ಬ್ರಾಡ್‌ಬ್ಯಾಂಡ್‌ ಸಮರ : ಬೆಲೆ ಇಳಿಕೆ ಮಾಡಿದ 'ವೊಡಾಫೋನ್ ಯೂ'!

ಹೌದು, ವೊಡಾಫೋನ್ ಸಂಸ್ಥೆಯ 'ಯೂ ಬ್ರಾಡ್‌ಬ್ಯಾಂಡ್‌' ನೆಟ್‌ವರ್ಕ್ ತನ್ನ ಪ್ಲ್ಯಾನ್‌ಗಳ ಬೆಲೆಯಲ್ಲಿ ಬದಲಾವಣೆ ಮಾಡಿದ್ದು, ತಿಂಗಳ 944ರೂ. ಶುಲ್ಕ ನಿಗದಿ ಮಾಡಿದೆ. ಈ ಪ್ಲ್ಯಾನ್‌ನಲ್ಲಿ ಗ್ರಾಹಕರಿಗೆ 100 Mbps ವೇಗದಲ್ಲಿ ಇಂಟರ್ನೆಟ್‌ ಸೇವೆಯು ದೊರೆಯಲಿದ್ದು, ಈ ಸೇವೆಯು ಯಾವುದೇ FUP (Fair Usage Policy) ಲಿಮಿಟ್‌ ಇರುವುದಿಲ್ಲ ಎಂದು ತಿಳಿಸಿದೆ. ಸದ್ಯ ಭಾರತದ 22 ನಗರಗಳಲ್ಲಿ ವೊಡಾಫೋನ್ 'ಯು ಬ್ರಾಡ್‌ಬ್ಯಾಂಡ್' ಸೇವೆಯು ಲಭ್ಯವಿದೆ.

ವೊಡಾಫೋನ್ ಕಂಪನಿಯ 'ಯೂ ಬ್ರಾಡ್‌ಬ್ಯಾಂಡ್‌' ಒಟ್ಟು ನಾಲ್ಕು ಆಯ್ಕೆಗಳನ್ನು ಒಳಗೊಂಡಿದೆ. ಮೊದಲನೆಯ ಆಯ್ಕೆಯು 944ರೂ.ಗಳಿಗೆ 100 Mbps ವೇಗದಲ್ಲಿ 30ದಿನಗಳ ವಾಯಿದೆಯನ್ನು ಒಳಗೊಂಡಿದೆ. ಹಾಗೆಯೇ ಈ ಆಯ್ಕೆಯಲ್ಲಿ ಗ್ರಾಹಕರು ಅನಿಯಮಿತ ಡೇಟಾ ಬಳಸಬಹುದಾಗಿದ್ದು, ಯಾವುದೇ FUP ಲಿಮಿಟ್ ಇರುವುದಿಲ್ಲ. ಆದರೆ ಜಿಯೋದಲ್ಲಿ ನಿಗದಿ ಪಡೆಸಲಾಗಿದೆ.

ಓದಿರಿ : ಫ್ಲಿಪ್‌ಕಾರ್ಟ್‌ನ ಈ ಆಫರ್‌ ಮಿಸ್‌ ಮಾಡ್ಕೊಬೇಡಿ!

ಇದಲ್ಲದೇ ವೊಡಾಫೋನ್ ಯೂ ಬ್ರಾಡ್‌ಬ್ಯಾಂಡ್‌ 90ದಿನಗಳು, 180ದಿನಗಳು ಮತ್ತು 360ದಿನಗಳ ವ್ಯಾಲಿಡಿಟಿಯ ಅವಧಿಯ ಇನ್ನಿತರೇ ಮೂರು ಆಯ್ಕೆಗಳನ್ನು ಸಹ ಹೊಂದಿದೆ. 90ದಿನಗಳ ಅನಿಯಮಿತ ಡೇಟಾ ಪ್ಲ್ಯಾನ್ ಬೆಲೆಯು 2,744ರೂ.ಗಳು ಆಗಿದೆ. ಹಾಗೆಯೇ 180 ದಿನಗಳು ಅವಧಿಯ ಪ್ಯಾನ್‌ ಬೆಲೆಯು 5,133ರೂ ಆಗಿದ್ದು, 360ದಿನಗಳ ವಾಯಿದೆಯ ಪ್ಲ್ಯಾನ್‌ ಬೆಲೆಯು 9,558ರೂ.ಗಳು ಆಗಿದೆ.

ವೊಡಾಫೋನ್‌ 150 Mbps ಮತ್ತು 200 Mbps ವೇಗದಲ್ಲಿ ಬ್ರಾಡ್‌ಬ್ಯಾಂಡ್‌ ಸೇವೆಯ ಪ್ಲ್ಯಾನ್‌ಗಳನ್ನು ಒಳಗೊಂಡಿದ್ದು, 150 Mbps ವೇಗದ ಪ್ಲ್ಯಾನ್‌ಗೆ 30ದಿನಗಳಿಗೆ 1,403ರೂ.ಗಳು (1000GB), 90ದಿನಗಳಿಗೆ 4,209ರೂ.ಗಳು( 3,300GB ), 8,418ರೂ.ಗಳಿಗೆ 180ದಿನಗಳ ವ್ಯಾಲಿಡಿಟಿ ಸಿಗಲಿದೆ (7,200GB) ಮತ್ತು 12,036ರೂ.ಬೆಲೆಯ ಪ್ಲ್ಯಾನ್‌ನಲ್ಲಿ 360ದಿನಗಳಿಗೆ (15,600GB) ವ್ಯಾಲಿಡಿಟಿ ದೊರೆಯಲಿದೆ. ಸದ್ಯ ತಿಂಗಳಿಗೆ 944ರೂ.ಪ್ಲ್ಯಾನ್ ಹೈದ್ರಾಬಾದ ನಗರದಲ್ಲಿ ಚಾಲ್ತಿಯಿದೆ.

ಓದಿರಿ : ಭಾರತದಲ್ಲಿ 'ರೆಡ್ಮಿ 70 ಇಂಚಿನ' ಸ್ಮಾರ್ಟ್‌ಟಿವಿ ಸ್ವಾಗತಕ್ಕೆ ದಿನಾಂಕ ಫಿಕ್ಸ್!