ಬೈಕ್ ಓಡಿಸುವಾಗ ಮೊಬೈಲ್‌ನಲ್ಲಿ ಮಾತನಾಡುತ್ತೀರಾ..? ಹಾಗಿದ್ರೆ ಈ ಸ್ಟೋರಿ ನಿಮಗಾಗಿ..!

ಅತೀ ಹೆಚ್ಚು ಪ್ರಕರಣಗಳು:

ಸದ್ಯ ಬಿಡುಗಡೆಯಾಗಿರುವ ವರದಿಯೊಂದು 2017ರಲ್ಲಿ ಚಾಲನೆ ವೇಳೆ ಮೊಬೈಲ್‌ ಫೋನ್‌ ಬಳಸುವ ಚಾಲಕರ ವಿರುದ್ಧ ಸಂಚಾರಿ ಪೊಲೀಸರುವ ಬರೋಬ್ಬರಿ 2.79 ಲಕ್ಷ ಪ್ರಕರಣಗಳು ದಾಖಲಿಸಲಾಗಿದೆ ಎಂಬ ಆಘಾತಕಾರಿ ಅಂಶವನ್ನು ಬೆಳಕಿಗೆ ತಂದಿದೆ. ಹೀಗೆ ಫೋನಿನಲ್ಲಿ ಮಾತನಾಡುತ್ತಾ ಡ್ರೈವ್ ಮಾಡುವ ಸಂದರ್ಭದಲ್ಲಿ ಹೆಚ್ಚಿನ ಪ್ರಮಾಣದ ಅಪಘಾತಗಳು ಸಂಭವಿಸಲಿದೆ ಎನ್ನಲಾಗಿದೆ.

2016ಕ್ಕಿಂತ ಅಧಿಕ:

ಚಾಲನೆ ವೇಳೆ ಮೊಬೈಲ್‌ ಫೋನ್‌ ಬಳಸುವವರ ಪ್ರಮಾಣವು 2016ಕ್ಕಿಂತ 2017ರಲ್ಲಿ ಅಧಿಕವಾಗಿದೆ ಎನ್ನಲಾಗಿದೆ. 2016ರಲ್ಲಿ ಚಾಲನೆ ವೇಳೆ ಮೊಬೈಲ್‌ ಫೋನ್‌ ಬಳಸಿದ್ದಕ್ಕಾಗಿ 2.53 ಲಕ್ಷ ಕೇಸ್‌ಗಳು ದಾಖಲಿಸಲಾಗಿತ್ತು. ಆದರೆ ಈ ಬಾರಿ 2.79 ಲಕ್ಷ ಪ್ರಕರಣಗಳು ದಾಖಲಾಗಿದೆ ಎನ್ನಲಾಗಿದೆ.

Do you know what all u can do by Downloading Hike Messenger app.?

ಮಾತನಾಡುವದಕ್ಕಿಂತ ಚಾಟಿಂಗ್ ಅಪಾಯಕಾರಿ:

ಬೈಕ್ ಮತ್ತು ಕಾರುಗಳನ್ನು ಚಾಲನೆ ಮಾಡುವ ಸಂದರ್ಭದಲ್ಲಿ ಮೊದಲು ಕೇವಲ ಮಾತಡುತ್ತಿರುವವರನ್ನು ಕಾಣಬಹುದಾಗಿತ್ತು, ಆದರೆ ಸ್ಮಾರ್ಟ್‌ಫೋನ್‌ ಬಳಕೆ ಹೆಚ್ಚಾದ ಬಳಿಕ ದ್ವಿಚಕ್ರ ವಾಹನ ಹಾಗೂ ಕಾರು ಚಾಲನೆ ವೇಳೆ ಚಾಟಿಂಗ್‌ ಮಾಡುವ ಚಾಲಕರ ಸಂಖ್ಯೆ ಅಧಿಕಾಗಿದ್ದು, ಇದು ರಸ್ತೆ ಅಪಘಾತ ಹೆಚ್ಚಾಗಲು ಪ್ರಮುಖ ಕಾರಣವಾಗಿದೆ.

ಬೈಕ್ ಸವಾರರೇ ಹೆಚ್ಚು:

ಬೈಕ್ ಮತ್ತು ಸ್ಕೂಟರ್ ಸವಾರರು ಚಾಲನೆ ಮಾಡುವ ವೇಳೆ ಹೆಚ್ಚಾಗಿ ಮೊಬೈಲ್‌ ಬಳಸುತ್ತಾರೆ ಎನ್ನುವ ಮಾಹಿತಿ ಈ ಅಂಕಿ-ಅಂಶದಿಂದ ತಿಳಿದುಬಂದಿದೆ. ಇದರಿಂದಾಗಿ ಪಾದಚಾರಿಗಳು ಹೆಚ್ಚಿನ ಪ್ರಮಾಣದಲ್ಲಿ ಅಪಾಯಕ್ಕೆ ಸಿಲುಕುತ್ತಿದ್ದಾರೆ.

ಎಚ್ಚರ ಅಗತ್ಯ:

ಸಂಚಾರ ಪೊಲೀಸರು ಸಾಮಾಜಿಕ ಜಾಲತಾಣಗಳ ಮೂಲಕ ಬೈಕ್ ಮತ್ತು ಕಾರುಗಳನ್ನು ಚಾಲನೆ ಮಾಡುವ ಸಂದರ್ಭದಲ್ಲಿ ಮೊಬೈಲ್ ಬಳಕೆಮಾಡ ಬೇಡಿ ಎಂದು ಅರಿವು ಮೂಡಿಸುತ್ತಿದ್ದಾರೆ. ಜನರು ಈ ಕುರಿತು ಎಚ್ಚರಿಕೆ ವಹಿಸದಿದ್ದರೇ ಮುಂದೆ ತೊಂದರೆ ನಿಶ್ವಿತ.