ಆಧಾರ್ ಲೀಕ್‌ : ತಕ್ಷಣವೇ ಜಿಯೋ ಗ್ರಾಹಕರು ಮಾಡಬೇಕಾದೇನು...?

ಬಂದ್ ಆಗಿದೆ ಲೀಕ್ ಮಾಡಿದ ವೆಬ್ ಸೈಟ್:

ಜಿಯೋ ಬಳಕೆದಾರ ಮಾಹಿತಿಯನ್ನು ಲೀಕ್ ಮಾಡಿದ್ದ magicapk.com ಸದ್ಯ ಬಂದ್ ಆಗಿದೆ. ಆಧಾರ ಮಾಹಿತಿಗಳು ಲೀಕ್ ಆಗಿದೆ ಎಂದ ಸಂದರ್ಭದಲ್ಲಿ ಈ ಸೈಟಿಗೆ ಭೇಟಿ ನೀಡುವವರ ಸಂಖ್ಯೆಯೂ ಅತೀಯಾದ ಹಿನ್ನಲೆಯಲ್ಲಿ ಮತ್ತು ಸುರಕ್ಷತೆಯ ಸಲುವಾಗಿ ವೆಬ್ ಸೈಟ್ ಅನ್ನು ಬಂದ್ ಮಾಡಲಾಗಿದೆ.

120 ಮಿಲಿಯನ್ ಮಂದಿಗೆ ಸಂಕಷ್ಟ:

ಆಧಾರ್ ಕೊಟ್ಟು ಜಿಯೋ ಉಚಿತ ಸೇವೆ ಪಡೆದ ಗ್ರಾಹಕರಿಗೆ ಸಂಕಷ್ಟ ಎದುರಾಗಿದ್ದು, ಮತ್ತೊಮ್ಮೆ ಆಧಾರ್ ಕಾರ್ಡ್ ಸೇಫ್ ಅಲ್ಲ ಎಂಬುದು ಫ್ರೂ ಆಗಿದೆ. 120 ಮಿಲಿಯನ್ ಗೂ ಅಧಿಕ ಮಂದಿ ಈಗಾಗಲೇ ಜಿಯೋ ಸೇವೆಯನ್ನು ಪಡೆದುಕೊಂಡಿದ್ದು, ಅವರೆಲ್ಲ ಸಂಪೂರ್ಣ ಮಾಹಿತಿಯೂ ಲೀಕ್ ಆಗಿದೆ.

ಲೀಕ್ ಆಗಿದ್ದ ಮಾಹಿತಿಗಳೇನು...?

ಜಿಯೋ ಫೋನ್ ನಂಬರ್ ನಿಂದ ಹಿಡಿದು ನಿಮ್ಮ ಮೊದಲನೆ ಹೆಸರು, ಕೊನೆಯ ಹೆಸರು, ವಿಳಾಸಗಳು ಲೀಕ್ ಆಗಿದೆ ಎಂದು ಫೋನ್ ಅರೇನಾ ವೈಬ್‌ ಸೈಟ್ ವರದಿ ಮಾಡಿದೆ. ಆದರೆ ಈ ಬಗ್ಗೆ ಜಿಯೋ ಯಾವುದೇ ಮಾಹಿತಿಯನ್ನು ಬಿಟ್ಟುಕೊಟ್ಟಿಲ್ಲ ಬದಲಿಗೆ ಆಧಾರ್ ಮಾಹಿತಿ ಸೇಫ್ ಆಗಿದೆ ಎನ್ನುವ ಅಂಶವನ್ನು ಒತ್ತಿ ಹೇಳುತ್ತಿದೆ.

ಜಿಯೋ ಬೇಕೆಂದೆ ಮಾಹಿತಿ ಲೀಕ್ ಮಾಡಿತೇ..?

ಜಿಯೋ ಹಣಕ್ಕಾಗಿ ಆಧಾರ್ ಮಾಹಿತಿಯನ್ನು ಲೀಕ್ ಮಾಡಿತೆ ಎನ್ನುವ ಮಾತೊಂದು ಸದ್ಯ ಹರಿದಾಡುತ್ತಿದ್ದು, ಈ ಹಿನ್ನಲೆಯಲ್ಲಿ ಜಿಯೋ ವಿರುದ್ಧ ತನಿಖೆಯನ್ನು ಆರಂಭಿಸಲಾಗಿದೆ. ಒಮ್ಮೆ ಜಿಯೋ ತಪ್ಪು ಸಾಬೀತದಲ್ಲಿ ಜಿಯೋ ಮೇಲೆ ನಿ‍ಷೇಧವನ್ನು ವಿಧಿಸುವ ಸಾಧ್ಯತೆಯೂ ಇದೆ. ಇದರಿಂದ ಗ್ರಾಹಕರಿಗೆ ಮತ್ತೊಂದು ರೀತಿಯಲ್ಲಿ ತೊಂದರೆ ಎದುರಾಗಲಿದೆ.

ಆಧಾರ್ ಬಳಕೆದಾರರು ಏನು ಮಾಡಬಹುದು..?:

ತಮ್ಮ ಆಧಾರ್ ಮಾಹಿತಿಗಳನ್ನು ಇತರರು ಬಳಕೆ ಮಾಡಿಕೊಳ್ಳದೇ ಇರುವಂತೆ ಮಾಡಲು ಲಭ್ಯವಿದ್ದು, ಇದಕ್ಕಾಗಿ ಆಧಾರ್ ಬಳಕೆದಾರು ತಮ್ಮ ಬಯೋಮೆಟ್ರಿಕ್ ಮಾಹಿತಿಯನ್ನು ಲಾಕ್ ಮಾಡಬಹುದಾಗಿದೆ. ಇದಕ್ಕಾಗಿ ಆಧಾರ್ ವೆಬ್ ಸೈಟಿನಲ್ಲಿ ಅವಕಾಶ ಮಾಡಿಕೊಡಲಿದೆ.

ಆಧಾರ್ ಮೊಬೈಲ್ ನಂಬರ್ ಲಿಂಕ್ ಮಾಡಿ:

ನಿಮ್ಮ ಮಾಹಿತಿಯನ್ನು ಆನ್‌ಲೈನಿನಲ್ಲಿ ನೋಡಬೇಕಾದರೆ OTP ಬರುವಂತೆ ಮಾಡಿಕೊಳ್ಳಲು ಮೊದಲು ಮೊಬೈಲ್ ನಂ ಲಿಂಕ್ ಮಾಡಿ. ಇದರಿಂದ ಪ್ರತಿ ಬಾರಿ ನಿಮ್ಮ ಮಾಹಿತಿಯನ್ನು ಓಪನ್ ಮಾಡಬೇಕಾದರೆ ನಿಮ್ಮ ಮೊಬೈಲ್ ನಂಬರ್ ಅವಶ್ಯಕತೆ ಬರಲಿದೆ.