ವಾಟ್ಸಾಪ್‌ ಸೇರಲಿರುವ ಈ ಹೊಸ ಫೀಚರ್‌ಗೆ ನೀವು ಫಿದಾ ಆಗೋದು ಗ್ಯಾರಂಟಿ!

ಮೆಟಾ ಮಾಲೀಕತ್ವದ ವಿಶ್ವದ ಜನಪ್ರಿಯ ಇನ್‌ಸ್ಟಂಟ್ ಮೆಸೆಜಿಂಗ್ ಆಪ್‌ 'ವಾಟ್ಸಾಪ್‌' ಸದ್ಯ ಹೆಚ್ಚಿನ ಸಕ್ರಿಯ ಬಳಕೆದಾರರನ್ನು ಹೊಂದಿದೆ. ತನ್ನ ಬಳಕೆದಾರರಿಗೆ ಈಗಾಗಲೇ ಹತ್ತು ಹಲವು ನೂತನ ಫೀಚರ್ಸ್‌ಗಳನ್ನು ಪರಿಚಯಿಸಿರುವ ವಾಟ್ಸಾಪ್‌, ತನ್ನ ಬಳಕೆದಾರರ ಖಾಸಗಿ ಮಾಹಿತಿ ಸುರಕ್ಷತೆಗೂ ಫೀಚರ್‌ಗಳನ್ನು ನೀಡಿದೆ. ಹೀಗೆ ತನ್ನ ಪ್ರತಿ ಹೊಸ ಅಪ್‌ಡೇಟ್‌ನಲ್ಲಿ ಒಂದಿಲ್ಲೊಂದು ಹೊಸ ಆಯ್ಕೆಗಳನ್ನು ಸೇರಿಸುತ್ತ ಮುನ್ನಡೆದಿರುವ ವಾಟ್ಸಾಪ್‌ ಈಗ ಮತ್ತೊಂದು ಕುತೂಹಲಕಾರಿ ಫೀಚರ್ಸ್‌ ಅಳವಡಿಸಲು ಸಜ್ಜಾಗಿದೆ.

ಹೌದು, ವಾಟ್ಸಾಪ್ ಅಪ್ಲಿಕೇಶನ್ ಈಗ ಆಸಕ್ತಿದಾಯಕ ನವೀಕರಣಗಳಲ್ಲಿ ಕಾರ್ಯನಿರ್ವಹಿಸುತ್ತಿದ್ದು, ಶೀಘ್ರದಲ್ಲೇ ವಾಯಿಸ್‌ ನೋಟ್‌ (voice notes) ಆಯ್ಕೆಯಲ್ಲಿ ಬದಲಾವಣೆ ತರಲಿದೆ. ಹೊಸ ಅಪ್‌ಡೇಟ್‌ನಲ್ಲಿ ಬಳಕೆದಾರರು ಚಾಟ್‌ ವಿಂಡೋ ಅನ್ನು ಕ್ಲೋಸ್‌ ಮಾಡಿದ (ಚಾಟ್‌ ವಿಂಡೋದಿಂದ ಹೊರಬಂದ) ನಂತರವು, ವಾಯಿಸ್‌ ನೋಟ್‌ ಕೇಳಲು ಅನುಮತಿಸುತ್ತದೆ ಎಂದು ಹೇಳಲಾಗಿದೆ.

ಇನ್ನು ವಾಟ್ಸಾಪ್‌ ಫೀಚರ್ಸ್‌ಗಳ ಟ್ರ್ಯಾಕರ್ Wabetanino ಪ್ರಕಾರ, ಬಳಕೆದಾರರು ಬೇರೆ ಚಾಟ್‌ಗೆ ಬದಲಾಯಿಸಿದಾಗ ವಾಯಿಸ್‌ ನೋಟ್ ಗಳನ್ನು ಕೇಳಲು ಅನುಮತಿಸುವ ಈ ಹೊಸ ಫೀಚರ್ ಅನ್ನು ಮೂರು ತಿಂಗಳ ಹಿಂದೆ ಐಒಎಸ್ ಬೀಟಾದಲ್ಲಿ ಗುರುತಿಸಲಾಗಿದೆ ಎನ್ನಲಾಗಿದೆ. ಬಳಿಕ ಈ ಫೀಚರ್ ಆಂಡ್ರಾಯ್ಡ್ ನವೀಕರಣಗಳಲ್ಲಿಯೂ ಕಾಣಿಸಿಕೊಂಡಿತು. ಈಗ ಮತ್ತೊಮ್ಮೆ ಫೀಚರ್ ಗುರುತಿಸಿದೆ. ಹಾಗೆಯೇ ಸ್ಕ್ರೀನ್‌ಶಾರ್ಟ್ ಸಹ ಹಂಚಿಕೊಂಡಿದೆ.

ಈ ಬಗ್ಗೆ Wabetainfo ಹಂಚಿಕೊಂಡ ಸ್ಕ್ರೀನ್‌ಶಾಟ್‌ನಲ್ಲಿ, ಬಳಕೆದಾರರು ವಾಯಿಸ್‌ ನೋಟ್ ಕೇಳಲು ಪ್ರಾರಂಭಿಸಿದಾಗ, ಚಾಟ್‌ನಿಂದ ಹೊರಬಂದು ಇನ್ನೊಂದು ಚಾಟ್ ವಿಂಡೋವನ್ನು ತೆರೆದಾಗಲೂ, ವಾಯಿಸ್‌ ನೋಟ್ ಕೇಳಬಹುದಾಗಿದೆ. ಸ್ಕ್ರೀನ್‌ನ ಮೇಲ್ಭಾಗದಲ್ಲಿ ವಾಯಿಸ್‌ ನೋಟ್ ನಿಲ್ಲಿಸಲು pause ಬಟನ್ ಆಯ್ಕೆ ನೀಡಲಿದೆ. ಇನ್ನು ಈ ಹೊಸ ಫೀಚರ್ ಪ್ರಸ್ತುತ ಅಭಿವೃದ್ಧಿ ಹಂತದಲ್ಲಿದೆ ಮತ್ತು ಅದರ ಬಗ್ಗೆ ವಾಟ್ಸಾಪ್‌ ನಿಂದ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲ.

ವಾಟ್ಸಾಪ್‌ನಲ್ಲಿ ವಾಯ್ಸ್ ಮೆಸೇಜ್ ಪ್ರಿವ್ಯೂ ಮಾಡುವುದು ಹೇಗೆ?

ಹಂತ:1 ಮೊದಲಿಗೆ ವಾಟ್ಸಾಪ್‌ನಲ್ಲಿ ವೈಯಕ್ತಿಕ ಅಥವಾ ಗ್ರೂಪ್‌ ಚಾಟ್ ತೆರೆಯಿರಿ.
ಹಂತ:2 ಮೈಕ್ರೊಫೋನ್ ಅನ್ನು ಟ್ಯಾಪ್‌ಮಾಡಿ ಮತ್ತು ಹ್ಯಾಂಡ್ಸ್-ಫ್ರೀ ರೆಕಾರ್ಡಿಂಗ್ ಅನ್ನು ಲಾಕ್ ಮಾಡಲು ಅದನ್ನು ಮೇಲಕ್ಕೆ ಸ್ಲೈಡ್ ಮಾಡಿ.
ಹಂತ:3 ಇದೀಗ ಮಾತನಾಡಲು ಪ್ರಾರಂಭಿಸಿ.
ಹಂತ:4 ನಿಮ್ಮ ವಾಯ್ಸ್‌ ರೆಕಾರ್ಡ್‌ ಮುಗಿದ ನಂತರ, ಸ್ಟಾಪ್‌ ಟ್ಯಾಪ್ ಮಾಡಿ.
ಹಂತ:5 ನಿಮ್ಮ ರೆಕಾರ್ಡಿಂಗ್ ಕೇಳಲು ಪ್ಲೇ ಟ್ಯಾಪ್ ಮಾಡಿ. ಇದರಲ್ಲಿ ಟೈಮ್‌ಸ್ಟ್ಯಾಂಪ್‌ನಿಂದ ಅದನ್ನು ಪ್ಲೇ ಮಾಡಲು ನೀವು ರೆಕಾರ್ಡಿಂಗ್‌ನ ಯಾವುದೇ ಭಾಗವನ್ನು ಟ್ಯಾಪ್ ಮಾಡಬಹುದು.
ಹಂತ:6 ನಂತರ ನಿಮ್ಮ ವಾಯ್ಸ್‌ ಮೆಸೇಜ್‌ ಧ್ವನಿ ಸಂದೇಶವನ್ನು ಡಿಲೀಟ್‌ ಮಾಡಲು ಟ್ರಾಶ್‌ ಕ್ಯಾನ್ ಅನ್ನು ಟ್ಯಾಪ್ ಮಾಡಿ ಅಥವಾ ಅದನ್ನು ಸೆಂಡ್‌ ಮಾಡಲು ಸೆಂಡ್‌ ಟ್ಯಾಪ್ ಮಾಡಿ.

ನಂಬರ್ ಸೇವ್ ಮಾಡದೇ ವಾಟ್ಸಾಪ್ ಮೆಸೆಜ್ ಮಾಡಲು ಹೀಗೆ ಮಾಡಿ:

ಹಂತ 1: ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಯಾವುದೇ ಬ್ರೌಸರ್ ತೆರೆಯಿರಿ.
ಹಂತ 2: ಈ URL ನಲ್ಲಿ ಟೈಪ್ ಮಾಡಿ: http://wa.me/xxxxxxxxx, ಅಲ್ಲಿ X ಗಳು ದೇಶದ ಕೋಡ್ ಜೊತೆಗೆ ಫೋನ್ ಸಂಖ್ಯೆಗೆ ನಿಲ್ಲುತ್ತವೆ. ವಿಳಾಸ ಪಟ್ಟಿಯಲ್ಲಿ ನೀವು http://api.whatsapp.com/send?phone=xxxxxxxxx ಎಂದು ಟೈಪ್ ಮಾಡಬಹುದು.
ಹಂತ 3: ಈಗ, X ಗಳನ್ನು ಮೊಬೈಲ್ ಸಂಖ್ಯೆಯೊಂದಿಗೆ ಬದಲಾಯಿಸಿ. ಆದ್ದರಿಂದ, ಸಂಖ್ಯೆ ಇದ್ದರೆ, 'ಮೊಬೈಲ್ ಸಂಖ್ಯೆ' ಎಂದು ಹೇಳಿ. ನೀವು "https://wa.me/ಮೊಬೈಲ್ ಸಂಖ್ಯೆ" ಎಂದು ಟೈಪ್ ಮಾಡಬೇಕಾಗುತ್ತದೆ.

ಹಂತ 4: ನೀವು ಎಂಟರ್ ಕೀಲಿಯನ್ನು ಟ್ಯಾಪ್ ಮಾಡುವ ಮೊದಲು, ನೀವು ನಮೂದಿಸಿದ ವಿವರಗಳನ್ನು ಪರಿಶೀಲಿಸಿ ಮತ್ತು ಬಟನ್ ಒತ್ತಿರಿ.
ಹಂತ 5: ನಿಮ್ಮನ್ನು ಈಗ ಮತ್ತೊಂದು ಲಿಂಕ್‌ಗೆ ಕರೆದೊಯ್ಯಲಾಗುವುದು, ಅದು ನೀವು ನಮೂದಿಸಿದ ಸಂಖ್ಯೆಯನ್ನು ಪ್ರದರ್ಶಿಸುತ್ತದೆ ಮತ್ತು ಸಂದೇಶವನ್ನು ಹಸಿರು ಬಣ್ಣದಲ್ಲಿ ಕಳುಹಿಸಲು ಪ್ರಾರಂಭಿಸುತ್ತದೆ.
ಹಂತ 6: ಒಮ್ಮೆ ನೀವು ಆಯ್ಕೆಯನ್ನು ಕ್ಲಿಕ್ ಮಾಡಿದ ನಂತರ, ನಿಮ್ಮನ್ನು ವಾಟ್ಸಾಪ್ನ ವೆಬ್ ಆವೃತ್ತಿಗೆ ಕರೆದೊಯ್ಯಲಾಗುತ್ತದೆ, ಅಲ್ಲಿ ನೀವು ಸಂಖ್ಯೆಯನ್ನು ಉಳಿಸುವ ಅಗತ್ಯವಿಲ್ಲದೆ ಯಾರೊಂದಿಗೂ ಸಂವಾದವನ್ನು ಪ್ರಾರಂಭಿಸಲು ನಿಮಗೆ ಸಾಧ್ಯವಾಗುತ್ತದೆ. ನಿಮ್ಮ ಫೋನ್‌ನಲ್ಲಿ ಚಾಟ್ ಪಟ್ಟಿಯಲ್ಲಿ ಕಾಣಿಸಿಕೊಂಡ ನಂತರ ನೀವು ಅದನ್ನು ಮುಂದುವರಿಸಬಹುದು.