ಆಪಲ್‌ ಮ್ಯೂಸಿಕ್‌ನ ಚಂದಾದಾರಿಕೆಯ ಶುಲ್ಕ ಕೇವಲ 99 ರೂಪಾಯಿ.!

ಸ್ಟೂಡೆಂಟ್‌ ಪ್ಲಾನ್ @49

ಆಪಲ್‌ ಮ್ಯೂಸಿಕ್ ಸ್ಟೂಡೆಂಟ್‌ಗಳಿಗಾಗಿ ಚಂದಾದಾರಿಕೆಯ ದರದಲ್ಲಿ ರಿಯಾಯಿತಿ ನೀಡಿದೆ. ಈ ಮೊದಲು 60ರೂ.ಗಳಿಗೆ ಲಭ್ಯವಿದ್ದ ಆಪಲ್‌ ಮ್ಯೂಸಿಕ್ ಸ್ಟೂಡೆಂಟ್ ಪ್ಲಾನ್ ಚಂದಾದಾರಿಕೆಯು ಇದೀಗ ಬೆಲೆ ಕಡಿತದಿಂದ ಕೇವಲ 49 ರೂ.ಗಳಿಗೆ ದೊರೆಯಲಿದೆ. ಈ ಪ್ಲಾನಿನ ಚಂದಾದಾರಿಕೆಯ ಅವಧಿಯು ಒಂದು ತಿಂಗಳು ಮಾತ್ರ.

ವೈಯಕ್ತಿಕ ಪ್ಲಾನ್ @99

ಪ್ರಸ್ತುತ ಆಪಲ್ ಮ್ಯೂಸಿಕ್‌ನ ವೈಯಕ್ತಿಕ ಪ್ಲಾನಿನ ಚಂದಾದಾರಿಕೆಯ ಶುಲ್ಕವು 99ರೂ.ಗಳು ಆಗಿದ್ದು, ಒಂದು ತಿಂಗಳ ವ್ಯಾಲಿಡಿಟಿಯನ್ನು ಹೊಂದಿರಲಿದೆ. ಈ ಹಿಂದೆ ಒಂದು ತಿಂಗಳ ಅವಧಿಯ ವೈಯಕ್ತಿಕ ಪ್ಲಾನ್‌ಗೆ 120ರೂ.ಗಳನ್ನು ಪಾವತಿಸಬೇಕಾಗಿತ್ತು. ಐಫೋನ್‌ ಬಳಕೆದಾರರು ಈ ಯೋಜನೆಯನ್ನು ಚಂದಾದಾರರಾಗಬಹುದು.

ಫ್ಯಾಮಿಲಿ ಪ್ಲಾನ್ @149

ಆಪಲ್‌ ಮ್ಯೂಸಿಕ್ ಫ್ಯಾಮಿಲಿ ಚಂದಾದಾರಿಕೆಯ ಬೆಲೆಯಲ್ಲಿಯೂ 45ರೂಗಳನ್ನು ಕಡಿತ ಮಾಡಿದ್ದು, ಪ್ರಸ್ತುತ 149ರೂ. ಶುಲ್ಕ ನೀಡಿ ಬಳಕೆದಾರರು ಫ್ಯಾಮಿಲಿ ಪ್ಲಾನಿನ ಚಂದಾದಾರರಾಗಬಹುದು. ಈ ಮೊದಲು ಆಪಲ್‌ ಮ್ಯೂಸಿಕ್ ಫ್ಯಾಮಿಲಿ ಪ್ಲಾನಿನ ಚಂದಾದಾರರಾಗಲು 199ರೂ. ಶುಲ್ಕವನ್ನು ಪಾವತಿಸಬೇಕಾಗಿತ್ತು.

ಚಂದಾದಾರಿಕೆಯ ಅವಧಿ

ಆಪಲ್ ಮ್ಯೂಸಿಕ್ ತನ್ನ ಚಂದಾದಾರಿಕೆಯಲ್ಲಿ ಬೆಲೆ ಇಳಿಸಿದ್ದು, ಬಳಕೆದಾರರಿಗೆ ಭಾರಿ ಖುಷಿ ನೀಡಿದೆ. ಇದೀಗ ಬೆಲೆ ಇಳಿಕೆ ಕಂಡಿರುವ ಸ್ಟೂಡೆಂಟ್‌ ಪ್ಲಾನ್, ವೈಯಕ್ತಿಕ ಪ್ಲಾನ್, ಫ್ಯಾಮಿಲಿ ಪ್ಲಾನ್ ಈ ಮೂರು ಪ್ಲಾನಗಳ ಚಂದಾದಾರಿಕೆಯ ಅವಧಿಯು ಒಂದು ತಿಂಗಳ ಮಾತ್ರ.