸೇವೆಯ ಬೆಂಬಲ ಇದ್ದು, ಆದರೆ ಕೆಲವು ನಗರಗಳಲ್ಲಿ ಮಾತ್ರ ಸೀಮಿತವಾಗಿವೆ. ಇದರರ್ಥ VoWi-Fi ಸೇವೆಯ ವ್ಯಾಪ್ತಿಯ ಪ್ರದೇಶಗಳಲ್ಲಿ ಇದ್ದರೇ ಮಾತ್ರ VoWi-Fi ಸೇವೆಯ ಪ್ರಯೋಜನ ಪಡೆಯಲು ಸಾಧ್ಯ. ದೆಹಲಿ-ಎನ್‌ಸಿಆರ್, ಮುಂಬೈ, ಮತ್ತು ಇತರ ಮಹಾನಗರಗಳಂತಹ ಪ್ರಮುಖ ಪ್ರದೇಶಗಳಲ್ಲಿನ ಚಂದಾದಾರರಿಗೆ ಏರ್‌ಟೆಲ್ ಮತ್ತು ರಿಲಯನ್ಸ್ ಜಿಯೋ VoWi-Fi ಬೆಂಬಲವನ್ನು ಸಕ್ರಿಯ ಮಾಡಿವೆ.

ಸ್ಮಾರ್ಟ್‌ಫೋನ್ ಸಪೋರ್ಟ್‌

ಈ VoWi-Fi ತಂತ್ರಜ್ಞಾನವು ಕೆಲವು ಆಯ್ದ ಹಾಗೂ ಇತ್ತೀಚಿನ ಹೊಸ ಮಾದರಿಯ ಸ್ಮಾರ್ಟ್‌ಫೋನ್‌ಗಳಿಗೆ ಮಾತ್ರ ಬೆಂಬಲ ಪಡೆದಿರುವುದು VoWi-Fi ತಂತ್ರಜ್ಞಾನದ ಮೈನಸ್‌ ಪಾಯಿಂಟ್ ಎನ್ನಬಹುದು. ಅವುಗಳಲ್ಲಿ ಶಿಯೋಮಿ, ಸ್ಯಾಮ್‌ಸಂಗ್, ಆಪಲ್ ಮತ್ತು ಒನ್‌ಪ್ಲಸ್‌ನ ಬೆರಳೆಣಿಕೆಯಷ್ಟು ಫೋನ್‌ಗಳು ಮಾತ್ರ ಟೆಲಿಕಾಂ ಆಪರೇಟರ್‌ಗಳಿಂದ VoWi-Fi ಗೆ ಬೆಂಬಲವನ್ನು ಪಡೆದಿವೆ.

ವೈ-ಫೈ ಸಪೋರ್ಟ್‌

VoWi-Fi ತಂತ್ರಜ್ಞಾನದ ಪ್ರಯೋಜನ ಪಡೆಯಲು ವೈ-ಫೈ ಕನೆಕ್ಷನ್ ಅಗತ್ಯ ಇದೆ. ವೈಫೈ ಇಲ್ಲದೇ ಈ ಸೇವೆ ಅಲಭ್ಯ. ಹೀಗಾಗಿ ಚಂದಾದಾರರು ಯಾವ ವೈ-ಫೈ ನೆಟ್‌ವರ್ಕ್ ಅನ್ನು ಬಳಸುತ್ತಿದ್ದಾರೆ ಎಂಬುದು ಮುಖ್ಯವಾಗುತ್ತದೆ. ಏರ್‌ಟೆಲ್ ಚಂದಾದಾರರು VoWi-Fi ವೈಶಿಷ್ಟ್ಯವನ್ನು ಬಳಸಲು ಏರ್‌ಟೆಲ್ ಬ್ರಾಡ್‌ಬ್ಯಾಂಡ್‌ನಲ್ಲಿ VoWi-Fi ಸಂಪರ್ಕ ಅಗತ್ಯ.