ನಾಸಾ ವಿಜ್ಞಾನಿಗಳಿಂದ ಮಂಗಳ ಗ್ರಹದಲ್ಲಿ ಆಮ್ಲಜನಕ ವಾತಾವರಣ ಪತ್ತೆ

By Suneel

Published: Friday, May 13, 2016, 15:20 [IST]

40 ವರ್ಷಗಳ ನಂತರ ಇದೇ ಮೊದಲ ಬಾರಿಗೆ ನಾಸಾ ಸಂಶೋಧಕರು ಮಂಗಳ ಗ್ರಹದ ವಾತಾವರಣದಲ್ಲಿ ಆಮ್ಲಜನಕ ಪತ್ತೆ ಹಚ್ಚಿದ್ದಾರೆ. ನಾಸಾ ಸಂಶೋಧಕರು ಮಂಗಳ ಗ್ರಹದ ಅತಿಗೆಂಪು ವಾತಾವರಣದಲ್ಲಿ ಅಟೋಮಿಕ್‌ ಆಮ್ಲಜನಕ ಪತ್ತೆಹಚ್ಚಲು SOFIA (Stratospheric Observatory for Infrared Astronomy ) ಬಳಸಿಕೊಂಡಿದ್ದಾರೆ. ಅಂದಹಾಗೆ ಮಂಗಳ ಗ್ರಹದಲ್ಲಿ ಪರಮಾಣು ಆಕ್ಸಿಜನ್‌ ಪತ್ತೆಯಾಗಿದ್ದು ಎಲ್ಲಿ ಹೇಗೆ ಎಂಬ ವಿಶೇಷ ಮಾಹಿತಿ ತಿಳಿಯಲು ಲೇಖನದ ಸ್ಲೈಡರ್‌ ಓದಿರಿ.

1

ಮಂಗಳ ಗ್ರಹದಲ್ಲಿ ಸಂಶೋಧಕರು ಪರಮಾಣು ಆಕ್ಸಿಜನ್‌ ಪತ್ತೆ ಮಾಡಿರುವುದು ಅಲ್ಲಿನ ಮೇಲಿನ ವಾತಾವರಣದಲ್ಲಿ. ಮಂಗಳ ಗ್ರಹದಲ್ಲಿನ ಮೇಲಿನ ವಾತಾವರಣವು "ಮಧ್ಯಗೋಲ(mesosphere)" ಎಂತಲೇ ಹೆಸರುವಾಸಿಯಾಗಿದೆ.

2

ಖಗೋಳಶಾಸ್ತ್ರಜ್ಞರು ಮಂಗಳ ಗ್ರಹದಲ್ಲಿ ಪರಮಾಣು ಆಮ್ಲಜನಕ ಕಂಡುಹಿಡಿಯಲು ಸಹಾಯ ಮಾಡಿದ್ದು "SOFIA" ಎಂಬ ವಾಯುಮಂಡಲ ಪರಿಶೀಲನೆಯ ತಂತ್ರಜ್ಞಾನವಾಗಿದೆ. ಅಂದಹಾಗೆ SOFIA ಇತರೆ ಅನಿಲಗಳನ್ನು ಪತ್ತೆ ಹಚ್ಚಲು ಮತ್ತು ಮಾನವರಿಗೆ ವಾಸಸ್ಥಾನ ಯೋಗ್ಯ ಪ್ರದೇಶ ಯಾವುದು ಎಂದು ತಿಳಿಸುತ್ತದಂತೆ.

3

ಮಂಗಳ ಗ್ರಹದಲ್ಲಿ ಪರಮಾಣು ಆಮ್ಲಜನಕ ಪತ್ತೆ ಹಚ್ಚುವುದು ಕಠಿಣ ಕಷ್ಟವಾಗಿದೆ ಎಂದು SOFIA ಯೋಜನೆಯ ವಿಜ್ಞಾನಿ 'ಪಮೇಲ ಮಾರ್ಕಮ್‌ ಹೇಳಿಕೆ ನೀಡಿದ್ದಾರೆ. " ಭೂಮಿಯ ವಾತಾವರಣ ಹೊರತು ಪಡಿಸಿ ದೂರದ ಅತಿಗೆಂಪಿನ ತರಂಗಾಂತರಗಳಲ್ಲಿ ಪರಮಾಣು ಆಮ್ಲಜನಕ ಪತ್ತೆಹಚ್ಚಲು ಅತಿ ಸೂಕ್ಷ್ಮ ಉಪಕರಣಗಳು ಬೇಕು. ಅಂತಹ ಸಾಮರ್ಥ್ಯವನ್ನು 'SOFIA' ಒದಗಿಸಿದೆ ಎಂದು ಹೇಳಿದ್ದಾರೆ.

4

ಮಂಗಳ ಗ್ರಹದಲ್ಲಿ ಪರಮಾಣು ಆಮ್ಲಜನಕ ಪತ್ತೆಗಾಗಿ 'SOFIA' ವಿಮಾನವು 37,000 ದಿಂದ 45,000 ಅಡಿ ಎತ್ತರದಲ್ಲಿ ಹಾರಾಡಿ ಆಮ್ಲಜನಕ ಪತ್ತೆ ಮಾಡಿದೆ.

5

ಎರಡು ಪರಮಾಣು ಆಕ್ಸಿಜನ್‌ ಪರಸ್ಪರ ಸೇರಿದಾಗ 02 ಆಕ್ಸಿಜನ್ ನಿರ್ಮಿತವಾಗುತ್ತದೆ. ಅದು ನಾವು ಭೂಮಿ ಮೇಲೆ ಉಸಿರಾಡುವ ಆಕ್ಸಿಜನ್‌ ಪ್ರಮಾಣವಾಗಿದೆ. ಅಂದಹಾಗೆ ಪರಮಾಣು ಆಕ್ಸಿಜನ್‌ ಒಂದು ಆಕ್ಸಿಜನ್‌ ಪರಮಾಣು ಆಗಿದ್ದು ಇದು ಮಂಗಳ ಗ್ರಹದ ವಾತಾವರಣದಲ್ಲಿ ಪತ್ತೆಯಾಗಿದೆ. ಈ ಮೊದಲು ಮಂಗಳ ಗ್ರಹದಲ್ಲಿ ಪರಮಾಣು ಆಕ್ಸಿಜನ್‌ ಅನ್ನು ವೈಕಿಂಗ್ ಮತ್ತು ಮ್ಯಾರಿನರ್ ಮೆಷಿನ್‌ನಿಂದ ಪತ್ತೆಹಚ್ಚಲಾಗಿತ್ತು.

6

"ಪರಮಾಣು ಆಕ್ಸಿಜನ್, ಇತರ ಅನಿಲಗಳು ಮಾರ್ಸ್‌ ಅನ್ನು ಹೇಗೆ ಹೊರಹಾಕುತ್ತವೆ ಎಂಬುದರ ಮೇಲೆ ಪರಿಣಾಮ ಬೀರುತ್ತವೆ. ಇದು ಪ್ರಮುಖ ಪರಿಣಾಮವನ್ನು ಗ್ರಹದ ವಾತಾವರಣದ ಮೇಲೆ ಬೀರುತ್ತದೆ" ಎಂದು ನಾಸಾ ಹೇಳಿದೆ.