Sonyಯಿಂದ ಹೊಸ ವಾಯರ್‌ಲೆಸ್‌ ಹೆಡ್‌ಫೋನ್ ಬಿಡುಗಡೆ!..ಬೆಲೆ ಎಷ್ಟು ಗೊತ್ತಾ?

ಹೌದು, ಜನಪ್ರಿಯ ಸೋನಿ ಆಡಿಯೊ ಸಂಸ್ಥೆಯು ಹೊಸದಾಗಿ WI-1000XM2 ಹೆಸರಿನ ವಾಯರ್‌ಲೆಸ್ ನಾಯಿಸ್‌ ಕ್ಯಾನ್ಸಲೇಷನ್ ಹೆಡ್‌ಫೋನ್ ಬಿಡುಗಡೆ ಮಾಡಿದೆ. ಈ ಹೆಡ್‌ಫೋನ್ ಅಡ್ವಾನ್ಸ್‌ ನಾಯಿಸ್‌ ಕ್ಯಾನ್ಸಲೇಷನ್ ತಂತ್ರಜ್ಞಾನವನ್ನು ಪಡೆದಿದ್ದು, ಜೊತೆಗೆ ಕ್ವಿಕ್ ಚಾರ್ಜಿಂಗ್ ಸೌಲಭ್ಯವನ್ನು ಒಳಗೊಂಡಿದೆ. ಬ್ಯಾಟರಿ ಬಾಳಿಕೆಯು ಅತ್ಯುತ್ತಮವಾಗಿದ್ದು, ನೆಕ್‌ಬ್ಯಾಂಡ್‌ ರಚನೆಯನ್ನು ಹೊಂದಿದೆ.

ಸೋನಿ WI-1000XM2 ಹೆಡ್‌ಫೋನ್ ಬಳಕೆದಾರರಿಗೆ ಅನುಕೂಲಕರವಾಗದ ಸೌಂಡ್ ಅಡ್ಜೆಸ್ಟ್ ಮಾಡುವ ಆಯ್ಕೆಯನ್ನು ಹೊಂದಿದೆ. ಡ್ಯುಯಲ್ ನಾಯಿಸ್‌ ಕ್ಯಾನ್ಸಲೇಷನ್ ತಂತ್ರಜ್ಞಾನ್ ಹೊಂದಿದ್ದು, ಯಾವುದೇ ಬಾಹ್ಯ ಶಬ್ದ ಕೇಳಿಸಿದಂತಹ ರಚನೆಯನ್ನು ಪಡೆದಿದೆ. ನೆಕ್‌ಬ್ಯಾಂಡ್ ಡಿಸೈನ್‌ನಲ್ಲಿರುವ ಈ ಹೆಡ್‌ಫೋನ್ ಹಗುರವಾಗಿದ್ದು, ಬಡ್ಸ್‌ ಕಿವಿಗಳಿಗೆ ಕಂಫರ್ಟ್‌ ಆಗಿ ಫಿಟ್ ಆಗುವಂತಿವೆ.

ಇನ್ನು ಈ ಹೆಡ್‌ಫೋನ್ ಗೂಗಲ್‌ ಅಸಿಸ್ಟಂಟ್, ಅಮೆಜಾನ್ ಅಲೆಕ್ಸಾ, ಮತ್ತು Hi-Res ಆಡಿಯೊ ಸೌಲಭ್ಯಗಳನ್ನು ಇನ್‌ಬಿಲ್ಟ್‌ ಆಗಿ ಪಡೆದಿದೆ. ಇನ್ನು ಹೆಡ್‌ಫೋನ್ ಬ್ಯಾಟರಿಯು 10 ಗಂಟೆ ಬ್ಯಾಕ್‌ಅಪ್ ಒದಗಿಸುವ ಸಾಮರ್ಥ್ಯದಲ್ಲಿದ್ದು, ಕೇವಲ ಹತ್ತು ನಿಮಿಷದ ಚಾರ್ಜ್ ಸುಮಾರು 80ನಿಮಿಷಗಳ ಬ್ಯಾಟರಿ ಬ್ಯಾಕ್‌ಅಪ್ ಒದಗಿಸುತ್ತದೆ. ಹಾಗೆಯೇ ಯುಎಸ್‌ಬಿ ಟೈಪ್‌-ಸಿ ಪೋರ್ಟ್‌, ಬ್ಲೂಟೂತ್ v5.0, 3.5mm ಆಡಿಯೊ ಜಾಕ್ ಸೌಲಭ್ಯಗಳನ್ನು ಒಳಗೊಂಡಿದೆ.

ಸೋನಿಯ ಈ ಹೊಸ WI-1000XM2 ಹೆಡ್‌ಫೋನ್ ಕೆವಲ ಬ್ಲ್ಯಾಕ್‌ ಬಣ್ಣದ ಆಯ್ಕೆಯಲ್ಲಿ ಮಾತ್ರ ಲಭ್ಯವಿದ್ದು, ಮಾರುಕಟ್ಟೆಯಲ್ಲಿ ಈ ಡಿವೈಸ್ ಬೆಲೆಯು 21,990ರೂ. ಆಗಿದೆ. ಅಧಿಕೃತ ಸೋನಿ ಸೆಂಟರ್‌ಗಳಲ್ಲಿ ಗ್ರಾಹಕರು ಖರೀದಿಸಬಹುದಾಗಿದ್ದು, ಅಲ್ಲದೇ ಪ್ರಮುಖ ಇ-ಕಾಮರ್ಸ್‌ ತಾಣಗಳಲ್ಲಿಯೂ ಸಹ ಖರೀದಿಗೆ ಲಭ್ಯವಿದೆ.