ಐದು ಮಕ್ಕಳೊಂದಿಗೆ ತಾಯಿಯ ಫೋಟೋಶೂಟ್: ಈಗ ವೈರಲ್

#1

'50 ಕಾಲ್ಬೆರಳು, 50 ಕೈಬೆರಳು, 6 ಹೃದಯಗಳ ಒಮ್ಮೆಲೆ ಬಡಿತ' ಇದು ತಾಯಿ ಕಿಂಬರ್ಲಿ ತ್ಯೂಸಿ (26) ತನ್ನ ಮಕ್ಕಳ ಜನನವನ್ನು ಫೇಸ್‌ಬುಕ್‌ನಲ್ಲಿ ವ್ಯಾಖ್ಯಾನಿಸಿದ ಪರಿ.

#2

ಕಿಂಬರ್ಲಿಗೆ ಈ ಮಕ್ಕಳು ಜನವರಿಯಲ್ಲಿ ಜನಿಸಿದ್ದು, ಅದ್ಭುತ ಫೋಟೋಗ್ರಫಿಗಳ ಮೂಲಕ ತಾಯಿ ತನ್ನ ಕಂದಮ್ಮಗಳನ್ನು ಹೊರಜಗತ್ತಿಗೆ ತೋರಿಸಿದ್ದಾಳೆ ಈಗ ಇದೇ ಸುದ್ದಿ ಸಾಮಾಜಿಕ ತಾಣದಲ್ಲಿ ಹೆಚ್ಚು ಸದ್ದು ಮಾಡುತ್ತಿದೆ.

#3

ಕಿಂಬರ್ಲಿ ಮತ್ತು ಆಕೆಯ ಪತಿ ವ್ಯೂಗ್ ತುಸಿಗೆ ಜನವರಿ 28 ರಂದು ಐವರು ಮಕ್ಕಳು ಜನಿಸಿದ್ದು ಕಿಮ್ಸ್‌ನ ಗರ್ಭಾವಸ್ಥೆ ಚಿತ್ರಣವನ್ನು ವ್ಯೂಗ್ ಸೆರೆಹಿಡಿದು ಅದನ್ನು ಸಾಮಾಜಿಕ ತಾಣ ಫೇಸ್‌ಬುಕ್‌ನಲ್ಲಿ ಅಪ್‌ಲೋಡ್ ಮಾಡಿದ್ದರು.

#4

ಸರ್ಪ್ರೈಸ್ಡ್ ಬೈ ಫೈವ್ ಎಂಬ ಅಧಿಕೃತ ಫೇಸ್‌ಬುಕ್ ಪುಟವನ್ನೇ ಈ ದಂಪತಿಗಳು ಆರಂಭಿಸಿದ್ದು ಐದು ಮಕ್ಕಳ ಜನನವನ್ನು ಖುಷಿಯಿಂದಲೇ ಆನಂದಿಸುತ್ತಿದ್ದಾರೆ.

#5

ಈಗಾಗಲೇ ಎರಡು ಹೆಣ್ಣು ಮಕ್ಕಳು ದಂಪತಿಗಳಿಗಿದ್ದು ಮೂರನೆಯದ್ದನ್ನು ನಿರೀಕ್ಷಿಸುವಾಗ ಅದು ಐದು ಮಕ್ಕಳ ರೂಪದಲ್ಲಿ ಬರಬಹುದೆಂಬ ನಿರೀಕ್ಷೆಯನ್ನೇ ಇವರು ಹೊಂದಿರಲಿಲ್ಲ. ಐದು ಮಕ್ಕಳಲ್ಲಿ ನಾಲ್ಕು ಹೆಣ್ಣಾಗಿದ್ದು ಒಂದು ಗಂಡು ಮಗುವಾಗಿದೆ.

#6

ಗರ್ಭಾವಸ್ಥೆಯಲ್ಲಿ ಇದ್ದ ಆತಂಕ, ದುಗುಡ, ಭಾವನೆಗಳು, ಭಯ ಎಲ್ಲವನ್ನೂ ಇವರುಗಳು ಸಾಮಾಜಿಕ ತಾಣದೊಂದಿಗೆ ಹಂಚಿಕೊಂಡಿದ್ದಾರೆ.

#7

ಮಕ್ಕಳ ಫೋಟೋಗ್ರಾಫ್ ಅನ್ನು ನೋಡಿದ ಫೇಸ್‌ಬುಕ್ ಬಳಕೆದಾರರು ದಿಗ್ಭ್ರಾಂತರಾಗಿದ್ದು ಆಹ್ ಓಹ್ ಎಂಬ ಉದ್ಗಾರವನ್ನು ಹೊಮ್ಮಿಸುತ್ತಿದ್ದಾರೆ.

#8

ಕಿಮ್‌ನ ಅಜ್ಜಿ 'ಗೊ ಫಂಡ್ ಪೇಜ್' ಅನ್ನು ಆರಂಭಿಸಿದ್ದು ತಮ್ಮ ಮಕ್ಕಳೊಂದಿಗೆ ಸಣ್ಣ ವ್ಯಾನ್‌ನಲ್ಲಿ ಹೋಗಲು ಅದರ ಖರೀದಿಗೆ ಚಂದಾದಾರಿಕೆಯನ್ನು ಅಜ್ಜಿ ಮಾಡುತ್ತಿದ್ದಾರೆ.

#9

ತಾಯಿ ತನ್ನ ಐದು ಮಕ್ಕಳೊಂದಿಗೆ ತೆಗೆಸಿಕೊಂಡ ಫೋಟೋ ಈದೀಗ ಸಾಮಾಜಿಕ ತಾಣದಲ್ಲಿ ವೈರಲ್ ಆಗುತ್ತಿದ್ದು ತಾಯಿ ಮಗುವಿನ ಬಾಂಧವ್ಯಕ್ಕೆ ಇನ್ನೊಂದು ಭಾಷ್ಯವನ್ನು ಬರೆದಿದೆ