ಗೂಗಲ್ ಪಿಕ್ಸೆಲ್ 7a ಫೀಚರ್ಸ್ ಲೀಕ್!..ಫೀಚರ್ಸ್ ಹೇಗಿವೆ?

ಹೌದು, 'lynx' ಎಂಬ ಕೋಡ್‌ನೇಮ್‌ ಹೊಂದಿರುವ ಪಿಕ್ಸೆಲ್ 7a ಫೋನ್‌ 90Hz ರಿಫ್ರೆಶ್ ರೇಟ್ ಡಿಸ್‌ಪ್ಲೇ ಹೊಂದಿದ್ದು, ಗೂಗಲ್‌ನ A ಸರಣಿಯ ಸ್ಮಾರ್ಟ್‌ಫೋನ್‌ಗಳಲ್ಲಿ 90Hz ರಿಫ್ರೆಶ್ ರೇಟ್ ಪಡೆದ ಮೊದಲ ಫೋನ್ ಇದಾಗಿರಲಿದೆ. ಹಾಗೆಯೇ ಗೂಗಲ್ ಪಿಕ್ಸೆಲ್ 7 ಹಾಗೂ 7 ಪ್ರೊ ಅನ್ನು ಈ ವರ್ಷ ಭಾರತದಲ್ಲಿ ಬಿಡುಗಡೆ ಮಾಡಲಾಗಿತ್ತು. ಅದರಲ್ಲೂ ಪ್ರಮುಖ ಇ-ಕಾಮರ್ಸ್‌ ತಾಣಗಳಲ್ಲಿ ಭಾರೀ ಡಿಸ್ಕೌಂಟ್‌ಗೆ‌ ಈ ಫೋನ್‌ಗಳು ಮಾರಾಟ ಆಗುತ್ತಿರುವುದು ಗಮನಾರ್ಹವಾದ ವಿಷಯ. ಇದರ ನಡುವೆ ಈಗ ಪಿಕ್ಸೆಲ್ 7a ಫೋನ್‌ ಮುಂದಿನ ವರ್ಷದ ವೇಳೆಗೆ ಅನಾವರಣಗೊಳ್ಳಲಿದೆ.

ಪ್ರಮುಖ ಫೀಚರ್ಸ್‌

ಪ್ರಾರ್ಥಮಿಕವಾಗಿ ಲೀಕ್‌ ಆದ ಮಾಹಿತಿಯಂತೆ ಈ ಪಿಕ್ಸೆಲ್ 7a ಸ್ಮಾರ್ಟ್‌ಫೋನ್ 90Hz ರಿಫ್ರೆಶ್‌ ರೇಟ್‌ ಜೊತೆಗೆ ಸ್ಯಾಮ್‌ಸಂಗ್ ನಿರ್ಮಿತ 1080p ಪ್ಯಾನಲ್‌ ಇರಲಿದೆ. ಇದರೊಂದಿಗೆ ಈ ಸ್ಮಾರ್ಟ್‌ಫೋನ್ ಕ್ಯಾಮೆರಾ ರಚನೆಯಲ್ಲಿ GN1, IMX787 ಮತ್ತು IMX712 ಲೆನ್ಸ್ ಸೆನ್ಸರ್‌ ಆಯ್ಕೆಯನ್ನು ಪಡೆದುಕೊಂಡಿದೆ ಎಂದು ತಿಳಿದುಬಂದಿದೆ.

ಹೆಡ್‌ಫೋನ್ ಜ್ಯಾಕ್ ಇಲ್ಲ?

ಈ ಹಿಂದಿನ ಸರಣಿ ಸ್ಮಾರ್ಟ್‌ಫೋನ್‌ ಅಗಿರುವ 6a ಸ್ಮಾರ್ಟ್‌ಫೋನ್‌ ಸಹ ಡ್ಯುಯಲ್ ಕ್ಯಾಮೆರಾ ಪಡೆದಿದ್ದದ್ದರೂ ಈ ಫೋನ್‌ ಮಾತ್ರ 6a ಸ್ಮಾರ್ಟ್‌ಫೋನ್‌ ಅನ್ನು ಮೀರಿಸುವ ಕ್ಯಾಮೆರಾ ಕ್ವಾಲಿಟಿ ನೀಡಲಿದೆ ಎಂದು ತಿಳಿದುಬಂದಿದೆ. ಉಳಿದಂತೆ 3.5 ಎಂಎಂ ಹೆಡ್‌ಫೋನ್ ಜ್ಯಾಕ್ ಈ ಫೋನ್‌ನಲ್ಲಿ ಇರುವುದಿಲ್ಲ ಎನ್ನುವ ಮಾತುಗಳು ಸಹ ಕೇಳಿಬರುತ್ತಿವೆ. ಯಾಕೆಂದರೆ ಪಿಕ್ಸೆಲ್ 6a ಹೆಡ್‌ಫೋನ್ ಸಹ ಜ್ಯಾಕ್ ಆಯ್ಕೆ ಪಡೆದಿರಲಿಲ್ಲ. ಆದರೆ, ಗೂಗಲ್‌ ನ A ಸರಣಿ ಡಿವೈಸ್‌ಗಳಲ್ಲಿ ಪಿಕ್ಸೆಲ್‌ 5a ಸ್ಮಾರ್ಟ್‌ಫೋನ್‌ ಮಾತ್ರ ಈ ಫೀಚರ್ಸ್‌ ಪಡೆದುಕೊಂಡ ಸ್ಮಾರ್ಟ್‌ಫೋನ್‌ ಆಗಿದೆ.

ಪಿಕ್ಸೆಲ್‌ 8, ಪಿಕ್ಸೆಲ್‌ 8 ಪ್ರೊ ಫೀಚರ್ಸ್‌ ಏನಿರಬಹುದು?

ಇನ್ನು ಗೂಗಲ್‌ನ ಪಿಕ್ಸೆಲ್‌ 7a ನಂತರದ ಮುಂದಿನ ಆವೃತ್ತಿಯ ಸ್ಮಾರ್ಟ್‌ಫೋನ್‌ಗಳಲ್ಲಿ ಪ್ರಮುಖವಾದ ಪಿಕ್ಸೆಲ್‌ 8, ಪಿಕ್ಸೆಲ್‌ 8 ಪ್ರೊ ಬಗ್ಗೆಯೂ ಕೆಲವು ಮಾಹಿತಿ ಹರಿದಾಡುತ್ತಿದೆ. ಅದರಂತೆ ಪಿಕ್ಸೆಲ್‌ 8 ಫೋನ್‌ 2268 x 1080 ಪಿಕ್ಸೆಲ್‌ ರೆಸಲ್ಯೂಶನ್‌ ಇರುವ ಡಿಸ್‌ಪ್ಲೇ ಹೊಂದಿದ್ದರೆ, ಪಿಕ್ಸೆಲ್‌ 8 ಪ್ರೊ 2822 x 1344 ಪಿಕ್ಸೆಲ್‌ ರೆಸಲ್ಯೂಶನ್‌ ಸಾಮರ್ಥ್ಯ ಪಡೆದಿರಲಿದೆ ಎಂದು ಊಹಿಸಲಾಗಿದೆ. ಈ ಎರಡೂ ಫೋನ್‌ಗಳು 12GB RAM ಸ್ಟೋರೇಜ್‌ ಆಯ್ಕೆಯನ್ನು ಪಡೆದಿರಲಿದ್ದು, ಟೆನ್ಸರ್ ಚಿಪ್ G3 ನಿಂದ ಕಾರ್ಯನಿರ್ವಹಿಸಲಿದೆ ಎಂದು ಊಹಿಸಲಾಗಿದೆ.

ಹಿಂದಿನ ಸರಣಿಯ ಫೋನ್‌ ವಿವರ

ಗೂಗಲ್ ಪಿಕ್ಸೆಲ್ 7 ಪ್ರೊ
ಗೂಗಲ್ ಪಿಕ್ಸೆಲ್ 7 ಪ್ರೊ 6.7 ಇಂಚಿನ ಕ್ವಾಡ್ HD+ ಡಿಸ್‌ಪ್ಲೇ ಹೊಂದಿದ್ದು, 50MP + 48MP +12MP ನ ಟ್ರಿಪಲ್ ರಿಯರ್ ಕ್ಯಾಮರಾ ರಚನೆ ಪಡೆದುಕೊಂಡಿದೆ. ಹಾಗೆಯೇ 10.8MP ನ ಸೆಲ್ಫಿ ಕ್ಯಾಮೆರಾ ಇದರಲ್ಲಿದೆ. ಗೂಗಲ್‌ ಟೆನ್ಸರ್ G2 ಪ್ರೊಸೆಸರ್‌ನಿಂದ ಕಾರ್ಯನಿರ್ವಹಿಸಲಿದ್ದು, 4926 mAh ಸಾಮರ್ಥ್ಯದ ಬ್ಯಾಟರಿಯಿಂದ ಪ್ಯಾಕ್‌ ಆಗಿದೆ. ಇನ್ನು ಈ ಫೋನ್‌ ಅನ್ನು ನೀವು ಫ್ಲಿಪ್‌ಕಾರ್ಟ್‌ನಲ್ಲಿ 84,999 ರೂ. ಗಳ ಆಫರ್‌ ಬೆಲೆಯಲ್ಲಿ ಖರೀದಿ ಮಾಡಬಹುದಾಗಿದೆ.

ಗೂಗಲ್‌ ಪಿಕ್ಸೆಲ್ 7

ಗೂಗಲ್‌ ಪಿಕ್ಸೆಲ್ 7 ಸ್ಮಾರ್ಟ್‌ಫೋನ್ 6.3 ಇಂಚಿನ ಫುಲ್ HD+ ಡಿಸ್‌ಪ್ಲೇ ಹೊಂದಿದ್ದು, 50MP + 12MP ನ ರಿಯರ್‌ ಕ್ಯಾಮೆರಾ ರಚನೆ ಪಡೆದುಕೊಂಡಿದೆ. ಹಾಗೆಯೇ 10.8MP ನ ಸೆಲ್ಫಿ ಕ್ಯಾಮರಾ ಇದರಲ್ಲಿದೆ. ಇನ್ನು ಗೂಗಲ್‌ ಟೆನ್ಸರ್ G2 ಪ್ರೊಸೆಸರ್‌ನ ಬಲ ಪಡೆದುಕೊಂಡಿದ್ದು, 4270 mAh ಸಾಮರ್ಥ್ಯದ ಬ್ಯಾಟರಿಯಿಂದ ಪ್ಯಾಕ್‌ ಆಗಿದೆ. ಈ ಫೋನ್‌ ಅನ್ನು ಸಹ ನೀವು ಫ್ಲಿಪ್‌ಕಾರ್ಟ್‌ನಲ್ಲಿ 59,999 ರೂ. ಗಳಲ್ಲಿ ಕೊಂಡುಕೊಳ್ಳಬಹುದಾಗಿದೆ.