ಕೂತುಹಲ ಕೆರಳಿಸಿರುವ ಓನ್ ಪ್ಲಸ್ 5 ಜೂನ್ 20ಕ್ಕೆ ಲಾಂಚ್....!!!

ಭಾರತದಲ್ಲಿ ಟಾಪ್ ಎಂಡ್ ಸ್ಮಾರ್ಟ್‌ಫೋನ್‌ಗಳ ಶಕೆ ಆರಂಭವಾಗಿದ್ದು, ಇದಕ್ಕೆ ಹೊಸದೊಂದು ಸೇರ್ಪಡೆಯಾಗಲಿದೆ. ತೀವ್ರ ಕೂತುಹಲವನ್ನು ಕೆರಳಿಸಿರುವ ಓನ್ ಪ್ಲಸ್ 5 ಸ್ಮಾರ್ಟ್‌ಫೋನ್ ಇದೇ ಜೂನ್ 20 ರಂದು ಲಾಂಚ್ ಆಗಲಿದೆ. ಟಾಪ್ ಕಂಪನಿಗಳಿಗೆ ಈಗಾಗಲೇ ಇದರಿಂದ ನಡುಕ ಶುರುವಾಗಿದೆ.

ಓದಿರಿ: ಕ್ಷಣ ಮಾತ್ರದಲ್ಲಿ ಚಾರ್ಜ್ ಆಗಲಿದೆ ಈ ಬ್ಯಾಟರಿ

ಈಗಾಗಲೇ ಓನ್ ಪ್ಲಸ್ ರಿಲೀಸ್ ಕುರಿತಂತೆ ಸಾಕಷ್ಟು ಊಹಾಪೋಹಗಳು ಕೇಳಿಬರುತ್ತಿದೆ. ಮೊದಲು ಜೂನ್ 15 ರಂದು ಬಿಡುಗಡೆಯಾಗಲಿದೆ ಎನ್ನುವ ಮಾತು ಕೇಳಿಬರುತ್ತಿತ್ತು, ಆದರೆ ಇದೇ ಮಾದರಿಯಲ್ಲಿ ಸದ್ಯ ಲಭ್ಯವಾಗಿರುವ ಮಾಹಿತಿಯ ಪ್ರಕಾರ ಜೂನ್ 20 ರಂದು ಲಾಂಚ್ ಆಗಲಿದೆ ಎನ್ನಲಾಗಿದೆ.

ಈ ಕುರಿತಂತೆ ಸದ್ಯ ದೊರೆತಿರುವ ಮಾಹಿತಿ ಪ್ರಕಾರ ಓನ್ ಪ್ಲಸ್ ಕಂಪನಿಯೂ ನಿಮ್ಮ ಕ್ಯಾಲೆಂಡರ್ ನಲ್ಲಿ ಜೂನ್ 20 ಅನ್ನು ಮಾರ್ಕ್ ಮಾಡಿಕೊಳ್ಳುವಂತೆ ತಿಳಿಸಲಾಗಿದೆ ಎಂದು ಆಂಗ್ಲ ಮಾಧ್ಯಮಗಳು ವರದಿ ಮಾಡಿದೆ. ಇದು ಆಫಿಷಿಯಲ್ ಎನ್ನುವ ಮಾತುಗಳು ಕೇಳಿ ಬಂದಿದೆ.

ಓದಿರಿ: ZTE ನುಬಿಯಾ Z17 ಸ್ಮಾರ್ಟ್ಫೋನಿನಲ್ಲಿದೆ 8GB RAM ಇನ್ನು ಹಲವು..!!!

ಈಗಾಗಲೇ ಓನ್‌ಪ್ಲಸ್ ಸ್ಮಾರ್ಟ್‌ಫೋನ್‌ಗಳು ಮಾರುಕಟ್ಟೆಯಲ್ಲಿ ಸಖತ್ ಸದ್ದು ಮಾಡುತ್ತಿದೆ. ಈ ಹಿನ್ನಲೆಯಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿ ಓನ್‌ಪ್ಲಸ್ ಸ್ಮಾರ್ಟ್‌ಫೋನ್‌ಗಳಿಗೆ ಒಳ್ಳೆಯ ಬೇಡಿಕೆ ಇದೆ ಈ ಹಿನ್ನಲೆಯಲ್ಲಿ ಓನ್ ಪ್ಲಸ್ ಟಾಪ್ ಎಂಡ್ ಸ್ಮಾರ್ಟ್‌ಫೋನ್ ಬಿಡುಗಡೆಗೆ ಸಿದ್ಧಗೊಳಿಸಿದೆ.

ಈ ಫೋನಿನಲ್ಲಿ ಡ್ಯುಯಲ್ ಕ್ಯಾಮೆರಾ ಸೆಟಪ್ ನೀಡಲಾಗಿದೆ. ಅಲ್ಲದೇ ಟಾಪ್ ಎಂಡ್ ಸ್ನಾಪ್‌ಡ್ರಾಗನ್ ಪ್ರೋಸೆಸರ್ ಇದೆ, ಇನ್ನು ಹಲವು ವಿಶೇಷತೆಗಳನ್ನು ಈ ಪೋನಿನಲ್ಲಿ ಕಾಣಬಹುದಾಗಿದೆ.