ಹಳೆ ಆಂಡ್ರಾಯ್ಡ್ ಫೋನ್‌ಗಳ ಉಪಯೋಗಗಳು

ನಿಮ್ಮ ಮನೆಯ ಮಾಧ್ಯಮ ನಿಯಂತ್ರಣ

ನಿಮ್ಮ ಮೊಬೈಲ್‌ಗೆ ಸರಿಯಾದ ಆಪ್ಸ್ ಗೊತ್ತಿದ್ದಲ್ಲಿ ಅದು ಉತ್ತಮವಾದ ಹಲವು ಕೆಲಸಗಳನ್ನು ನಿರ್ವಹಿಸುತ್ತದೆ. ಹಲವು ವಿಧಾನಗಳಲ್ಲಿ ಮನೆಯೊಳಗೆ ಮನರಂಜನೆಗಾಗಿ ಬಳಸಬಹುದಾಗಿದೆ.

ಗೂಗಲ್ ಕ್ರೋಮ್‌ ಕಾಸ್ಟ್ ಸ್ಟಿಕ್‌

ನಿಮ್ಮ ಮೊಬೈಲ್‌ಗೆ ಗೂಗಲ್ ಕ್ರೋಮ್‌ ಕಾಸ್ಟ್ ಸ್ಟಿಕ್‌ ಅಳವಡಿಸಿ ವೈಫೈ ನೆಟ್‌ವರ್ಕ್‌ ಮೂಲಕ ಯೂಟೂಬ್, ನೆಟ್‌ಪ್ಲಿಕ್ಸ್, ಗೂಗಲ್‌ ಪ್ಲೇ ಮೂವೀಸ್‌, ವಿಂಕ್, ಯುಪ್ ಟಿವಿ(yuup tv), ಮತ್ತು ಎರೋಸ್ ನೌ(erros now) ಆಪ್‌ಗಳಿಂದ ಸ್ಟ್ರೀಮಿಂಗ್ ಕಂಟೆಂಟ್ ಪಡೆಯಬಹದು. ಗೂಗಲ್‌ ಕ್ರೋಮ್ ಕಾಸ್ಟ್‌ ಸಾಧನ ಅಮೇಜಾನ್. ಫ್ಲಿಪ್ ಕಾರ್ಟ್, ಸ್ನ್ಯಾಪ್ ಡೀಲ್ ಗಳಲ್ಲಿ ಲಭ್ಯವಿದೆ. ಅಲ್ಲದೆ ನಿಮ್ಮ ಮೊಬೈಲ್ ಅನ್ನು ಮನೆಯ ಮಾಧ್ಯಮ ನಿಯಂತ್ರಣವನ್ನಾಗಿ ಮಾಡಲು ಫ್ಲೆಕ್ಸ್ ಆಪ್‌ ಡೌನ್‌ಲೋಡ್‌ ಮಾಡುವುದು. ಈ ಆಪ್‌ ಉಚಿತವಾಗಿದ್ದು ನಿಮ್ಮ ಟಿವಿಯು ಸ್ಟ್ರೀಮಿಂಗ್ ಮಾಡಲು ಸಹಾಯ ಮಾಡುತ್ತದೆ.

ನಿಮ್ಮ ಕಾರಿನ ಶಾಶ್ವತ ಜಿಪಿಎಸ್

ಹಳೆ ಆಂಡ್ರಾಯ್ಡ್ ಮೊಬೈಲ್ ಇದ್ದಲ್ಲಿ ನಿಮ್ಮ ಕಾರಿಗೆ ಹೆಚ್ಚು ಹಣ ವ್ಯಯಿಸಿ ಹೊಸ ಜಿಪಿಎಸ್ ಸಾಧನ ಕೊಳ್ಳುವ ಅಗತ್ಯವಿಲ್ಲ (ಡಾಟಾ ರೀಚಾರ್ಜ್‌ ಹೊರತು ಪಡಿಸಿ). ಈಗಲೇ ನಿಮ್ಮ ಕಾರಿನ ಡ್ಯಾಸ್ ಬೋರ್ಡ್‌ಗೆ ಅಳವಡಿಸಿ ಉತ್ತಮ ಜಿಪಿಎಸ್ ಸಾಧನವಾಗಿ ಬಳಸಲು ಪ್ರಾರಂಭಿಸಿ.

ವೇರ್ ಮೈ ಡ್ರಾಯಿಡ್

ನಿಮ್ಮ ಮೊಬೈಲ್ ಶಾಶ್ವತವಾಗಿ ಕಾರಿನಲ್ಲಿ ಅಳವಡಿಸಿ "ವೇರ್ ಮೈ ಡ್ರಾಯಿಡ್" ಆಪ್ ಬಳಸಿ ಟ್ರ್ಯಾಕರ್ ಆಗಿ ಬಳಸಬಹುದಾಗಿದೆ. ಹಾಗೂ ಪಾರ್ಕಿಂಗ್ ಸ್ಥಳದಲ್ಲಿ ನಿಮ್ಮ ಕಾರು ಹುಡುಕಲು ಸಹಾಯವಾಗುತ್ತದೆ.

ಕಾರಿನಲ್ಲಿ ಎಂಪಿ3 ಪ್ಲೇಯರ್ ಆಗಿ ಬಳಕೆ

ನಿಮ್ಮ ಆಂಡ್ರಾಯ್ಡ್ ಮೊಬೈಲ್ ಅನ್ನು ಒಂದು ವೇಳೆ ಶಾಶ್ವತ ಜಿಪಿಎಸ್ ಸಿಸ್ವಮ್‌ ಆಗಿ ಅಳವಡಿಸಿದಲ್ಲಿ ಅದನ್ನೇ ಆಕ್ಸ್ ಕೇಬಲ್ ಸೇರಿಸುವುದರ ಮೂಲಕ ಅಥವಾ ಕಾರಿಗೆ ಬ್ಲೂಟೂತ್‌ ಮೂಲಕ ಫೋನ್ ಕನೆಕ್ಟ್ ಮಾಡಿ ಎಂಪಿ3 ಪ್ಲೇಯರ್ ಆಗಿ ಉಪಯೋಗಿಸಬಹುದಾಗಿದೆ. ಮೊಬೈಲ್‌ಗೆ ನಿಮ್ಮ ನೆಚ್ಚಿನ ಎಲ್ಲಾ ಹಾಡುಗಳನ್ನು ತುಂಬಿ ಸಿಡಿ ಮತ್ತು ರೇಡಿಯೋಗಳ ಬಗ್ಗೆ ಚಿಂತೆ ಬಿಟ್ಟುಬಿಡಿ.

ಮನೆಯ ಭದ್ರತೆ ಕ್ಯಾಮೆರಾ

ನಿಮ್ಮ ಸ್ಮಾಟ್ ಫೋನ್ ಈಗ ಉತ್ತಮ ಕ್ಯಾಮೆರಾ ಆಗಿಯೂ ಕೆಲಸ ಮಾಡುತ್ತದೆ. ನಿಮ್ಮ ಆಫೀಸ್ ಹಾಗೂ ಮನೆಗೆ ಭದ್ರತೆ ಭೇಕಾದಲ್ಲಿ ಸೆಕ್ಯೂರಿಟಿ ಕ್ಯಾಮೆರಾ ಆಗಿಯೂ ಬಳಸಬಹದು. ಹೀಗೆ ಮಾಡಲು IP Webcam ಆಪ್ ಡೌನ್‌ಲೋಡ್‌ ಮಾಡಿ ಅದರ ಸಲಹೆಗಳನ್ನು ಫಾಲೋ ಮಾಡಿ ವ್ಯವಸ್ಥೆ ಮಾಡಿಕೊಳ್ಳಿ. ನಂತರ ನೀವು ವಿಎಲ್‌ಸಿ ಪ್ಲೇಯರ್ ಅಥವಾ ವೆಬ್‌ ಬ್ರೌಸರ್‌ ಉಪಯೋಗಿಸಿ ನಿಮ್ಮ ಮನೆಯ ಯಾವುಧೇ ಪ್ಲಾಟ್‌ಫಾಂ ನೋಡಬಹುದು.

ಮಕ್ಕಳ ಸ್ನೇಹಿ ಆಟಿಕೆಯಾಗಿ

ಇಂದು ಸ್ಮಾರ್ಟ್ ಫೋನ್‌ಗಳು ಕೇವಲ ಆಟಿಕೆವಸ್ತುಗಳು ಮಾತ್ರವಲ್ಲ ಶಿಕ್ಷಣ ಕೊಡುವ ಸಾಧನಗಳು ಕೂಡ ಆಗಿವೆ. ನಿಮ್ಮ ಮಗು ತೊಂದರೆ ನೀಡುವ ವೇಳೆ ಅವರ ಗಮನ ಬೇರೆಡೆ ಸೆಳೆಯಲು ಮಕ್ಕಳಿಗೆಂದೇ ರೂಪಿಸಲಾದ ಆಪ್‌ಗಳನ್ನು ಮೊಬೈಲ್‌ನಲ್ಲಿ ಇನ್‌ಸ್ಟಾಲ್‌ ಮಾಡಿ ಅವರಿಗೆ ಕೊಡಿ.