ಉಚಿತ ಕ್ಲೌಡ್‌ ಸ್ಟೋರೇಜ್‌ ಸ್ಥಳಾವಕಾಶಕ್ಕೆ ಕತ್ತರಿ ಹಾಕಿದ 'ಸ್ಯಾಮ್‌ಸಂಗ್‌'!

ಸ್ಯಾಮ್‌ಸಂಗ್‌ ಡ್ರಾಪ್ಸ್

ಸ್ಯಾಮ್‌ಸಂಗ್‌ ಕಂಪನಿಯ ಅಧಿಕೃತ ಕ್ಲೌಡ್‌ ಸ್ಟೋರೇಜ್‌ ಫೀಚರ್‌ ಇದಾಗಿದ್ದು, ಗ್ರಾಹಕರಿಗೆ ಡೇಟಾಗಳನ್ನು ಸಂಗ್ರಹಿಸಲು ಉಚಿತವಾಗಿ ನಿಗದಿತ ಸ್ಥಳಾವಕಾಶವಿರುತ್ತದೆ. ಈ ಸೌಲಭ್ಯವನ್ನು ಪಡೆಯಲು ಗ್ರಾಹಕರು ಸ್ಯಾಮ್‌ಸಂಗ್‌ ಕ್ಲೌಡ್‌ ಸ್ಟೋರೇಜ್‌ ಅಕೌಂಟ್‌ ತೆರೆಯಬೇಕು ಆನಂತರದಲ್ಲಿ ಐಡಿ ಮತ್ತು ಪಾಸ್‌ವರ್ಡ್‌ಗಳಿಂದ ಲಾಗಿನ ಆಗಬಹುದು.

15GB ಟು 5GB

ಸ್ಯಾಮ್‌ಸಂಗ್‌ ಕ್ಲೌಡ್‌ ಸ್ಟೋರೇಜ್‌ ಖಾತೆಯಲ್ಲಿ ಗ್ರಾಹಕರಿಗೆ ಉಚಿತವಾಗಿ 15GB ಸಾಮರ್ಥ್ಯದ ಸ್ಥಳಾವಕಾಶವನ್ನು ಒದಗಿಸಲಾಗಿತ್ತು. ಆದರೆ ಕಂನಿಯು ಇದೀಗ ಉಚಿತ ಸ್ಥಳಾವಕಾಶದಲ್ಲಿ 10GB ಕಡಿತ ಮಾಡಲಿದ್ದು, ಹೀಗಾಗಿ ಇನ್ನು ಕ್ಲೌಡ್ ಸ್ಟೋರೇಜ್‌ನಲ್ಲಿ ಗ್ರಾಹಕರಿಗೆ ಕೇವಲ 5GB ಮಾತ್ರ ಉಚಿತ ಸ್ಥಳಾವಕಾಶ ಲಭ್ಯವಾಗಲಿದೆ.

ಯಾವಾಗ ಜಾರಿ

ಕಂಪನಿಯು ಗ್ರಾಹಕರಿಗೆ ಕ್ಲೌಡ್‌ ಸ್ಟೋರೇಜ್‌ನಲ್ಲಿ ಡೇಟಾ ಸಂಗ್ರಹಕ್ಕೆ ಕೇವಲ 5GB ಮಾತ್ರ ಉಚಿತ ಸ್ಥಳಾವಕಾಶ ನೀಡಲು ನಿರ್ಧರಿಸಿದ್ದು, ಈ ವ್ಯವಸ್ಥೆಯು ಇದೇ ಜೂನ್‌ 1ರಿಂದ ಜಾರಿಗೆ ಬರಲಿದೆ ಎನ್ನಲಾಗಿದೆ. ಅಲ್ಲಿಯವರೆಗೆ ಯಾವುದೇ ಬದಲಾವಣೆ ಇರುವುದಿಲ್ಲ. ಹೊಸದಾಗಿ ಸ್ಯಾಮ್‌ಸಂಗ್‌ ಅಕೌಂಟ್‌ ತೆರೆಯುವ ಬಳಕೆದಾರರಿಗೆ ಮಾತ್ರ ಈ ವ್ಯವಸ್ಥೆ ಅನ್ವಯಿಸಲಿದೆ ಎನ್ನಲಾಗಿದೆ.

ಗೂಗಲ್‌ ಡ್ರೈವ್‌

ಗೂಗಲ್‌ ಕಂಪನಿಯು ಸಹ ಗೂಗಲ್ ಡ್ರೈವ್‌ ಹೆಸರಿನಲ್ಲಿ ಕ್ಲೌಡ್‌ ಸ್ಟೋರೇಜ್‌ ವ್ಯವಸ್ಥೆಯನ್ನು ನೀಡುತ್ತಿದ್ದು, ಪ್ರಸ್ತುತ ಉಚಿತವಾಗಿ 15GB ಸ್ಥಳಾವಕಾಶವನ್ನು ಒದಗಿಸುತ್ತಿದೆ. ಆದರೆ ಖುಷಿ ವಿಚಾರವೆನೆಂದರೇ ಗೂಗಲ್‌ ಡ್ರೈವ್ ಉಚಿತ ಸ್ಟೋರೇಜ್‌ ಸಾಮರ್ಥ್ಯವನ್ನು ಸುಮಾರು 20GBಗೆ ಹೆಚ್ಚಿಸುವ ಆಲೋಚನೆಯಲ್ಲಿದೆ ಎನ್ನಲಾಗಿದೆ.