ವಾಟ್ಸಾಪ್‌ನಲ್ಲಿ ಇನ್ನು ಸ್ಕ್ರೀನ್‌ಶಾಟ್‌ ತೆಗೆಯುವುದಕ್ಕೆ ಬ್ರೇಕ್‌!..ಇಲ್ಲಿದೆ ಮಾಹಿತಿ!

ಹೌದು, ವಾಟ್ಸಾಪ್‌ ಇತ್ತೀಚಿಗಿನ ಫೀಚರ್ಸ್‌ಗಳು ಬಳಕೆದಾರರಿಗೆ ಭಾರೀ ಉಪಯುಕ್ತ ಎನಿಸಿವೆ. ಅದೇ ಹಾದಿಯಲ್ಲಿ ಮುನ್ನಡೆದಿರುವ ಈ ಮೆಸೆಜಿಂಗ್ ದೈತ್ಯ ಪ್ಲಾಟ್‌ಫಾರ್ಮ್ ತನ್ನ ನೂತನ ಅಪ್‌ಡೇಟ್‌ನಲ್ಲಿ ಮತ್ತಷ್ಟು ನೂತನ ಆಯ್ಕೆಗಳನ್ನು ಪರಿಚಯಿಸಿದೆ. ಆನ್‌ಲೈನ್‌ ಇರುವ ಮಾಹಿತಿ ಹೈಡ್ ಮಾಡುವ, ಬಳಕೆದಾರರಿಗೆ ತಿಳಿಸಿದೆಯೇ ವಾಟ್ಸಾಪ್‌ ಗ್ರೂಪ್‌ಗಳಿಂದ ನಿರ್ಗಮಿಸುವ, ಮೆಸೆಜ್‌ಗಳ ಸ್ಕ್ರೀನ್‌ಶಾಟ್‌ ನಿರ್ಬಂಧಿಸುವ ಆಯ್ಕೆಗಳು ಸೇರಿವೆ.

ಇವುಗಳಲ್ಲಿ ಸ್ಕ್ರೀನ್‌ಶಾಟ್‌ ನಿರ್ಬಂಧ ಆಯ್ಕೆ ಬಳಕೆದಾರರ ಮಾಹಿತಿ ಸುರಕ್ಷತೆಗೆ ಹೆಚ್ಚಿನ ಅನುಕೂಲ ಎನಿಸಲಿದೆ. ಈ ಆಯ್ಕೆ ಮೂಲಕ ವಾಟ್ಸಾಪ್‌ ಚಾಟ್‌, ವಿಡಿಯೋ ಹಾಗೂ ವಾಟ್ಸಾಪ್‌ ಸ್ಟೇಟಸ್ ಗಳ ಸ್ಕ್ರೀನ್‌ಶಾಟ್‌ ತೆಗೆಯುವುದಕ್ಕೆ ಬ್ರೇಕ್‌ ಹಾಕಬಹುದು. ಈ ಬಗ್ಗೆ ಮೆಟಾ ಸ್ಥಾಪಕ ಹಾಗೂ ಸಿಇಒ ಮಾರ್ಕ್ ಜುಕರ್‌ಬರ್ಗ್ ಘೋಷಿಸಿದ್ದಾರೆ. ಹಾಗಾದರೇ ಈ ಫೀಚರ್ಸ್‌ಗಳ ಬಗ್ಗೆ ಇನ್ನಷ್ಟು ಮಾಹಿತಿಯನ್ನು ಮುಂದೆ ತಿಳಿಯೋಣ ಬನ್ನಿರಿ.

ಬಳಕೆದಾರರು ಆನ್‌ಲೈನ್‌ನಲ್ಲಿರುವಾಗ ಯಾರು ನೋಡಬಹುದು ಎಂಬುದನ್ನು ಆಯ್ಕೆ ಮಾಡಿ

ವಾಟ್ಸಾಪ್‌ ಈಗ ಬಳಕೆದಾರರು ತಮ್ಮ 'ಆನ್‌ಲೈನ್' ಸ್ಥಿತಿ ಸೂಚಕವನ್ನು ಯಾರೊಂದಿಗೆ ಹಂಚಿಕೊಳ್ಳಲು ಬಯಸುತ್ತಾರೆ ಎಂಬುದನ್ನು ಆಯ್ಕೆ ಮಾಡಲು ಅನುಮತಿಸುತ್ತದೆ. ಬಳಕೆದಾರರು ಆಪ್‌ನಲ್ಲಿ ಸಕ್ರಿಯರಾಗಿದ್ದಾರೆಂದು ಸ್ನೇಹಿತರು ಮತ್ತು ಕುಟುಂಬದ ಸದಸ್ಯರು ತಿಳಿದುಕೊಳ್ಳಲು ಬಯಸಿದಾಗ ಆನ್‌ಲೈನ್ ಸ್ಥಿತಿಯು ಅನುಕೂಲಕರವಾಗಿರುತ್ತದೆ. ಆದರೆ ನೀವು ವಾಟ್ಸಾಪ್‌ ಅನ್ನು ಖಾಸಗಿಯಾಗಿ ಬಳಸಲು ಬಯಸಿದಾಗಲೂ ತೊಂದರೆಯಾಗಬಹುದು.

ನಿಮ್ಮ ಆನ್‌ಲೈನ್ ಸ್ಥಿತಿ ಸೂಚಕವನ್ನು ಮರೆಮಾಡುವ ಸಾಮರ್ಥ್ಯವು ಈ ತಿಂಗಳ ನಂತರ ಎಲ್ಲಾ ಬಳಕೆದಾರರಿಗೆ ಬರುತ್ತದೆ. ಎಲ್ಲಾ ಬಳಕೆದಾರರು, ಕಾಂಟ್ಯಾಕ್ಟ್‌ ಮತ್ತು ಯಾರ ನಡುವೆಯೂ ತಮ್ಮ ಆನ್‌ಲೈನ್ ಸ್ಥಿತಿಯ ಗೋಚರತೆಯನ್ನು ನಿಯಂತ್ರಿಸಲು ಬಳಕೆದಾರರಿಗೆ ಸಾಧ್ಯವಾಗುತ್ತದೆ ಎಂದು ವರದಿಯಾಗಿದೆ. ರೀಡ್‌ ರಿಸೆಪ್ಟ್‌ (read receipts) ನಂತೆ ಇರಲಿದೆ ಎನ್ನಲಾಗಿದೆ.

'View Once' ಮೆಸೆಜ್‌ಗಾಗಿ ಸ್ಕ್ರೀನ್‌ಶಾಟ್ ನಿರ್ಬಂಧ

ಮೆಸಜೆ ಕಳುಹಿಸುವವರು ಅದರಲ್ಲಿ ಸ್ಕ್ರೀನ್‌ಶಾಟ್‌ಗಳನ್ನು ನಿರ್ಬಂಧಿಸಲು ಆಯ್ಕೆ ಮಾಡಿದರೆ. ವಾಟ್ಸಾಪ್‌ ಬಳಕೆದಾರರು ಶೀಘ್ರದಲ್ಲೇ 'View Once' ಮೆಸಜ್‌ ಸ್ಕ್ರೀನ್‌ಶಾಟ್‌ಗಳನ್ನು ತೆಗೆದುಕೊಳ್ಳಲು ಸಾಧ್ಯವಾಗುವುದಿಲ್ಲ. ಈ 'ಒಮ್ಮೆ ವೀಕ್ಷಿಸಿ' ಫೀಚರ್‌ನಲ್ಲಿ ಬಳಕೆದಾರರು ಫೋಟೋಗಳು ಅಥವಾ ವೀಡಿಯೊಗಳನ್ನು ಡಿಜಿಟಲ್ ಹೆಜ್ಜೆಗುರುತನ್ನು ಬಿಡದೆಯೇ ಕಳುಹಿಸಲು ಅನುವು ಮಾಡಿಕೊಡುತ್ತದೆ. ಈ ಫೀಚರ್‌ ಬಳಕೆದಾರರಿಗೆ 'ಶೀಘ್ರದಲ್ಲೇ' ಬರಲಿದೆ ಎಂದು ವಾಟ್ಸಾಪ್‌ ಬಹಿರಂಗಪಡಿಸಿದೆ. ಆದರೆ ಯಾವುದೇ ದಿನಾಂಕ ಅಥವಾ ಟೈಮ್‌ಲೈನ್ ಅನ್ನು ಬಹಿರಂಗಪಡಿಸಿಲ್ಲ. ಫೀಚರ್‌ ಅನ್ನು ಪ್ರಸ್ತುತ ಪರೀಕ್ಷಿಸಲಾಗುತ್ತಿದೆ ಎಂದು ಸಂಸ್ಥೆಯು ಹಂಚಿಕೊಂಡಿದೆ.

ವಾಟ್ಸಾಪ್ ಗ್ರೂಪ್‌ಗಳಿಂದ ಸೈಲಂಟ್‌ ಆಗಿ ನಿರ್ಗಮಿಸುವ ಆಯ್ಕೆ

ವಾಟ್ಸಾಪ್ ಶೀಘ್ರದಲ್ಲೇ ಎಲ್ಲಾ ಬಳಕೆದಾರರು ತಮ್ಮ ನಿರ್ಗಮನದ ಮಾಹಿತಿ ಇತರ ಬಳಕೆದಾರರಿಗೆ ತಿಳಿಸದೆಯೇ ಅವರು ಯಾವುದೇ ಗುಂಪುಗಳ ಭಾಗವಾಗಿರುವ ಯಾವುದೇ ಗುಂಪುಗಳನ್ನು ಮೌನವಾಗಿ ನಿರ್ಗಮಿಸಲು ಅನುಮತಿಸುತ್ತದೆ. ಗುಂಪನ್ನು ತೊರೆಯುವಾಗ ನಿಮ್ಮ ಕಡೆಗೆ ಗಮನ ಸೆಳೆಯಲು ನೀವು ಬಯಸದಿದ್ದಾಗ ಈ ಆಯ್ಕೆಯು ಉಪಯುಕ್ತವಾಗಬಹುದು. ಆದರೆ ಸದಸ್ಯರು ವಾಟ್ಸಾಪ್‌ ಗ್ರೂಪ್‌ ಬಿಡುವ ಬಗ್ಗೆ ಗ್ರೂಪ್‌ ಅಡ್ಮಿನ್‌ಗೆ ತಿಳಿಸಲಾಗುತ್ತದೆ ಎಂಬುದನ್ನು ಗಮನಿಸಿ. ಈ ತಿಂಗಳಿನಲ್ಲಿ ಎಲ್ಲಾ ಬಳಕೆದಾರರಿಗೆ ಈ ಫೀಚರ್ ಲಭ್ಯ ಆಗಲಿದೆ ಪ್ರಾರಂಭವಾಗುತ್ತದೆ.