ವಿಶ್ವದ ಮೊದಲ ಆಂಡ್ರಾಯ್ಡ್ ಎಲೆಕ್ಟ್ರಾನಿಕ್ ಸ್ಮಾರ್ಟ್ ಸ್ಕೂಟರ್: ಒಂದೇ ಚಾರ್ಜ್‌ನಲ್ಲಿ ಎಷ್ಟು ಮೈಲೆಜ್..?

ಆಂಡ್ರಾಯ್ಡ್ ಒರಿಯೋ:

ಆರ್ಚೋಸ್ ಕಂಪನಿಯೂ ತನ್ನ ಆಂಡ್ರಾಯ್ಡ್ ಸ್ಕೂಟರ್ ಗೆ ಸಿಟಿ ಕನೆಕ್ಟ್ ಎಂದು ನಾಮಕರಣ ಮಾಡಿದ್ದು, ಇದು ಆಂಡ್ರಾಯ್ಡ್ ಒರಿಯೋದಲ್ಲಿ ಕಾರ್ಯನಿರ್ವಹಿಸಲಿದೆ. ಅಲ್ಲದೇ ಈ ಸ್ಕೂಟರ್‌ನಲ್ಲಿ ನೀವು 5 ಇಂಚಿನ ಟಚ್ ಪ್ಯಾನಲ್ ಕಾಣಬಹುದಾಗಿದೆ. ಅಲ್ಲದೇ ಇದರಲ್ಲಿ 1GB RAM ಮತ್ತು 8GB ಇಂಟರ್ನಲ್ ಮೊಮೊರಿಯನ್ನು ಅಳವಡಿಸಲಾಗಿದೆ.

ಉತ್ತಮ ಡಿಸ್‌ಪ್ಲೇ:

ಆರ್ಚೋಸ್ ಕಂಪನಿಯ ಸಿಟಿ ಕನೆಕ್ಟ್ ಸ್ಕೂಟರ್‌ನಲ್ಲಿ ನೀವು IPS ಡಿಸ್‌ಪ್ಲೇಯನ್ನು ನೋಡಬಹುದಾಗಿದ್ದು, ಗೊರಿಲ್ಲ ಗ್ಲಾಸ್ ಸುರಕ್ಷತೆ ಸಹ ಇದಕ್ಕಿದೆ. ಕ್ವಾಡ್ ಕೋರ್ ಪ್ರೋಸೆಸರ್ ನೊಂದಿಗೆ Wi-Fi, GPS ಮತ್ತು 3G ಕನೆಕ್ಟಿವಿಟಿಯನ್ನು ಇದರಲ್ಲಿ ನೀವು ಪಡೆದುಕೊಳ್ಳಬಹುದಾಗಿದೆ.

ಸ್ಕೂಟರ್ ವಿನ್ಯಾಸ:

ಸಿಟಿ ಕನೆಕ್ಟ್ ಸ್ಮಾರ್ಟ್ ಸ್ಕೂಟರ್ 13 KG ತೂಕವನ್ನು ಹೊಂದಿದ್ದು, 8.5 ಇಂಚಿನ ಪಂಚರ್ ಪ್ರೂಫ್ ವಿಲ್‌ಗಳನ್ನು ಹೊಂದಿದೆ. ಅಲ್ಲದೇ ಉತ್ತಮವಾದ ಹ್ಯಾಂಡಲ್ ಗಳನ್ನು ಹೊಂದಿದೆ. ಇದಲ್ಲದೇ 250W ಮೋಟರ್ ಅನ್ನು ಕಾಣಬಹುದಾಗಿದ್ದು, ಇದರೊಂದಿಗೆ 6000mAh ಬ್ಯಾಟರಿಯನ್ನು ಅಳವಡಿಸಲಾಗಿದೆ.

ಒಂದು ಚಾರ್ಜ್‌ನಲ್ಲಿ 25Km ಪ್ರಯಾಣ:

ಸಿಟಿ ಕನೆಕ್ಟ್ ಸ್ಮಾರ್ಟ್ ಸ್ಕೂಟರ್ ಅನ್ನು ಒಮ್ಮೆ ಚಾರ್ಜ್ ಮಾಡಿದರೆ ನಗರ ಪ್ರದೇಶದಲ್ಲಿ 25Km ಪ್ರಯಾಣ ಮಾಡಬಹುದಾಗಿದೆ. ಅಲ್ಲದೇ ಈ ಸ್ಕೂಟರ್ ಎಷ್ಟು ದೂರ ಸಾಗಲಿದೆ ಎಂಬುದನ್ನು ಮೊದಲೇ ತಿಳಿಸಲಿದೆ ಎನ್ನಲಾಗಿದೆ ಮತ್ತು ಆಪ್ ಹಾಕಿಕೊಂಡು ಮೊಬೈಲ್ ಮೂಲಕವೇ ಇದನ್ನು ನಿಯಂತ್ರಿಸಬಹುದಾಗಿದೆ.

ಬೆಲೆ:

ಸಿಟಿ ಕನೆಕ್ಟ್ ಸ್ಮಾರ್ಟ್ ಸ್ಕೂಟರ್ ಅನ್ನು ಸದ್ಯ ವಿದೇಶಿಯ ರಸ್ತೆಗಳಿಗೆ ಸರಿ ಹೊಂದುವಂತೆ ನಿರ್ಮಿಸಲಾಗಿದೆ. ಆದರೆ ಭಾರತದಲ್ಲಿಯೂ ಸ್ಕೂಟರ್ ಬಳಕೆ ಅಧಿಕವಾಗುತ್ತಿರುವ ಹಿನ್ನಲೆಯಲ್ಲಿ ಇಲ್ಲಿಗೆ ತಕ್ಕಂತೆ ನಿರ್ಮಿಸುವ ಸಾಧ್ಯತೆ ಇದೆ. ಇದರ ಬೆಲೆ ರೂ.40000ದ ವರೆಗೂ ಇದೆ ಎನ್ನಲಾಗಿದ್ದು, ಶೀಘ್ರವೇ ಈ ಕುರಿತು ಮಾಹಿತಿ ಹೊರಬರಲಿದೆ.