24 MP ಕ್ಯಾಮೆರಾ ಹೊಂದಿರುವ ನೋಕಿಯಾ 8 ಫೆಬ್ರವರಿ 26ಕ್ಕೆ ಲಾಂಚ್

ವೇಗಕ್ಕಾಗಿ 6GB RAM:

ಈ ಪೋನು ಮಧ್ಯಮ ಬೆಲೆಯ ಸ್ಮಾರ್ಟ್‌ಪೋನ್ ಆಗಿರಲಿದ್ದು, ಕ್ವಾಲ್‌ಕಮ್ ಸ್ನಾಪ್‌ಡ್ರಾಗ್ 835 ಪ್ರೋಸೆಸರ್ ಜೊತೆಯಲಿ 6GB RAM ಈ ಪೋನಿನಲ್ಲಿ ಅಡಕವಾಗಿದೆ. ಈ ಕಾರಣಕ್ಕಾಗಿ ಈ ಪೋನ್ ವೇಗದ ಕಾರ್ಯಚರಣೆಗೆ ಸಾಕ್ಷಿಯಾಗಿರಲಿದೆ. ಹೆಚ್ಚು ಗುಣಮಟ್ಟದ ಗೇಮ್ ಗಳನ್ನು ಆಡಲು ಸುಲಭವಾಗಿರಲಿದೆ.

24 ಮೆಗಾ ಪಿಕ್ಸಲ್ ಕ್ಯಾಮೆರಾ:

ನೋಕಿಯ ಈ ಹಿಂದಿನಂತೆ ಈ ಬಾರಿಯೂ ತನ್ನ ಪೋನಿನಲ್ಲಿ ಗುಣಮಟ್ಟದ ಕ್ಯಾಮೆರಾವನ್ನು ಕೊಡುವುದನ್ನು ಮರೆತಿಲ್ಲ. ಈ ನೋಕಿಯಾ 8 ಸ್ಮಾರ್ಟ್‌ಪೋನಿನ ಹಿಂಭಾಗದಲ್ಲಿ 24 MP ಜಿಜ್ಸಾ ಲೇನ್ಸ್ ಕ್ಯಾಮೆರಾ ನೀಡಲಾಗಿದ್ದು, ಮುಂಭಾಗದಲ್ಲಿ ಒಳ್ಳೆಯ ಸೆಲ್ಫಿ ತೆಗೆಯುವ ಸಲುವಾಗಿ 12 MP ಕ್ಯಾಮೆರಾವನ್ನು ನೀಡಲಾಗಿದೆ. ಇದು ಸಹ ಪೋನಿನ ಪ್ಲೇಸ್ ಪಾಯಿಂಟ್‌ಗಳಲ್ಲಿ ಒಂದು ಎಂದರೆ ತಪ್ಪಾಗಲಾರದು.

5.7 ಇಂಚಿನ HD ಡಿಸ್‌ಪ್ಲೇ

ಸ್ಮಾರ್ಟ್‌ಪೋನಿನ ಪರದೆಯೂ ಸ್ವಲ್ಪ ದೊಡ್ಡದಾಗಿದ್ದು, 5.7 ಇಂಚಿನ HD ಡಿಸ್‌ಪ್ಲೇ ಈ ಪೋನಿಲ್ಲಿದ್ದು, ಗೇಮ್ ಆಡಲು ಮತ್ತು ವಿಡಿಯೋ ನೋಡಲು ಹೇಳಿ ಮಾಡಿಸಿದಂತೆ ಇದೆ. ಅಲ್ಲದೇ 128GB ಇಂಟರ್ನೆಲ್ ಮೆಮೊರಿಯೂ ಈ ಪೋನಿನಲ್ಲಿದ್ದು, ಜೊತೆಗೆ ಎಸ್‌ಡಿ ಕಾರ್ಡ್‌ ಹಾಕಿಕೊಳ್ಳುವ ಆಯ್ಕೆ ನೀಡಲಾಗಿದ್ದು, ಈ ಮೂಲಕ ಮತಷ್ಟು ಮೆಮೊರಿ ವಿಸ್ತರಿಕೊಳ್ಳಬಹುದಾಗಿದೆ.