ಪ್ರಸಿದ್ಧ ಟೆಕ್ ಹೆಸರುಗಳ ಹಿಂದಿರುವ ನಿಗೂಢ ರಹಸ್ಯ

ಗೂಗಲ್

ಗೂಗೊಲ್ ಎಂಬ ಹೆಸರಿನಿಂದ ಇಂಟರ್ನೆಟ್ ದೈತ್ಯ ತನ್ನ ಹೆಸರನ್ನು ಪಡೆದುಕೊಂಡಿದೆ. ಸಂಖ್ಯೆ 1 ಮತ್ತು ಅದನ್ನು ಅನುಸರಿಸಿ 100 ಸೊನ್ನೆಗಳು ಗೂಗಲ್ ಹೆಸರಿನ ಹಿಂದೆ ಅಡಗಿರುವ ಸತ್ಯವಾಗಿದೆ.

ಅಮೆಜಾನ್

ಅಮೆಜಾನ್ ಸ್ಥಾಪಕ ಜೆಫ್ ಬಿಸೋಸ್‌ಗೆ ಎ ಯಿಂದ ಪ್ರಾರಂಭವಾಗುವ ಹೆಸರನ್ನೇ ತನ್ನ ಕಂಪೆನಿಗೆ ಇಡುವ ಬಯಕೆಯಾಗಿತ್ತು. ಇಂಗ್ಲೀಷ್ ಅಕ್ಷರಗಳ ಸಾಲಿನಲ್ಲಿ ಎ ಟಾಪ್ ಸ್ಥಾನದಲ್ಲಿದ್ದು ತಮ್ಮ ಕಂಪೆನಿ ಕೂಡ ಟಾಪ್ ಸ್ಥಾನಕ್ಕೇರಬೇಕೆಂಬ ಉತ್ಕಟ ಬಯಕೆಯಿಂದ ಅಮೆಜಾನ್ ಬಂದಿದೆ.

ಸ್ಕೈಪ್

ಮೂಲತಃ ಸ್ಕೈಪ್, ಸ್ಕೈಪರ್ ಎಂಬ ಹೆಸರನ್ನು ಹೊಂದಿತ್ತು. ನಂತರ ಹೆಸರನ್ನು ರಚಿಸುವಾಗ ಆರ್ ಅನ್ನು ಕೈಬಿಡಲಾಗಿತ್ತು.

ಯಾಹೂ

'ಯೆಟ್ ಅನದರ್ ಹೈಯರಾರ್ಕಿಯಲ್ ಅಫೀಶಿಯಸ್ ಒರೇಕಲ್' ಈ ಸಂಸ್ಥೆಯ ವಿಸ್ತರಣಾ ರೂಪವಾಗಿದೆ.

ಸೋನಿ

ಸೋನಸ್‌ನಿಂದ ಈ ಹೆಸರು ವಿಭಾಗಿಸಲ್ಪಟ್ಟಿದೆ. ಇದೊಂದು ಲ್ಯಾಟೀನ್ ಪದವಾಗಿದೆ.

ಬ್ಲ್ಯಾಕ್‌ಬೆರ್ರಿ

1999 ರಲ್ಲಿ ಸಂಸ್ಥೆಯ ಹೆಸರು ಪ್ರಚಲಿತಕ್ಕೆ ಬಂದಿದ್ದು ಹಣ್ಣಿನ ಹೆಸರನ್ನು ಹೊಂದಿದೆ.

ಒರೇಕಲ್

ಸಹಸ್ಥಾಪಕರಾದ ಲ್ಯಾರಿ ಎಲಿಸನ್ ಮತ್ತು ಬೋಬ್ ಓಟ್ಸ್ ಕಾರ್ಯನಿರ್ವಹಿಸಿದ ಪ್ರಾಜೆಕ್ಟ್‌ನ ಕೋಡ್ ಈ ಸಂಸ್ಥೆಯ ಹೆಸರಾಗಿದೆ. ಇದೊಂದು ಡೇಟಾಬೇಸ್ ಆಗಿದ್ದು ಯಾವುದೇ ರೀತಿಯ ಪ್ರಶ್ನೆಗೆ ಉತ್ತರಿಸುವ ಸಾಮರ್ಥ್ಯವನ್ನು ಪಡೆದುಕೊಂಡಿದೆ.

ಕ್ಯಾನನ್

ಕ್ವಾನನ್ ಇದರ ಮೂಲ ಉಚ್ಛಾರಣಾ ರೂಪವಾಗಿದ್ದು, ಬೌದ್ಧ ದೇವರುಗಳನ್ನು ಈ ಹೆಸರಿನಿಂದಲೇ ಕರೆಯುತ್ತಿದ್ದರು. ವಿಶ್ವದಾದ್ಯಂತ ಬಳಕೆದಾರರ ಮನ್ನಣೆಗೆ ಓಗೊಟ್ಟು ಕಂಪೆನಿ 1935 ರಲ್ಲಿ ಹೆಸರನ್ನು ಕ್ಯಾನನ್ ಆಗಿ ಬದಲಿಸಿತು.

ಸ್ಪೋಟಿಫೈ

ಸ್ಪಾಟ್ ಮತ್ತು ಐಡೆಂಟಿಫೈ ಎಂಬ ಎರಡು ಹೆಸರಿನ ಆಟವನ್ನು ಇಲ್ಲಿ ನಮಗೆ ಕಾಣಬಹುದಾಗಿದೆ.