ಜಿಯೋ ಮುಗಿಸಲು ವೊಡಾಫೋನ್ ಅಸ್ತ್ರ: ಕಡಿಮೆ ಬೆಲೆಗೆ ಅನ್‌ಲಿಮಿಟೆಡ್ ವೇಗದ ಡೇಟಾ ಪ್ಲಾನ್‌..!

3G-4G ಬಳಕೆದಾರರಿಗೆ:

ವೊಡಾಫೋನ್ ಘೋಷಣೆ ಮಾಡಿರುವ ರೂ.21ರ ಪ್ಲಾನ್‌ 3G-4G ಬಳಕೆದಾರರಿಬ್ಬರಿಗೂ ಲಭ್ಯವಿರಲಿದ್ದು, ಈ ಕುರಿತು ತನ್ನ ವೆಬ್‌ಸೈಟಿನಲ್ಲಿ ಮಾಹಿತಿಯನ್ನು ನೀಡಿದೆ. ಇಂದು ಒಂದು ಗಂಟೆಗಳ ಬಳಕೆಗೆ ಇಂಟರ್ನೆಟ್ ನೀಡುವ ಆಫರ್ ಆಗಿದ್ದು, ಈ ಒಂದು ಗಂಟೆಯಲ್ಲಿ ದೊರೆಯುವ ವೇಗದ ಇಂಟರ್ನೆಟ್‌ನಲ್ಲಿ ಬಳಕೆದಾರರು ಏನ್ನನ್ನು ಬೇಕಾದರು ಡೌನ್‌ಲೋಡ್ ಮಾಡಿಕೊಳ್ಳಬಹುದಾಗಿದೆ.

ಒಂದು ದಿನ:

ಈ ಪ್ಲಾನ್‌ ಒಂದು ದಿನದ ವ್ಯಾಲಿಡಿಟಿಯನ್ನು ಹೊಂದಿರಲಿದ್ದು, ಒಂದು ಗಂಟೆ ವೇಗದ ಇಂಟರ್ನೆಟ್ ಬಳಕೆಯ ನಂತರದಲ್ಲಿ ಕಡಿಮೆ ವೇಗದಲ್ಲಿ ಕಾರ್ಯನಿರ್ವಹಿಸಲಿದೆ ಎನ್ನಲಾಗಿದೆ. ಇದರಿಂದಾಗಿ ಒಂದು ಗಂಟೆಯಲ್ಲಿ ಡೌನ್‌ಲೋಡ್ ಮಾಡಿಕೊಳ್ಳಲು ಯಾವುದೇ ಮಿತಿಯನ್ನು ವಿಧಿಸಲಾಗಿಲ್ಲ. ಯಾವುದನ್ನು ಬೇಕಾದರು ಡೌನ್‌ಲೋಡ್ ಮಾಡಿಕೊಳ್ಳುವ ಅವಕಾಶವನ್ನು ನೀಡಿದೆ.

ಮಿತಿ ಇಲ್ಲ:

ಇದರಿಂದಾಗಿ ಹೆಚ್ಚಿನ ಡೇಟಾವನ್ನು ಡೌನ್‌ಲೋಡ್ ಮಾಡಿಕೊಳ್ಳಬೇಕಾದ ಸಂದರ್ಭದಲ್ಲಿ ಈ ಪ್ಲಾನ್‌ ಅನ್ನು ಬಳಕೆ ಮಾಡಿಕೊಳ್ಳಬಹುದಾಗಿದೆ. ಇದರಲ್ಲಿ ಬಳಕೆದಾರರಿಗೆ ಡೇಟಾ ಡೌನ್‌ಲೋಡ್ ಮಿತಿಯನ್ನು ವಿಧಿಸಲಾಗಿಲ್ಲ. ಬಳಕೆದಾರರು ಅವರ ಅವಶ್ಯಕತೆಗೆ ತಕ್ಕಂತೆ ಈ ಆಫರ್ ಅನ್ನು ಬಳಕೆ ಮಾಡಿಕೊಳ್ಳಬಹುದಾಗಿದೆ.

ಜಿಯೋ ಆಫರ್:

ಆದರೆ ಜಿಯೋ ರೂ.19ರ ಆಫರ್ ನಲ್ಲಿ ಬಳಕೆದಾರರಿಗೆ ಮಿತಿಗಳನ್ನು ವಿಧಿಸಿದ್ದು, ಒಂದು ದಿನದ ಬಳಕೆಗೆ 0.15GB ಡೇಟಾವನ್ನು ಮಾತ್ರವೇ ಬಳಕೆಗೆ ನೀಡಿದೆ. ಆದರೆ ಕರೆ ಮಾಡುವ ಅವಕಾಶ ಮತ್ತು ಮೇಸೆಜ್ ಗಳನ್ನು ಕಳುಹಿಸಲು ಅವಕಾಶವನ್ನು ಮಾಡಿಕೊಟ್ಟಿದೆ.