ಈ ಆರು ಸ್ಮಾರ್ಟ್ ಫೋನ್ ತಂತ್ರಜ್ಞಾನಕ್ಕೆ ನೀವು ಕೃತಜ್ಞತೆ ಹೇಳಲೇಬೇಕು!

|

ಈಗಂತೂ ಸ್ಮಾರ್ಟ್ ಫೋನುಗಳು ಹಿಂದೆಂದಿಗಿಂತಲೂ ಸ್ಮಾರ್ಟ್ ಆಗಿಬಿಟ್ಟಿವೆ. ನಿರಂತರವಾಗಿ ಹೊಸ ಹೊಸ ತಂತ್ರಜ್ಞಾನಗಳು ಬರುತ್ತಲೇ ಇವೆ. ಕಡಿಮೆ ಸಂಗ್ರಹ ಸಾಮರ್ಥ್ಯ, ಕೆಟ್ಟ ಬ್ಯಾಟರಿ ಹೊಂದಿದ್ದ ಕಡಿಮೆ ಬೆಲೆಯ ಸ್ಮಾರ್ಟ್ ಫೋನುಗಳ ದಿನಗಳು ಈಗಿಲ್ಲ. ಈಗ ಬಜೆಟ್ ಸ್ಮಾರ್ಟ್ ಫೋನುಗಳಲ್ಲೂ ಬೆರಳಚ್ಚು ಸಂವೇದಕ, ಮುಂಬದಿಯ ಫ್ಲ್ಯಾಷ್ ಹಾಗೂ ಇನ್ನೂ ಅನೇಕ ವಿಶೇಷತೆಗಳು ಲಭ್ಯವಿದೆ.

ಈ ಆರು ಸ್ಮಾರ್ಟ್ ಫೋನ್ ತಂತ್ರಜ್ಞಾನಕ್ಕೆ ನೀವು ಕೃತಜ್ಞತೆ ಹೇಳಲೇಬೇಕು!

ಈ ಎಲ್ಲಾ ಬೆಳವಣಿಗೆಯ ನಡುವೆಯೂ ಬಳಕೆದಾರರಿಗೆ ಸ್ಮಾರ್ಟ್ ಫೋನ್ ಲೋಕದಲ್ಲಿ ಹೊಸತನದ ಕೊರತೆ ಕಾಣಿಸುತ್ತಿದೆ. ಕೆಲವೊಂದು ಉತ್ತಮ ಗುಣಗಳು ಸ್ಮಾರ್ಟ್ ಫೋನುಗಳಿಗೆ ಸೇರಿದೆ ಎನ್ನುವುದನ್ನಂತೂ ನಾವು ಅಲ್ಲಗೆಳೆಯುವುದಿಕ್ಕಾಗುವುದಿಲ್ಲ ಅನ್ನುವುದೂ ಸತ್ಯ.

ಓದಿರಿ: ಸಾಮಾನ್ಯ ಸ್ಮಾರ್ಟ್‌ಪೋನಲ್ಲಿ ಸ್ಲೋ ಮೋಷನ್ ವಿಡಿಯೋ ರೆಕಾರ್ಡ್‌ ಮಾಡುವುದು ಹೇಗೆ....?

ಮರಣ ಹೊಂದಿಬಿಟ್ಟಿರುವ ಅಥವಾ ಮರಣದ ಅಂಚಿನಲ್ಲಿರುವ ಐದು ಹಾರ್ಡ್ ವೇರ್ ವಿಶೇಷತೆಗಳನ್ನು ಇಲ್ಲಿ ಪಟ್ಟಿ ಮಾಡಿದ್ದೀವಿ. ಒಮ್ಮೆ ಗಮನಿಸಿ.

ಮೈಕ್ರೋ ಯು.ಎಸ್.ಬಿ ಪೋರ್ಟ್.

ಮೈಕ್ರೋ ಯು.ಎಸ್.ಬಿ ಪೋರ್ಟ್.

ಯು.ಎಸ್.ಬಿ ಟೈಪ್ ಸಿ ಪೋರ್ಟ್ ನ ಪರಿಚಯದೊಂದಿಗೆ ಹಳೆಯ ಮೈಕ್ರೋ ಯು.ಎಸ್.ಬಿ ಪೋರ್ಟ್ ತನ್ನ ವೈಭವವನ್ನು ಕಳೆದುಕೊಳ್ಳಲಾರಂಭಿಸಿದೆ. ಯು.ಎಸ್.ಬಿ ಟೈಪ್ ಸಿ ಪೋರ್ಟ್ ನ ಅನುಕೂಲತೆಯೆಂದರೆ ತಿರುಗಿಸಿ ಮುರುಗಿಸಿ ಹಾಕಿದರೂ ಇದು ಸೇರಿಕೊಳ್ಳುತ್ತದೆ. ಹಳೆಯ ಮೈಕ್ರೋ ಯು.ಎಸ್.ಬಿ ಪೋರ್ಟ್ ನಲ್ಲಿದ್ದ ಬದಿ ಹುಡುಕುವ ಸಮಸ್ಯೆ ಇದರಲ್ಲಿಲ್ಲ. ರಾತ್ರಿ ಹೊತ್ತು ಹಳೆಯ ಯು.ಎಸ್.ಬಿ ಪೋರ್ಟ್ ಎಷ್ಟೊಂದು ತೊಂದರೆ ಕೊಡುತ್ತಿತ್ತಲ್ಲವೇ? ಬಹಳಷ್ಟು ಸ್ಮಾರ್ಟ್ ಫೋನ್ ತಯಾರಕರು ತಮ್ಮ ಫೋನುಗಳಲ್ಲಿ ಹಳೆಯ ಮೈಕ್ರೋ ಯು.ಎಸ್.ಬಿ ಪೋರ್ಟ್ ಅನ್ನು ಉಪಯೋಗಿಸುತ್ತಿಲ್ಲ.

ಐ.ಆರ್ ಬ್ಲ್ಯಾಸ್ಟರ್.

ಐ.ಆರ್ ಬ್ಲ್ಯಾಸ್ಟರ್.

2016ರಲ್ಲಿ ಬಿಡುಗಡೆಗೊಂಡ ಫ್ಲಾಗ್ ಶಿಪ್ ಸ್ಮಾರ್ಟ್ ಫೋನುಗಳಾದ ಶಿಯೋಮಿ ಎಂಐ5, ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಸ್7ನಂತಹ ಫೋನುಗಳಲ್ಲಿ ಐ.ಆರ್ ಬ್ಲ್ಯಾಸ್ಟರ್ ಇರಲಿಲ್ಲ. ಐ.ಆರ್ ಬ್ಲ್ಯಾಸ್ಟರ್ ನ ಸಹಾಯದಿಂದ ನೀವು ಟಿವಿ, ಎಸಿ, ಮ್ಯೂಸಿಕ್ ಪ್ಲೇಯರ್ ಅನ್ನು ನಿಯಂತ್ರಿಸಬಹುದು. ರಿಮೋಟಿನಂತೆ ಇದು ಕಾರ್ಯನಿರ್ವಹಿಸುತ್ತದೆ. ನಿಮ್ಮ ಫೋನೇ ರಿಮೋಟ್ ಆಗಿ ಪರಿವರ್ತನೆಯಾಗುತ್ತದೆ. ಈಚಿನ ದಿನಗಳಲ್ಲಿನ ಸ್ಮಾರ್ಟ್ ಫೋನುಗಳಲ್ಲಿ ಅದರಲ್ಲೂ ದುಬಾರಿ ಫೋನುಗಳಲ್ಲಿ ಐ.ಆರ್ ಬ್ಲ್ಯಾಸ್ಟರ್ ಅಳವಡಿಕೆಯಾಗುತ್ತಿಲ್ಲ.

ಹೊಸ ಸ್ಮಾರ್ಟ್‌ಫೋನ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಝೆನಾನ್ ಫ್ಲ್ಯಾಷ್.

ಝೆನಾನ್ ಫ್ಲ್ಯಾಷ್.

ಉತ್ತಮ ಕ್ಯಾಮೆರಾ ಹೊಂದಿದ ಸ್ಮಾರ್ಟ್ ಫೋನುಗಳಲ್ಲಿ ಝೆನಾನ್ ಫ್ಲ್ಯಾಷ್ ಸಾಮಾನ್ಯವಾಗಿರುತ್ತಿತ್ತು. ಮೊದಮೊದಲು ಉತ್ತಮ ಫೋನುಗಳಲ್ಲೆಲ್ಲ ಇರುತ್ತಿದ್ದ ಈ ಫ್ಲ್ಯಾಷಿನ ಬಗ್ಗೆ ತಯಾರಕರು ಅಷ್ಟಾಗಿ ಪ್ರಾಮುಖ್ಯತೆ ಕೊಡದ ಕಾರಣ ಈಗಿನ ಫೋನುಗಳಲ್ಲಿ ಝೆನಾನ್ ಫ್ಲ್ಯಾಷ್ ಅಷ್ಟಾಗಿ ಕಂಡುಬರುತ್ತಿಲ್ಲ. ಎಲ್.ಇ.ಡಿ ಫ್ಲ್ಯಾಷ್ ಗೆ ಹೋಲಿಸಿದರೆ ಝೆನಾನ್ ಫ್ಲ್ಯಾಷ್ ಹೆಚ್ಚಿನ ಬ್ಯಾಟರಿ ಉಪಯೋಗಿಸುತ್ತಿದ್ದುದೇ ಇದಕ್ಕೆ ಕಾರಣವಿರಬಹುದು.

ಮೈಕ್ರೋ ಎಸ್.ಡಿ ಕಾರ್ಡ್ ಸ್ಲಾಟ್.

ಮೈಕ್ರೋ ಎಸ್.ಡಿ ಕಾರ್ಡ್ ಸ್ಲಾಟ್.

ಸಂಗ್ರಹ ಸಾಮರ್ಥ್ಯವನ್ನು ಹೆಚ್ಚಿಸಿಕೊಳ್ಳಲು ಮೈಕ್ರೋ ಎಸ್.ಡಿ ಕಾರ್ಡ್ ಬಳಸುವ ಸೌಕರ್ಯ ಈ ಮುಂಚಿನ ಫೋನುಗಳಲ್ಲಿ ಸಾಮಾನ್ಯವಾಗಿರುತ್ತಿತ್ತು. ಆದರೆ ಇತ್ತೀಚಿನ ಫೋನುಗಳಲ್ಲಿ ಇದು ನಿಧಾನಕ್ಕೆ ಮರೆಯಾಗುತ್ತಿದೆ. ವಿವಿಧ ಸಾಮರ್ಥ್ಯದ ಫೋನುಗಳನ್ನು ಮಾರುಕಟ್ಟೆಗೆ ಬಿಟ್ಟರೆ ಹೆಚ್ಚು ಲಾಭ ಎಂಬುದನ್ನು ಕಂಡುಕೊಂಡಿರುವ ಸ್ಮಾರ್ಟ್ ಫೋನ್ ತಯಾರಕರು ಮೈಕ್ರೋ ಎಸ್.ಡಿ ಕಾರ್ಡ್ ಹಾರ್ಡ್ ವೇರ್ ಅನ್ನು ಉಪಯೋಗಿಸುವುದನ್ನು ಕಡಿಮೆ ಮಾಡುತ್ತಿದ್ದಾರೆ. ಮೈಕ್ರೋ ಎಸ್.ಡಿ ಕಾರ್ಡ್ ಇಲ್ಲದಿದ್ದರೆ ಫೋನ್ ಮತ್ತಷ್ಟು ತೆಳುವಾಗುತ್ತದೆ ಎನ್ನುವುದೂ ಇದಕ್ಕಿರುವ ಮತ್ತೊಂದು ಕಾರಣ. ಆದರೂ ಈ ವಿಶೇಷತೆಯು ಇನ್ನೂ ಅನೇಕ ಫೋನುಗಳಲ್ಲಿ ಇದೆ.

ಎಫ್.ಎಂ ಟ್ರಾನ್ಸ್ ಮಿಟರ್.

ಎಫ್.ಎಂ ಟ್ರಾನ್ಸ್ ಮಿಟರ್.

ಫೀಚರ್ ಫೋನುಗಳಲ್ಲಿ ಸಾಮಾನ್ಯವಾಗಿ ಕಾಣುವ ವಿಶೇಷತೆಯೆಂದರೆ ಎಫ್.ಎಂ ಟ್ರಾನ್ಸ್ ಮಿಟರ್. ಈ ಹಾರ್ಡ್ ವೇರ್ ನಿಮ್ಮ ಮೊಬೈಲಿನಲ್ಲಿದ್ದರೆ ನಿಮ್ಮ ಮೊಬೈಲಿನಲ್ಲಿರುವ ಹಾಡುಗಳನ್ನು ಯಾವುದೇ ಎಫ್.ಎಂ ರಿಸೀವರ್ ಗೆ ಕಳುಹಿಸಬಹುದಾಗಿತ್ತು. ಇದು ತುಂಬಾ ಸರಳವಾಗಿತ್ತು. ನಿಮ್ಮ ಮೊಬೈಲಿನ ಫ್ರೀಕ್ವೆನ್ಸಿಯನ್ನು ನಿರ್ಧರಿಸಿ ಮೊಬೈಲನ್ನು ಆ್ಯಂಟೆನಾ ಅಥವಾ ರಿಸೀವರ್ ಬಳಿ ಇಟ್ಟರೆ ಆಯಿತು.

ಥರ್ಮಾಮೀಟರ್.

ಥರ್ಮಾಮೀಟರ್.

2000ಇಸವಿಯಲ್ಲಿ ಬಿಡುಗಡೆಗೊಂಡ ನೋಕಿಯಾ 5210 ಫೋನುಗಳಲ್ಲಿದ್ದ ಥರ್ಮಾಮೀಟರ್ ವಾತಾವರಣದ ಉಷ್ಣಾಂಶವನ್ನು ತಿಳಿಸುತ್ತಿತ್ತು. ನಂತರದ ದಿನಗಳಲ್ಲಿ ಗ್ಯಾಲಕ್ಸಿ ಎಸ್4ನಲ್ಲೂ ಥರ್ಮಾಮೀಟರ್ ಸಂವೇದಕವಿತ್ತು. ಆದರೆ ಕಳೆದ ಮೂರು ವರುಷಗಳಿಂದ ಯಾವ ಫೋನಿನಲ್ಲೂ ಇದನ್ನು ಅಳವಡಿಸಲಾಗಿಲ್ಲ.

ಹೊಸ ಸ್ಮಾರ್ಟ್‌ಫೋನ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Most Read Articles
Best Mobiles in India

Read more about:
English summary
Here are some dated smartphone hardware aspects that missing on phones right now. Some of them include micro USB port, micro SD card slot, etc.

ಉತ್ತಮ ಫೋನ್‌ಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more