ಜಿಯೋ ಗಿಗಾಫೈಬರ್‌ಗೆ ಅಡ್ಡಗಾಲು!..ಟಾಟಾ ಸ್ಕೈನಿಂದ ಉಚಿತ ಬ್ರಾಡ್‌ಬ್ಯಾಂಡ್‌ ಸೇವೆ!

ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನ್

ಟಾಟಾ ಸ್ಕೈ ಬ್ರಾಡ್‌ಬ್ಯಾಂಡ್ ಸೇವೆಯು ಹಲವು ವಿಶೇಷ ಪ್ಲ್ಯಾನ್‌ಗಳನ್ನು ಬಿಡುಗಡೆ ಮಾಡಿದ್ದು, ಅವುಗಳಲ್ಲಿ ಆರಂಭಿಕ ಪ್ಲ್ಯಾನ್ 999ರೂ.ಗಳಾಗಿದೆ. ಈ ಪ್ಲ್ಯಾನ್‌ನಲ್ಲಿ ಇಂಟರ್ನೆಟ್‌ 10 Mbps ವೇಗದಲ್ಲಿ ಕಾರ್ಯಮಾಡಲಿದ್ದು, ಉಚಿತ ಡಾಟಾ ಲಭ್ಯವಾಗಲಿದೆ. ಹಾಗೆಯೇ 1,250ರೂ.ಗಳ ಪ್ಲ್ಯಾನ್‌ನಲ್ಲಿ 25 Mbps, 1,500ರೂ.ಗಳ ಪ್ಲ್ಯಾನ್‌ನಲ್ಲಿ 50 Mbps, 1,800ರೂ.ಗಳ ಪ್ಲ್ಯಾನ್‌ನಲ್ಲಿ 75 Mbps ಮತ್ತು 2,400ರೂ.ಗಳ ಪ್ಲ್ಯಾನ್ 100 Mbps ವೇಗವನ್ನು ಪಡೆದುಕೊಂಡಿರುತ್ತದೆ.

ವ್ಯಾಲಿಡಿಟಿ ಆಯ್ಕೆಗಳು

ಹಲವು ವಿವಿಧ ಇಂಟರ್ನೆಟ್‌ ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನ್‌ಗಳನ್ನು ಪರಿಚಯಿಸಿರುವ ಟಾಟಾ ಸ್ಕೈ ಬಳಕೆದಾರರಿಗೆ ವ್ಯಾಲಿಡಿಟಿಯಲ್ಲಿಯೂ ವಿವಿಧ ಆಯ್ಕೆಗಳನ್ನು ನೀಡಿದೆ. ಬಳಕೆದಾರರಿಗೆ ಒಂದು ತಿಂಗಳ ವ್ಯಾಲಿಡಿಟಿ, ಮೂರು ತಿಂಗಳ ಅವಧಿಯ ವ್ಯಾಲಿಡಿಟಿ, ಆರು ತಿಂಗಳ ವಾಯ್ದೆ ಮತ್ತು ಹನ್ನೆರಡು ತಿಂಗಳ(ಒಂದು ವರ್ಷ) ವ್ಯಾಲಿಡಿಟಿಯ ಪ್ಲ್ಯಾನ್‌ಗಳು ಲಭ್ಯವಿದ್ದು, ಅವರ ಅಗತ್ಯಕ್ಕೆ ಅನುಗುಣವಾಗಿ ಪ್ಲ್ಯಾನ್‌ ಆಯ್ಕೆ ಮಾಡಿಕೊಳ್ಳಬಹುದು.

ಫಸ್ಟ್‌ ಲಿಸ್ಟ್‌ನಲ್ಲಿನ ನಗರಗಳು

ಅಹಮದಾಬಾದ್, ಬೆಂಗಳೂರು, ಭೋಪಾಲ್, ಚೆನ್ನೈ, ದೆಹಲಿ, ಘಜಿಯಾಬಾದ್, ಗ್ರೇಟರ್ ನೋಯ್ಡಾ, ಗುರಗಾಂವ್, ಹೈದರಾಬಾದ್, ಮೀರಾ ಭಯಾಂದರ್, ಮುಂಬೈ, ನೋಯ್ಡಾ, ಪಿಂಪ್ರಿ ಚಿಂಚ್ವಾಡ್ ಮತ್ತು ಥಾಣೆ ನಗರಗಳಲ್ಲಿ ಈಗಾಗಲೇ ಬ್ರಾಡ್‌ಬ್ಯಾಂಡ್ ಸೇವೆ ಸ್ಟಾರ್ಟ್‌ ಆಗಿದ್ದು, ಮುಂದಿನ ಹಂತದಲ್ಲಿ ಕೋಲ್ಕತಾ, ಪುಣೆ ಮತ್ತು ಜೈಪುರಗಳಿಗೂ ಬ್ರಾಡ್‌ಬ್ಯಾಂಡ್ ಸೇವೆಯನ್ನು ವಿಸ್ತರಿಸಲಿದೆ.

ಹೊಸದಾಗಿ ಸೇರಿದ ನಗರಗಳು

ಟಾಟಾ ಸ್ಕೈ ತನ್ನ ಬ್ರಾಡ್‌ಬ್ಯಾಂಡ್‌ ಸೇವೆಯ ಬಳಕೆದಾರರ ಸಂಖ್ಯೆಯನ್ನು ಹೆಚ್ಚಿಸಿಕೊಳ್ಳುವ ಉದ್ದೇಶದಿಂದ ಮತ್ತೆ ಹೊಸದಾಗಿ ಸೂರತ್, ಇಂದೋರ್, ನವೀ ಮುಂಬಯಿ ಮತ್ತು ಲಕ್ನೋ ನಗರಗಳಿಗೂ ಹಬ್ಬಿಸಲಿದೆ. ಈ ಮೂಲಕ ದೇಶದ ಪ್ರಮುಖ ನಗರ ಪ್ರದೇಶಗಳಿಗೆ ಬ್ರಾಡ್‌ಬ್ಯಾಂಡ್‌ ಸೇವೆಯನ್ನು ನೀಡಿ, ಬಳಕೆದಾರರ ಸಂಖ್ಯೆಯನ್ನು ಮತ್ತಷ್ಟು ಹೆಚ್ಚಿಸಿಕೊಳ್ಳುವ ಪ್ರಯತ್ನವನ್ನು ಮಾಡುತ್ತಿದೆ.

ಜಿಯೋಗೆ ಗುನ್ನ ನೀಡುವ ಯತ್ನ

ಸದ್ಯದಲ್ಲೇ ಮಾರುಕಟ್ಟೆ ಎಂಟ್ರಿ ಕೊಡಲಿರುವ ರಿಲಾಯನ್ಸ್‌ ಜಿಯೋ ಗಿಗಾಫೈಬರ್ ದೇಶದಲ್ಲಿ ಹೊಸ ಬದಲಾವಣೆಗಳನ್ನು ಹುಟ್ಟುಹಾಕಲಿದೆ ಎನ್ನುವ ಲಕ್ಷಣಗಳಿದೆ. ಜಿಯೊ ಗಿಗಾಫೈಬರ್ ವ್ಯಾಪಿಸುವ ಮೊದಲೆ ಬಳಕೆದಾರರ ಸಂಖ್ಯೆಯನ್ನು ಹೆಚ್ಚಿಸಿಕೊಳ್ಳುವ ತವಕದಲ್ಲಿದೆ ಟಾಟಾಸ್ಕೈ. ಅದಕ್ಕಾಗಿ ಹೊಸ ಡಾಟಾ ಪ್ಲ್ಯಾನ್‌ಗಳು ಮತ್ತು ಬ್ರಾಡ್‌ಬ್ಯಾಂಡ್‌ ಸೇವೆಯನ್ನು ಮತ್ತಷ್ಟು ನಗರಗಳಿಗೆ ವಿಸ್ತರಿಸಿದೆ.