ಲೈಂಗಿಕ ಚಟುವಟಿಕೆಗೆ ಭವಿಷ್ಯದಲ್ಲಿ 'ರೋಬೋಟ್' ಬಳಕೆ!!

By Suneel

Published: Wednesday, June 1, 2016, 19:14 [IST]

ಹೋಟೆಲ್‌ನಲ್ಲಿ ಸರ್ವರ್‌ ಆಗಿ ಕೆಲಸ ಮಾಡಲು ಡ್ರೋನ್‌ ಮತ್ತು ರೋಬೋಟ್‌ಗಳನ್ನು ಬಳಸಿಕೊಳ್ಳುವಂತಹ ಕಾಲ ಯಾವಾಗಲೋ ಬಂತು. ಆದ್ರೆ ಪ್ರಸ್ತುತ ಸುದ್ದಿಯಲ್ಲಿರುವ ರೋಬೋಟ್‌ಗಳ ಬಗೆಗಿನ ಕುತೂಹಲಕಾರಿ ಸುದ್ದಿಯೆಂದರೆ ಅಧ್ಯಯನ ಒಂದರ ಪ್ರಕಾರ ಮುಂದಿನ ದಿನಗಳಲ್ಲಿ ಲೈಂಗಿಕ ಚಟುವಟಿಕೆಗಳಿಗೆ ರೋಬೋಟ್‌ಗಳನ್ನು ಬಳಸಿಕೊಳ್ಳಲಾಗುತ್ತದೆಯಂತೆ.

ತಂತ್ರಜ್ಞಾನ ಅಭಿವೃದ್ದಿಯಿಂದ ದೇಶದ ಅಭಿವೃದ್ದಿ ಸಾಧ್ಯ. ಎಲ್ಲವೂ ಟೆಕ್ನಾಲಜಿ ಮಯವಾಗುತ್ತಿದೆ. ಟೆಕ್ನಾಲಜಿ ಅಭಿವೃದ್ದಿಯು ಮಾನವನ ದೈನಂದಿನ ಚಟುವಟಿಕೆಗಳನ್ನು ಅತಿ ಸುಲಭವಾಗಿಯೂ, ಸರಳವಾಗಿಯೂ, ಶೀಘ್ರವಾಗಿಯೂ ಮಾಡುತ್ತಿರುವುದರಲ್ಲಿ ಸಂಶಯವಿಲ್ಲ. ಆದರೆ ಟೆಕ್ನಾಲಜಿ ಅಭಿವೃದ್ದಿ ಎಂಬುದು ಈಗ ರೋಬೋಟ್‌ಗಳನ್ನು ಲೈಂಗಿಕ ಚಟುವಟಿಕೆಗಳಿಗಾಗಿ ಬಳಸುವಷ್ಟು ಮುಂದುವರೆದಿದೆ ಎಂಬುದನ್ನು ಓದಲು ಕುತೂಹಲ ಹೆಚ್ಚಾಗೆ ಇರುತ್ತದೆ. ಅಂದಹಾಗೆ ಒಂದು ಅಧ್ಯಯನವು ರೋಬೋಟ್‌ಗಳನ್ನು ಮುಂದಿನ ದಿನಗಳಲ್ಲಿ ಲೈಂಗಿಕ ಚಟುವಟಿಕೆಗಳಿಗಾಗಿ ಬಳಸಿಕೊಳ್ಳಲಾಗುತ್ತದೆ ಎಂದು ಹೇಳಿದೆ. ಈ ಬಗ್ಗೆ ಅಧ್ಯಯನ ಹೇಳಿದ ಕುತೂಹಲಕಾರಿ ಮಾಹಿತಿ ಏನು ಎಂಬುದನ್ನು ಲೇಖನದ ಸ್ಲೈಡರ್‌ನಲ್ಲಿ ಓದಿರಿ.

ವಿಜ್ಞಾನ ಕ್ಷೇತ್ರದಲ್ಲಿನ 15 ಭಯಾನಕ ಪ್ರಯೋಗಗಳು

1

ತಜ್ಞರು, ರೋಬೋಟ್‌ಗಳು ಲೈಂಗಿಕ ಚಟುವಟಿಕೆಗಳಿಗಾಗಿ ಬಳಸುವ ಹೊಸ ಮಷಿನ್‌ಗಳಾಗಿವೆ. ಆಂಸ್ಟರ್ಡ್ಯಾಮ್‌ ನಂತಹ ರೆಡ್‌ ಲೈಟ್‌ ಜಿಲ್ಲೆಗಳಲ್ಲಿ "ತಪ್ಪಿತಸ್ಥ ಮುಕ್ತ" ವ್ಯಾಪಾರದಿಂದ ಅಪರಾಧಗಳು ಕೊನೆಗೊಳ್ಳುತ್ತವೆ ಎಂದು ಹೇಳಿದ್ದಾರೆ.

2

2050ಕ್ಕೆ ರೆಡ್‌ ಲೈಟ್‌ ಜಿಲ್ಲೆಗಳು ಸಂಪೂರ್ಣ ಲೈಂಗಿಕ ಚಟುವಟಿಕೆಯ ರೋಬೋಟ್‌ಗಳನ್ನು ಹೊಂದಲಿವೆ ಎಂದು ವೆಲಿಗ್ಟನ್‌ ವಿಶ್ವವಿದ್ಯಾಲಯದ ಫ್ಯೂಚರೊಲಾಜಿಸ್ಟ್‌ 'ಐಯಾನ್ ಯಿಯೊಮ್ಯಾನ್‌' ಮತ್ತು ಲೈಂಗಿಕ ವಿಜ್ಞಾನಿ ' ಮೈಕೆಲ್‌ ಮಾರ್ಸ್‌' ಪ್ರಕಾರ ಹೇಳಲಾಗಿದೆ.

3

ಆಂಸ್ಟರ್ಡ್ಯಾಮ್‌ನ Yub-Yum ಪ್ರದೇಶದಲ್ಲಿ ಕಾಣಿಸಿಕೊಳ್ಳಲಾದ ರೋಬೋಟ್ ಲೈಂಗಿಕ ಚಟುವಟಿಕೆ ಆಧಾರದಲ್ಲಿ ರೋಬೋಟ್‌ಗಳು ಮುಂದಿನ ದಿನಗಳಲ್ಲಿ ಲೈಂಗಿಕ ಚಟುವಟಿಕೆಗಳಿಗಾಗಿ ಬಳಸುವ ಮಷಿನ್‌ಗಳು ಎನ್ನಲಾಗಿದೆ. Yub-Yum ಆಧುನಿಕ ಲೈಂಗಿಕ ಚಟುವಟಿಕೆಯ ಪ್ರದೇಶವಾಗಿದೆ. ಅಲ್ಲಿ 100 ಕ್ಕೂ ಹೆಚ್ಚು ಜಿ-ತಂತಿಗಳನ್ನು ಒಳಗೊಂಡ ರೋಬೋಟ್‌ ಸುಂದರರು ಮತ್ತು ರೋಬೋಟ್‌ ಸುಂದರಿಯರು ಇರುತ್ತಾರೆ. ಅಲ್ಲಿ ಎಲ್ಲಾ ಸೇವೆಗಳ ಸಹಿತ ಪ್ರವೇಶ ಶುಲ್ಕ $10 000 (674,504 ರೂ) ಇರುತ್ತದೆ ಎನ್ನಲಾಗಿದೆ.

4

Yub-Yum ಪ್ರದೇಶದ ಚಟುವಟಿಕೆ ಮತ್ತು ಪ್ರವೇಶ ಶುಲ್ಕದ ಪ್ರಕಾರ ರೋಬೋಟ್‌ಗಳ ಲೈಂಗಿಕ ಚಟುವಟಿಕೆ ಜೊತೆಗೆ, ಮಸಾಜ್‌, ಲ್ಯಾಪ್ ಡ್ಯಾನ್ಸಿಂಗ್ ಸೇವೆಗಳನ್ನು Yub-Yum ಪ್ರದೇಶ ಹೊಂದಿದೆ. ಅಲ್ಲದೇ ಕೌನ್ಸಿಲ್‌ ಪರವಾನಗಿ ಸಹ ಹೊಂದಲಾಗಿದೆ. ಆದರೆ ಅಲ್ಲಿ ಸಿಬ್ಬಂದಿಗಳು ಮಾನವರಲ್ಲ ಆಂಡ್ರಾಯ್ಡ್‌ಗಳು ಎನ್ನಲಾಗಿದೆ.

5

ಮಾನವ ಕಳ್ಳಸಾಗಣೆ ಮತ್ತು ಅಪರಾಧದ ದೃಷ್ಟಿಯಿಂದ 2040 ರ ಭವಿಷ್ಯದಲ್ಲಿ ಹೇಗೆ ಲೈಂಗಿಕ ಕ್ಷೇತ್ರ ಬದಲಾಗುತ್ತದೆ ಎಂದು ವಿಶ್ಲೇಷಿಸಿದ್ದಾರೆ.

6

ವೆಲಿಗ್ಟನ್‌ ವಿಶ್ವವಿದ್ಯಾಲಯದ ಫ್ಯೂಚರೊಲಾಜಿಸ್ಟ್‌ 'ಐಯಾನ್ ಯಿಯೊಮ್ಯಾನ್‌' ಮತ್ತು ಲೈಂಗಿಕ ವಿಜ್ಞಾನಿ ' ಮೈಕೆಲ್‌ ಮಾರ್ಸ್‌' ರವರು ಲೈಂಗಿಕ ಚಟುವಟಿಕೆಗೆ ರೋಬೋಟ್‌ಗಳನ್ನು ಬಳಸುವುದರಿಂದ ಎದುರಾಗುವ ಸಮಸ್ಯೆ ಬಗ್ಗೆ ವಿವರಿಸುತ್ತಾ " ಲೈಂಗಿಕವಾಗಿ ಹರಡುವ ಸೋಂಕು, ಮುಖ್ಯವಾಗಿ 'ಎಚ್‌ಐವಿ' ಸೋಂಕನ್ನು ಊಹಿಸಲು ಸಾಧ್ಯವಾಗುವುದಿಲ್ಲ ಮತ್ತು ರೋಗ ನಿರೋಧಕ ಲಸಿಕೆಯನ್ನು ಹೇಳವಲ್ಲಿ ಸಮಸ್ಯೆ ಎದುರಾಗುತ್ತದೆ" ಎಂದಿದ್ದಾರೆ.

7

Yub-Yum, ಭವಿಷ್ಯದಲ್ಲಿ ಎಲ್ಲಾ ರೀತಿಯ ಜನಾಂಗದ, ದೇಹದ ಆಕಾರ, ವಯಸ್ಸು, ಭಾಷೆ, ಲೈಂಗಿಕ ವೈಶಿಷ್ಟಕ್ಕೆ ತಕ್ಕಂತೆ ರೋಬೋಟ್‌ಗಳನ್ನು ಹೊಂದಲಿದೆ ಎಂದು ಜೋಡಿ ತಜ್ಞರ ಹೇಳಿದ್ದಾರೆ.

8

ಆದರೆ Yub-Yum ಪ್ರದೇಶ ಹೆಚ್ಚಿನದಾಗಿ ಮಧ್ಯಪ್ರಾಚ್ಯ ಉದ್ಯಮಿಗಳ ಉದ್ದನೆಯ "ಐರಿನಾ" ಆಂಡ್ರಾಯ್ಡ್‌ ರೋಬೋಟ್‌ ಅನ್ನು ಹೊಂದಲಿದೆ ಎನ್ನಲಾಗಿದೆ.

9

ವರದಿ ಪ್ರಕಾರ ಲೈಂಗಿಕ ಚಟುವಟಿಕೆಯ ರೋಬೋಟ್‌ಗಳನ್ನು ಆಂಡ್ರಾಯ್ಡ್‌ ಬ್ಯಾಕ್ಟೀರಿಯಾ ನಿರೋಧಕ ಫೈಬರ್‌ನಿಂದ ನಿರ್ಮಿಸಲಿದ್ದು, ಬಳಕೆದಾರರಿಗೆ ಯಾವುದೇ ರೀತಿಯ ಲೈಂಗಿಕ ರೋಗ ಬರುವುದಿಲ್ಲ ಎಂಬುದನ್ನು ಖಚಿತಪಡಿಸಲಾಗಿದೆ.