ಗಿಝ್ಬಾಟ್ ಪ್ರಶಸ್ತಿ: 2016ರ ಅತ್ಯುತ್ತಮ ಸ್ಮಾರ್ಟ್ ಫೋನುಗಳು.

ಅನುಮಾನವೇ ಬೇಡ ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಸ್ 7 ವರುಷದ ಅತ್ಯುತ್ತಮ ಫ್ಲಾಗ್ ಶಿಪ್ ಫೋನ್. ಇದರಲ್ಲಿ ಅತ್ಯುತ್ತಮ ಕ್ಯಾಮೆರಾ ಇದೆ (ನಂತರ ಬಂದ ಗೂಗಲ್ ಪಿಕ್ಸೆಲ್ ಇದನ್ನು ಹಿಂದಿಕ್ಕಿತು), ಉತ್ತಮ ಬ್ಯಾಟರಿಯಿದೆ ಮತ್ತು ಅದ್ಭುತ ಪರದೆಯಿದೆ.

ಎರಡನೆಯ ಸ್ಥಾನದಲ್ಲಿ ಹೆಚ್.ಟಿ.ಸಿ 10 ಇದೆ. ಹೆಚ್.ಟಿ.ಸಿ ಕಂಪನಿಯನ್ನು ಮತ್ತೆ ಯಶದ ಹಳಿಗೆ ಕರೆತಂದ ಫೋನಿದು. ಹೆಚ್.ಟಿ.ಸಿ 10ರ ವಿನ್ಯಾಸ ಆಕರ್ಷಕವಾಗಿದೆ, ಉತ್ತಮ ಬ್ಯಾಟರಿಯಿದೆ ಮತ್ತು ಕ್ಯಾಮೆರಾ ಕೂಡ ಉತ್ತಮವಾಗಿದೆ.

ಇದು ಕಠಿಣ ವಿಭಾಗ. 2016ರಲ್ಲಿ ಸ್ಮಾರ್ಟ್ ಫೋನುಗಳ ಕ್ಯಾಮೆರಾ ವಿಭಾಗದಲ್ಲಿ ಬಹಳಷ್ಟು ಬದಲಾವಣೆಗಳಾದವು. ಡುಯಲ್ ಕ್ಯಾಮೆರ ಬಂದ ವರ್ಷವಿದು. ಕ್ಯಾಮೆರಾ ವಿಭಾಗದಲ್ಲಿ ನಮ್ಮ ಮೊದಲ ಆಯ್ಕೆ ಗೂಗಲ್ ಪಿಕ್ಸೆಲ್ ಎಕ್ಸ್.ಎಲ್. ಸಂಪೂರ್ಣವಾಗಿ ಗೂಗಲ್ ತಯಾರಿಸಿದ ಈ ಫೋನಿನ ಕ್ಯಾಮೆರಾವನ್ನು ಡಿ.ಎಕ್ಸ್.ಒಮಾರ್ಕ್ ಅತ್ಯುತ್ತಮ ಸ್ಮಾರ್ಟ್ ಫೋನ್ ಕ್ಯಾಮೆರಾ ಎಂದು ರೇಟಿಂಗ್ ನೀಡಿದೆ.

ಎರಡನೆಯ ಸ್ಥಾನವನ್ನು ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಸ್7 ಮತ್ತು ಐಫೋನ್ 7 ಪ್ಲಸ್ ಗೆ ನೀಡಬಹುದು. ಪಿಕ್ಸೆಲ್ ಫೋನ್ ಬರುವವರೆಗೂ ಮಾರುಕಟ್ಟೆಯಲ್ಲಿ ಪ್ರಾತಿನಿಧ್ಯ ಪಡೆದಿದ್ದು ಐಫೋನ್ 7 ಪ್ಲಸ್. ಇದರಲ್ಲಿ ವಿಶೇಷವಾದ ಡುಯಲ್ ಕ್ಯಾಮೆರಾ ಇದೆ.

ಈ ವಿಭಾಗದಲ್ಲಿ ಬಹಳಷ್ಟು ಸ್ಮಾರ್ಟ್ ಫೋನುಗಳು ವಿಫಲವಾಗಿಬಿಡುತ್ತಿದ್ದವು. ಈ ವರ್ಷ ವಿಭಿನ್ನವಾದದು. ಸ್ನಾಪ್ ಡ್ರಾಗನ್ 625 ಎಸ್.ಒ.ಸಿ ಇರುವ ಮೊಟೊರೊಲ ಮೊಟೊ ಝಡ್ ಪ್ಲೇ ಫೋನಿನ ಬ್ಯಾಟರಿ ಅತ್ಯುತ್ತಮವಾಗಿದೆ, ಸತತವಾಗಿ ಉಪಯೋಗಿಸಿದರೂ ಆರು ಘಂಟೆಗಳಷ್ಟು ಆನ್ ಸ್ಕ್ರೀನ್ ಸಮಯ ನೀಡುವ ಬ್ಯಾಟರಿ ಇದರಲ್ಲಿದೆ. ಲಿನೊವೊ ಝಡ್ 2 ಪ್ಲಸ್ ನಲ್ಲಿ ಐದು ಘಂಟೆಗಳ ಆನ್ ಸ್ಕ್ರೀನ್ ಸಮಯವಿದ್ದರೆ ಆ್ಯಪಲ್ ಐಫೋನ್ 7 ಪ್ಲಸ್ ಕೂಡ ತನ್ನ ಉತ್ತಮ ಬ್ಯಾಟರಿಯಿಂದಾಗಿ ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ.

ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಸ್7 ನ ಅಣ್ಣನಂತಿರುವ ಗ್ಯಾಲಕ್ಸಿ ಎಸ್7 ಎಡ್ಜ್ ಅತ್ಯುತ್ತಮ ಸ್ಮಾರ್ಟ್ ಫೋನುಗಳಲ್ಲೊಂದು. 5.5 ಇಂಚಿನ ಪರದೆಯಿರುವ ಈ ಫೋನಿನ ವಿನ್ಯಾಸ ಆಕರ್ಷಕವಾಗಿದೆ, ಉತ್ತಮ ಬ್ಯಾಟರಿ ಮತ್ತು ಕ್ಯಾಮೆರ ಇದರಲ್ಲಿದೆ; ಆಕರ್ಷಕ ವಿನ್ಯಾಸವಿಲ್ಲದ ಗೂಗಲ್ ಪಿಕ್ಸೆಲ್ ಎಕ್ಸ್.ಎಲ್ ಮತ್ತು ಸಾಮಾನ್ಯ ಕ್ಯಾಮೆರಾ ಹೊಂದಿರುವ ಎಲ್.ಜಿ ವಿ20 ನಂತರದ ಸ್ಥಾನಗಳಲ್ಲಿದೆ.

ಅನುಮಾನವೇ ಬೇಡ, ಹಿಂಬದಿಯಲ್ಲೂ ಗಾಜು ಹೊಂದಿರುವ ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಸ್7 ಉತ್ತಮ ವಿನ್ಯಾಸದ ಸ್ಮಾರ್ಟ್ ಫೋನ್. ಇದು ಜಾರುವುದೂ ಇಲ್ಲ. ಎರಡನೇ ಸ್ಥಾನದಲ್ಲಿ ಹಿಂಬದಿಯಲ್ಲಿ ಸೆರಾಮಿಕ್ ದೇಹವನ್ನೊಂದಿರುವ ಶಿಯೋಮಿಯ ಕಾನ್ಸೆಪ್ಟ್ ಫೋನ್ ಎಂಐ ಮಿಕ್ಸ್ ಇದೆ.

ನಮ್ಮ ಪ್ರಕಾರ 2016ರಲ್ಲಿ ಸರಿಯಾಗಿ ಅಂದಾಜಿಸದ ಫೋನುಗಳಲ್ಲಿ ಮೊದಲ ಸ್ಥಾನ ಹುವಾಯಿ ಪಿ9ಗೆ. ಇದರಲ್ಲಿ ತುಂಬ ಒಳ್ಳೆಯ ಯುನಿ ಮೆಟಲ್ ವಿನ್ಯಾಸವಿದೆ, ಅದ್ಬುತ ಡುಯಲ್ ಕ್ಯಾಮೆರಾ ಇದೆ ಮತ್ತು ಉತ್ತಮ ಬ್ಯಾಟರಿ ಕೂಡ ಇದೆ. ಆದರೂ ಇದು ಗ್ರಾಹಕರ ಮನಸೆಳೆಯಲು ವಿಫಲವಾಯಿತು. ಹೆಚ್.ಟಿ.ಸಿ 10 ಉತ್ತಮ ಫೋನ್, ಆದರೆ ದುಬಾರಿ ಬೆಲೆ. ಎಲ್.ಜಿ ಜಿ5 ಫೋನಿನಲ್ಲಿ ಹೆಸರು ಕೆಡಿಸಿಕೊಂಡ ಪರಿಣಾಮವಾಗಿ ಎಲ್.ಜಿ ವಿ20 ಕೂಡ ಗ್ರಾಹಕರನ್ನು ಆಕರ್ಷಿಸಲಿಲ್ಲ.

ಕೈಗೆಟುಕುವ ದರದ ಅತ್ಯುತ್ತಮ ಫೋನಿನ ಪಟ್ಟಿಯಲ್ಲಿ ಮೊದಲ ಸ್ಥಾನ ಒನ್ ಪ್ಲಸ್ 3ಟಿ ಫೋನಿಗೆ. ಒನ್ ಪ್ಲಸ್ 3ರ ಬ್ಯಾಟರಿ ಕಳಪೆಯಾಗಿತ್ತು, ಆ ಸಮಸ್ಯೆಯನ್ನು ಒನ್ ಪ್ಲಸ್ 3ಟಿಯಲ್ಲಿ ಸರಿಪಡಿಸಲಾಗಿದೆ. ನಂತರದ ಸ್ಥಾನದಲ್ಲಿ ಎಂಐಯುಐ ಸಮಸ್ಯೆಗಳಿದ್ದ ಶಿಯೋಮಿ ಎಂಐ 5 ಹಾಗೂ ಸ್ನಾಪ್ ಡ್ರಾಗನ್ 820 ಚಿಪ್ ಬಳಸುತ್ತಿದ್ದ ಲಿನೊವೊ ಝಡ್ 2 ಪ್ಲಸ್ ಫೋನುಗಳಿವೆ.

ಕಂಪನಿಯೊಂದು ತುಂಬಾ ಧೈರ್ಯದಿಂದ ಉತ್ಪಾದಿಸಿದ ಫೋನೆಂದರೆ ಶಿಯೋಮಿ ಎಂಐ ಮಿಕ್ಸ್. ಇದರಲ್ಲಿರುವ ಅದ್ಭುತ ಬೆಝೆಲ್ ಲೆಸ್ ಪರದೆಯಿದೆ ಹಾಗೂ ಹಲವು ನವೀನ ತಂತ್ರಜ್ಞಾನಗಳು ಎಲ್ಲರ ಗಮನ ಸೆಳೆಯುವಲ್ಲಿ ಯಶಸ್ಸು ಕಂಡವು. ಈ ಪಟ್ಟಿಯಲ್ಲಿ ಹೆಸರು ಮಾಡಿದ ಮತ್ತೊಂದು ಫೋನೆಂದರೆ ಹುವಾಯಿ ಹಾನರ್ ಮ್ಯಾಜಿಕ್.

ಸ್ಫೋಟಗೊಳ್ಳುವ ಸಮಸ್ಯೆ ಇಲ್ಲದೇ ಹೋಗಿದ್ದರೆ ಸ್ಯಾಮ್ಸಂಗ್ ಗ್ಯಾಲಕ್ಸಿ ನೋಟ್ 7 ವರುಷದ ಅತ್ಯುತ್ತಮ ಫ್ಯಾಬ್ಲೆಟ್ ಪಟ್ಟಿಯಲ್ಲಿ ಸ್ಥಾನ ಪಡೆಯುತ್ತಿತ್ತು. ಸ್ಫೋಟದ ಸಮಸ್ಯೆಯಿಂದಾಗಿ ಅದು ವರುಷದಲ್ಲಿ ಅತಿ ಹೆಚ್ಚು ನಿರಾಸೆ ಮೂಡಿಸಿದ ಫೋನಾಗಿಬಿಟ್ಟಿತು. ಆ್ಯಪಲ್ ಐಫೋನ್ 7 ಕೂಡ ನಿರಾಸೆ ಮೂಡಿಸಿತು, ಐಫೋನ್ 6ಗೆ ಹೋಲಿಸಿದಾಗ ಇದರಲ್ಲಿ ಯಾವುದೇ ಹೇಳಿಕೊಳ್ಳುವಂತಹ ವಿಶೇಷತೆಗಳಿರಲಿಲ್ಲ. ಆದರೆ ಐಫೋನ್ 7 ಪ್ಲಸ್ ತನ್ನ ಡುಯಲ್ ಕ್ಯಾಮೆರಾದಿಂದಾಗಿ ಗಮನ ಸೆಳೆಯಿತು. ಎಲ್.ಜಿ. ಜಿ5 ತನ್ನ ಮಾಡ್ಯುಲಾರ್ ವ್ಯವಸ್ಥೆ ಹಾಗೂ ಕೆಟ್ಟ ಬ್ಯಾಟರಿಯಿಂದಾಗಿ ಸೋಲನ್ನಪ್ಪಿತು. ಆದರೆ ಕಂಪನಿಯು ಎಲ್.ಜಿ ವಿ20 ಮೂಲಕ ಒಂದಷ್ಟು ಚೇತರಿಕೆ ಕಂಡಿತು.

ಈ ವರ್ಷದ ಪ್ರಾರಂಭದಲ್ಲಿ ಬಿಡುಗಡೆಗೊಂಡ ನೆಕ್ಸ್ಟ್ ಬಿಟ್ ರಾಬಿನ್ ಫೋನುಗಳು ಸಂಗ್ರಹದ ಸಮಸ್ಯೆಯನ್ನು ಬಗೆಹರಿಸುವುದಕ್ಕೆ ಒತ್ತು ನೀಡಿದ್ದವು. ತನ್ನ ವಿಶಿಷ್ಟ ಕ್ಲೌಡ್ ಸ್ಟೋರೇಜ್ ನಿಂದಾಗಿ ಗಮನ ಸೆಳೆಯಿತು ನೆಕ್ಸ್ಟ್ ಬಿಟ್ ರಾಬಿನ್. ಮಾಡ್ಯುಲಾರ್ ಫೋನುಗಳಾದ ಮೊಟೊರೊಲ ಮೊಟೊ ಝಡ್ ಮತ್ತು ಎಲ್.ಜಿ ಜಿ5 ಕೂಡ ಈ ವರುಷ ಗಮನ ಸೆಳೆದ ಫೋನುಗಳು. ಎಲ್.ಜಿ ಜಿ5 ಗ್ರಾಹಕರನ್ನು ಆಕರ್ಷಿಸಲು ವಿಫಲವಾದರೂ ಮೊಟೊರೊಲದ ಮೊಟೊ ಮೊಡ್ಸ್ ವ್ಯವಸ್ಥೆ ಜನಮೆಚ್ಚುಗೆಗೆ ಪಾತ್ರವಾಯಿತು.

ಸದ್ಯ ಭಾರತದಲ್ಲಿ ಅತಿ ಹೆಚ್ಚು ಮಾರಾಟವಾಗುತ್ತಿರುವ ಬಜೆಟ್ ಸ್ಮಾರ್ಟ್ ಫೋನೆಂದರೆ ಶಿಯೋಮಿ ರೆಡ್ ಮಿ ನೋಟ್ 3, ಇದರಲ್ಯಾವುದೇ ಅನುಮಾನ ಬೇಡ. ಇಷ್ಟು ಒ‍ಳ್ಳೆಯ ಫೋನಿಗೆ ಬದಲಿಯಾಗಬಹುದಾದ ಯಾವ ಫೋನೂ ನಮ್ಮ ಪಟ್ಟಿಯಲ್ಲಿಲ್ಲ!!