ಸದ್ಯದಲ್ಲೇ ಫೇಸ್‌ಬುಕ್‌ನಲ್ಲಿ ಕಾಣಿಸಿಕೊಳ್ಳಲಿದೆ ಹೊಸ ಫೀಚರ್!

ಹೌದು, ಸಾಮಾಜಿಕ ಜಾಲತಾಣಗಳ ದೈತ್ಯ ಫೇಸ್‌ಬುಕ್ ಇದೀಗ ಸ್ಟೋರಿಸ್‌ಗೆ ಸಂಬಂಧಿಸಿದ ಹೊಸ ಫೀಚರ್ ಬಿಡುಗಡೆಗೆ ಸಜ್ಜಾಗುತ್ತಿದೆ. ಬಳಕೆದಾರರು ಫೇಸ್‌ಬುಕ್‌ನಲ್ಲಿ ಹಾಕಿದ ಸ್ಟೋರಿಯನ್ನು ಫೇಸ್‌ಬುಕ್‌ನಿಂದ ಇನ್‌ಸ್ಟಾಗ್ರಾಂ ಪೋಸ್ಟ್‌ ಮಾಡುವ ಆಯ್ಕೆಯನ್ನು ಪರಿಚಯಿಸಲಿದೆ. ಫೇಸ್‌ಬುಕ್ ಈಗಾಗಲೇ ಒಂದು ತಾಣದಿಂದ ಮತ್ತೊಂದು ತಾಣಕ್ಕೆ ಸ್ಟೋರಿಸ್‌ ಪೋಸ್ಟ್‌ ಮಾಡುವ ಸೌಲಭ್ಯ ಪರಿಚಯಿಸಿದೆ. ಅದರ ಮುಂದುವರಿದ ಹಂತವಾಗಿ ಈಗ ಫೇಸ್‌ಬುಕ್‌ನಿಂದ ಇನ್‌ಸ್ಟಾಗ್ರಾಂಗೆ ಫೋಸ್ಟ್ ಮಾಡುವ ಆಯ್ಕೆ ನೀಡಲಿದೆ.

ಫೇಸ್‌ಬುಕ್ ಹೊಸ ಕ್ರಾಸ್‌ ಪೋಸ್ಟಿಂಗ್ ಫೀಚರ್‌ ಅನ್ನು ಅಧಿಕೃತವಾಗಿ ಪ್ರಾಯೋಗಿಕ ಪರೀಕ್ಷಾ ಹಂತ ನಡೆಸಿದೆ. ಹಾಗೂ ಈ ಹೊಸ ಆಯ್ಕೆಯು ಇನ್ನು ಬೀಟಾ ಆವೃತ್ತಿಯಲ್ಲಿದೆ. ಅಂದಹಾಗೆ ಈ ಆಯ್ಕೆಯು ಭಿನ್ನ ಪ್ಲಾಟ್‌ಫಾರ್ಮ್ ಗಳಲ್ಲಿ ಸ್ಟೋರಿ ಗಳನ್ನು ಫೋಸ್ಟ್‌ ಮಾಡಲು ಬಳಕೆದಾರರಿಗೆ ನೆರವಾಗಲಿದೆ. ಇನ್ನು ಇನ್‌ಸ್ಟಾಗ್ರಾಂ ಬಳಕೆದಾರರು ಇನ್‌ಸ್ಟಾಗ್ರಾಂ ಸ್ಟೋರಿಯನ್ನು ನೇರವಾಗಿ ಫೇಸ್‌ಬುಕ್‌ಗೆ ಫೋಸ್ಟ್‌ ಮಾಡುವ ಸೌಲಭ್ಯವು ಈಗಾಗಲೇ ಬಳಕೆಯಲ್ಲಿದೆ.

ಹಾಗೆಯೇ ಫೇಸ್‌ಬುಕ್ ಇತ್ತೀಚಿಗೆ ವಾಟ್ಸಪ್‌ ಸ್ಟೇಟಸ್‌ಗಳನ್ನು ನೇರವಾಗಿ ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂ ತಾಣಗಳಿಗೆ ಶೇರ್ ಮಾಡುವ ಸೌಲಭ್ಯವನ್ನು ಪರಿಚಯಿಸಿತ್ತು. ವಾಟ್ಸಪ್‌ ಸ್ಟೇಟಸ್‌ ಇಡುವ ಆಯ್ಕೆ ಹೆಚ್ಚು ಜನಪ್ರಿಯತೆ ಪಡೆದಿದ್ದು, ವಾಟ್ಸಪ್‌ನ ಸ್ಟೇಟಸ್‌ ಅನ್ನು ನೇರವಾಗಿ ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂ ಸೋಶಿಯಲ್ ತಾಣಗಳಲ್ಲಿ ಹಂಚಿಕೊಳ್ಳುವ ಸೌಲಭ್ಯವನ್ನು ಪರಿಚಯಿಸಿತು.

ಬಳಕೆದಾರರು ಫೇಸ್‌ಬುಕ್‌ನ ಸ್ಟೋರಿಸ್ ಆಯ್ಕೆಯಲ್ಲಿ ಫೋಟೊ, ವಿಡಿಯೊ ಅಥವಾ ಲಿಂಕ್ ಪೋಸ್ಟ್‌ ಮಾಡಬಹುದಾಗಿದೆ. ಸ್ಟೋರಿಸ್‌ನಲ್ಲಿ ಫೋಸ್ಟ್‌ ಮಾಡಿದ ಫೋಟೊ/ವಿಡಿಯೊ 24 ಗಂಟೆಗಳ ಅವಧಿ ಮಾತ್ರ ಕಾಣಿಸಿಕೊಳ್ಳಲಿದೆ. ಆನಂತರ ಆಟೋಮ್ಯಾಟಿಕ್ ಆಗಿ ಡಿಲೀಟ್ ಆಗುತ್ತದೆ. ಹಾಗೂ ಆ ಅವಧಿಯೊಳಗೆ ಬಳಕೆದಾರರು ಡಿಲೀಟ್ ಕೂಡಾ ಮಾಡಬಹುದಾಗಿದೆ.