ಫೇಸ್‌ಬುಕ್‌ನಿಂದ ಹೊಸ ಲಾಗಿನ್‌ ಫೀಚರ್..!

ಲಾಗಿನ್ ನೊಟಿಫಿಕೇಷನ್‌ಗಳ ವಿನ್ಯಾಸ ಮತ್ತು ವಿಷಯ ಬಳಕೆದಾರರಿಗೆ ಥರ್ಡ್‌ ಪಾರ್ಟಿ ಅಪ್ಲಿಕೇಶನ್‌ಗಳೊಂದಿಗೆ ಹಂಚಿಕೊಳ್ಳುವ ಮಾಹಿತಿಯ ಮೇಲೆ ಸಂಪೂರ್ಣ ನಿಯಂತ್ರಣ ಹೊಂದಿರುವುದನ್ನು ನೆನಪಿಸುತ್ತದೆ, ಆ ಸೆಟ್ಟಿಂಗ್ಸ್‌ನ್ನು ಸಂಪಾದಿಸಲು ಸ್ಪಷ್ಟ ಮಾರ್ಗವಿದೆ ಎಂದು ಫೇಸ್‌ಬುಕ್‌ನ ಸಾಫ್ಟ್‌ವೇರ್ ಎಂಜಿನಿಯರ್ ಪುಕ್ಸುವಾನ್ ಕಿ ಉಲ್ಲೇಖಿಸಿದೆ.

ಈ ನೊಟಿಫಿಕೇಷನ್‌ ಫೇಸ್‌ಬುಕ್ ಬಳಕೆದಾರರು ಥರ್ಡ್‌ ಪಾರ್ಟಿ ಅಪ್ಲಿಕೇಶನ್‌ನೊಂದಿಗೆ ಯಾವ ರೀತಿಯ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ ಎಂಬುದನ್ನು ತೋರಿಸುತ್ತದೆ. ನೊಟಿಫಿಕೇಷನ್‌ ಸ್ವೀಕರಿಸಿದ ನಂತರ, ಬಳಕೆದಾರರು ವೈಯಕ್ತಿಕ ಮಾಹಿತಿಗೆ ಆಪ್‌ ಪ್ರವೇಶ ತೆಗೆದುಹಾಕಲು "ಎಡಿಟ್‌ ಸೆಟ್ಟಿಂಗ್ಸ್‌" ಬಟನ್ ಕ್ಲಿಕ್ ಮಾಡಬಹುದು.

ಬಳಕೆದಾರರು ತಮ್ಮ ಮಾಹಿತಿಗೆ ಅನುಮತಿ ಇಲ್ಲದ ಪ್ರವೇಶ ಅಥವಾ ಬಳಕೆಯನ್ನು ಕಂಡುಹಿಡಿಯಲು ಅಧಿಸೂಚನೆ ಸಹಾಯ ಮಾಡುತ್ತದೆ, ಇದಷ್ಟೇ ಅಲ್ಲದೇ, ಅಪ್ಲಿಕೇಶನ್‌ಗಳೊಂದಿಗೆ ಹಂಚಿಕೊಳ್ಳುತ್ತಿರುವ ಮಾಹಿತಿ ಬಗ್ಗೆ ಬಳಕೆದಾರರಿಗೆ ತಿಳಿಸಲು ನೊಟಿಫಿಕೇಷನ್‌ ಸಹಾಯ ಮಾಡುತ್ತದೆ. ಈ ವೈಶಿಷ್ಟ್ಯವು ಈಗಾಗಲೇ ಬಿಡುಗಡೆಯಾಗಿದ್ದು, ಫೇಸ್‌ಬುಕ್ ಇದನ್ನು ಸುಧಾರಿಸುವುದನ್ನು ಮುಂದುವರಿಸುತ್ತದೆ ಎಂದು ಕಿ ಹೇಳಿದರು.