ಟ್ರೂಕಾಲರ್‌ನಲ್ಲಿ ಅಸಿಸ್ಟೆಂಟ್‌ ಫೀಚರ್ಸ್‌ ಬಳಸುವುದು ಹೇಗೆ?...ಇಲ್ಲಿದೆ ವಿವರ!

ಹೌದು, ಸ್ಪ್ಯಾಮ್ ಕರೆಗಳನ್ನು ನಿರ್ಬಂಧಿಸುವ ಆತುರದಲ್ಲಿ ಹಲವು ಬಳಕೆದಾರರು ಸಾಮಾನ್ಯವಾಗಿ ಎಲ್ಲಾ ಅನಾಮಿಕ ಕರೆಗಳನ್ನೂ ನಿರ್ಲಕ್ಷಿಸುತ್ತಾರೆ. ಈ ಅನಾಮಿಕ ಕರೆಯಲ್ಲಿ ಕೆಲಸದಾತರರು ಇರಬಹುದು, ನಿಮ್ಮ ಆತ್ಮೀಯರೂ ಇರಬಹುದು. ಇದನ್ನು ತಪ್ಪಿಸುವ ಸಲುವಾಗಿಯೇ ಕಾಲರ್‌ ಐಡಿ ಹಾಗೂ ಸ್ಪ್ಯಾಮ್‌ ಬ್ಲಾಕಿಂಗ್‌ ಆಯ್ಕೆಯನ್ನು ನೀಡಲಾಗಿತ್ತು. ಈಗ ಟ್ರೂ ಕಾಲರ್ ಅಸಿಸ್ಟೆಂಟ್ ಎಂಬ ಹೊಸ ಫೀಚರ್ಸ್‌ ಅನ್ನು ಪರಿಚಯಿಸಲಾಗಿದ್ದು, ಈ ಅಸಿಸ್ಟೆಂಟ್‌ ಆಯ್ಕೆಯು ನಿಮ್ಮ ಪರವಾಗಿ ಮಾತನಾಡುತ್ತದೆ.

ಈ ಫೀಚರ್ಸ್‌ ಆಂಡ್ರಾಯ್ಡ್‌ ಹಾಗೂ ಐಓಎಸ್‌ ನಲ್ಲಿ ಲಭ್ಯವಿರಲಿದ್ದು, ಅದರಲ್ಲೂ ಪ್ರೀಮಿಯಂ ಬಳಕೆದಾರರು ಮಾತ್ರ ಇದರ ಸೌಲಭ್ಯ ಪಡೆದುಕೊಳ್ಳಬಹುದಾಗಿದೆ. ಆರಂಭಿಕವಾಗಿ ಯುಎಸ್‌ ನಲ್ಲಿ ಮಾತ್ರ ಲಭ್ಯವಿದ್ದು, ನಿಮಗೂ ಈ ಸೌಲಭ್ಯ ಬೇಕೆಂದರೆ ಟ್ರೂಕಾಲರ್‌ನ ಅಧಿಕೃತ ಜಾಲತಾಣದಲ್ಲಿ ನೀಡಲಾಗಿರುವ ಮಾಹಿತಿ ಪ್ರಕಾರ ಮನವಿ ಸಲ್ಲಿಸಿ ಫೀಚರ್ಸ್‌ ಪಡೆದುಕೊಳ್ಳಬಹುದಾಗಿದೆ. ಹಾಗೆಯೇ ಟ್ರೂ ಕಾಲರ್ ಅಸಿಸ್ಟೆಂಟ್ ಅನ್ನು ಸಕ್ರಿಯಗೊಳಿಸಿದ ತಕ್ಷಣ ನಿಮ್ಮ ಮೊಬೈಲ್‌ನಲ್ಲಿ ಇರುವ ಕಾಲರ್ ಐಡಿಯಲ್ಲಿ ಇದು ಕಾಣಿಸಿಕೊಳ್ಳುತ್ತದೆ.

ಏನಿದು ಅಸಿಸ್ಟೆಂಟ್ ?

ಈ ನೂತನ ಫೀಚರ್ಸ್‌ ಮೂಲಕ ನೀವು ಯಾವುದೇ ಪ್ರಮುಖ ಕರೆಗಳನ್ನು ಎಂದಿಗೂ ಮಿಸ್‌ ಮಾಡಿಕೊಳ್ಳುವುದಿಲ್ಲ. ಈ ಅಸಿಸ್ಟೆಂಟ್‌ ಫೀಚರ್ಸ್‌ ನಿಮ್ಮ ಅನುಮತಿ ಪಡೆದುಕೊಂಡು ಕರೆ ಹಾಗೂ ಸಂದೇಶಗಳಿಗೆ ಪ್ರತಿಕ್ರಿಯಿಸುತ್ತದೆ. ಈ ಕೆಲಸಕ್ಕಾಗಿ ಟ್ರೂ ಕಾಲರ್‌ ಅಸಿಸ್ಟೆಂಟ್ ಮೆಷಿನ್‌ ಲರ್ನಿಂಗ್‌ ಹಾಗೂ ಜನರೇಟಸ್‌ ರಿಪ್ಲೈ ಫೀಚರ್ಸ್‌ಗಳನ್ನು ಬಳಕೆ ಮಾಡಿಕೊಳ್ಳಲಿದೆ.

ಹೇಗೆ ಕೆಲಸ ಮಾಡಲಿದೆ?

ನಿಮ್ಮ ಸ್ಮಾರ್ಟ್‌ ಫೋನ್‌ಗೆ ಬಂದ ಕರೆಯನ್ನು ನಿರಾಕರಿಸಿದರೆ ಅಥವಾ ಉತ್ತರಿಸದಿದ್ದರೆ ಅದನ್ನು ಅಸಿಸ್ಟೆಂಟ್‌ಗೆ ವಹಿಸಬಹುದು. ನಂತರ ಅಸಿಸ್ಟೆಂಟ್‌ ಆ ಕರೆಯ ಉದ್ದೇಶ ಹಾಗೂ ಯಾರು ಕರೆ ಮಾಡಿದ್ದಾರೆ ಎಂಬಿತ್ಯಾದಿ ಮಾಹಿತಿಯನ್ನು ತಾನೇ ಕಲೆ ಹಾಕುತ್ತದೆ. ಇದಿಷ್ಟೇ ಅಲ್ಲದೆ, ಲೈವ್‌ ಸ್ಕ್ರೀನಿಂಗ್‌ ಮೂಲಕ ಅವರ ಬಳಿ ಪ್ರಶ್ನೆಗಳನ್ನು ಹಾಕುತ್ತದೆ. ನಂತರ ಈ ಮಾಹಿತಿ ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಡಿಸ್‌ಪ್ಲೇ ಆಗುತ್ತದೆ. ಪರಿಣಾಮ ನಿಮ್ಮ ಸ್ಮಾರ್ಟ್‌ಫೋನ್‌ಗೆ ಕರೆ ಮಾಡಿದ್ದವರು ಯಾರು?, ಯಾವ ಕಾರಣಕ್ಕೆ ಕರೆ ಮಾಡಿದ್ದರು ಎಂಬ ನಿಖರ ಮಾಹಿತಿಯನ್ನು ತಿಳಿದುಕೊಳ್ಳಬಹುದು.

ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಆಕ್ಟಿವ್‌ ಮಾಡುವುದು ಹೇಗೆ?

ಹಂತ 1 : ಗೂಗಲ್‌ ಪ್ಲೇ ಸ್ಟೋರ್‌ ಅಥವಾ ಆಪಲ್‌ ಆಪ್‌ ಸ್ಟೋರ್‌ಗೆ ಹೋಗಿ ಈ ಅಪ್ಲಿಕೇಶನ್‌ ಡೌನ್‌ಲೋಡ್‌ ಮಾಡಿಕೊಂಡು ಪ್ರೊಫೈಲ್ ರಚಿಸಿ.

ಹಂತ 2 : ನಂತರ, ಹೋಮ್ ಸ್ಕ್ರೀನ್ ಟ್ಯಾಬ್‌ನಲ್ಲಿ ಕಾಣುವ ಅಸಿಸ್ಟೆಂಟ್ ಟ್ಯಾಬ್‌ ಮೇಲೆ ಟ್ಯಾಪ್ ಮಾಡಿ.

ಹಂತ 3 : ಇದಾದ ಬಳಿಕ, ಯಾವ ರೀತಿಯ ಪ್ರಶ್ನೆಗಳನ್ನು ಕರೆ ಮಾಡಿದವರ ಬಳಿ ಕೇಳಬೇಕು ಎಂಬುದನ್ನು ಸೆಲೆಕ್ಟ್‌ ಮಾಡಿಕೊಳ್ಳಿ(ಇದರಲ್ಲಿ ಹಲವು ಆಯ್ಕೆಗಳಿವೆ) ನಂತರ ಅದರ ಮೇಲೆ ಟ್ಯಾಪ್‌ ಮಾಡಿ.

ಹಂತ 4: ನಂತರದಲ್ಲಿ, ನಿಮಗೆ ಬರುವ ಕರೆಗಳ ಕಾಲರ್‌ ಐಡಿ ಕೆಳಗೆ ಇದು ಕಾಣಿಸಿಕೊಳ್ಳುತ್ತದೆ. ಆ ಕರೆಯನ್ನು ಸ್ವೀಕರಿಸಲು ಇಷ್ಟ ಇಲ್ಲದಿದ್ದರೆ 'ಲೆಟ್ ಅಸಿಸ್ಟೆಂಟ್ ಟೇಕ್ ದಿ ಕಾಲ್' ಆಯ್ಕೆ ಮೇಲೆ ಟ್ಯಾಪ್‌ ಮಾಡಿ ಬಿಡಿ.

ಹಂತ 5: ಅಸಿಸ್ಟೆಂಟ್‌ ಫೀಚರ್ಸ್‌ ನಿಮಗೆ ಕರೆ ಮಾಡಿದವರ ಬಳಿ ಮಾತನಾಡಿ ನಂತರ ನಿಮಗೆ ಯಾರು ಕರೆ ಮಾಡಿದ್ದರು ಯಾವ ಕಾರಣಕ್ಕೆ ಕರೆ ಮಾಡಿದ್ದರು ಎನ್ನುವುದನ್ನು ತಿಳಿಸುತ್ತದೆ.