ಚ್ಯಾಂಪ್ ಒನ್ ಸಿ1 ಫೋನಿನ ಮೊದಲ ಫ್ಲಾಷ್ ಸೇಲ್ ತಡವಾಗಿದೆ.

ನೋಂದಾವಣೆ ಶುರುವಾಗಿಲ್ಲ.

ಚ್ಯಾಂಪ್ ಒನ್ ನೋಂದಾಯಿಸಿದ ಗ್ರಾಹಕರಿಗೆ ಸೆಪ್ಟೆಂಬರ್ ಎರಡಕ್ಕೆ 501 ರುಪಾಯಿಗೆ ಫೋನ್ ನೀಡುವುದಾಗಿ ತಿಳಿಸಿತ್ತು. ನೋಂದಾವಣೆ 24 ಘಂಟೆಗಳಲ್ಲಿ ಪ್ರಾರಂಭವಾಗುತ್ತದೆ ಎಂದು ಕಂಪನಿ ತಿಳಿಸಿತ್ತಾದರೂ, ನಾಲ್ಕು ದಿನದಿಂದ ಯಾವ ಸೂಚನೆಯೂ ಇಲ್ಲ.

ಮತ್ತೆ ಯಾವಾಗ ಬರುತ್ತಾರೆ?

ಸ್ಮಾರ್ಟ್ ಫೋನ್ ಫ್ಲಾಷ್ ಸೇಲ್ ತಡವಾಗಿದೆ ಮತ್ತು ಆದಷ್ಟು ಶೀಘ್ರ ಬರುತ್ತೇವೆ ಎಂದು ಚ್ಯಾಂಪ್ ಒನ್ ಹೇಳಿದ್ದರೂ, ನಿಖರವಾಗಿ ಏನನ್ನೂ ಹೇಳಿಲ್ಲ ಎನ್ನುವುದನ್ನು ಗಮನಿಸಬೇಕು.

ಏನಿದು ಯೋಚನೆ?

ಆನ್ ಲೈನ್ ಪೇಮೆಂಟ್ ಪಡೆಯದ ಕಂಪನಿಯು ಕ್ಯಾಷ್ ಆನ್ ಡೆಲಿವರಿ ಮೂಲಕ ಮಾತ್ರ ಮಾರಾಟ ಮಾಡುವುದಾಗಿ ತಿಳಿಸಿತ್ತು. ಈಗ ಫ್ಲಾಷ್ ಸೇಲ್ ಅನ್ನು ನಿಲ್ಲಿಸಿರುವುದ್ಯಾಕೆ? ನೋಂದಣಿಯನ್ನು ಬ್ಲಾಕ್ ಮಾಡಿರುವುದ್ಯಾಕೆ? ಜೊತೆಗೆ ಈ ಚ್ಯಾಂಪ್ ಒನ್ ಸಿ1 ಅನ್ನು ಪರಿಚಯಿಸಿದ ಹಿಂದಿನ ಯೋಚನೆ ಏನು? ಈ ಪ್ರಶ್ನೆಗಳಿಗ್ಯಾವುದಕ್ಕೂ ಉತ್ತರವಿಲ್ಲ.

ಟ್ಯಾಬ್ಲೆಟ್ ಹಾಗೂ ವಾಚ್ ವೆಬ್ ಪುಟದಲ್ಲಿ ಕಾಣಿಸುತ್ತಿಲ್ಲ.

ಚ್ಯಾಂಪ್ ಒನ್ ನ ವೆಬ್ ಪುಟದಲ್ಲಿ ಈ ಮುಂಚೆ ಟ್ಯಾಬ್ಲೆಟ್ ಮತ್ತು ವಾಚ್ ಇತ್ತು, ಅವುಗಳ ಗುಣಲಕ್ಷಣಗಳನ್ನೂ ಪಟ್ಟಿ ಮಾಡಿದ್ದರು. ಈಗ ವೆಬ್ ಪುಟದಲ್ಲಿ ಫ್ಲಾಷ್ ಸೇಲ್ ತಡವಾಗುತ್ತದೆ ಎನ್ನುವುದನ್ನು ಹೊರತುಪಡಿಸಿ ಮತ್ಯಾವ ಪುಟವೂ ಇಲ್ಲ.