ರಾಕೆಟ್‌ ಐಕಾನ್ ಪರಿಚಯಿಸಿದ ಫೇಸ್‌ಬುಕ್‌..ಏನಿದು ರಾಕೆಟ್‌ ಪ್ರಯೋಗ?

ಪ್ರತಿದಿನವೂ ಒಂದಿಲ್ಲೊಂದು ಹೊಸ ಫೀಚರ್ ಹೊರತರುವ ಫೇಸ್‌ಬುಕ್‌ ಇದೀಗ ರಾಕೆಟ್‌ ಐಕಾನ್ ಅನ್ನು ಹೊರತಂದಿದೆ.! ಫೆಸ್‌ಬುಕ್ ಬಳಕೆದಾರರಿಗೆ ಹೊಸ ರೀತಿಯ ನ್ಯೂಸ್‌ ಫೀಡ್‌ ಒದಗಿಸುವ ಸಲುವಾಗಿ ಫೇಸ್‌ಬುಕ್ ಈ ಆಯ್ಕೆಯನ್ನು ತಂದಿದ್ದು, ಹೊಸ ಸೌಲಭ್ಯವನ್ನು ಕೆಲವು ಬಳಕೆದಾರರಿಗೆ ಮಾತ್ರ ನೀಡಿದೆ.!!

ಜನಪ್ರಿಯ ಲೇಖನ, ವಿಡಿಯೋ, ಫೋಟೊಗಳನ್ನು ಬಳಕೆದಾರರ ಆಸಕ್ತಿಯ ಆಧಾರದ ಮೇಲೆ ನ್ಯೂಸ್‌ಫೀಡ್‌ನಲ್ಲಿ ಕಾಣಿಸಿಕೊಳ್ಳುವಂತೆ ಮಾಡುವ ಉದ್ದೇಶದಿಂದ ಫೇಸ್‌ಬುಕ್‌ ಈ ಆಯ್ಕೆಯನ್ನು ತಂದಿದ್ದು, ಹಿಂದೆ ಇರುವ ನ್ಯೂಸ್‌ ಫೀಡ್‌ ಕೂಡ ಇದರ ಜೊತೆ ಬಳಕೆದಾರರನ್ನು ತಲುಪುತ್ತದೆ ಎಂದು ಫೇಸ್‌ಬುಕ್ ಹೇಳಿದೆ.

ಸಮ್ಮರ್ ಸರ್‌ಪ್ರೈಸ್ ಕೊನೆಯಾಗಿದ್ದು ಜಿಯೋಗೆ ಲಾಭ..ಇದು ಅಸಲಿ ಕಥೆ!!!

ಹಲವಾರು ಹೊಸ ಹೊಸ ಫೀಚರ್‌ಗಳನ್ನು ತನ್ನ ಬಳಕೆದಾರರಿಗೆ ನೀಡುತ್ತಾ ಬಂದಿರುವ ಫೇಸ್‌ಬುಕ್‌ನ ಈ ನೂತನ ಫೀಚರ್ ಕೇವಲ ಕೆಲವು ವರ್ಶನ್‌ಗಳಲ್ಲಿ ಮಾತ್ರ ಲಭ್ಯವಿದ್ದು, ಈ ಆಯ್ಕೆ ಹಿಟ್ ಆದರೆ ಮಾತ್ರ ಎಲ್ಲರಿಗೂ ಈ ಸೇವೆಯನ್ನು ಒದಗಿಸಲಾಗುವುದು ಎನ್ನಲಾಗಿದೆ.

ಬಳಕೆದಾರರ ಆಸಕ್ತಿಯ ಆಧಾರದ ಮೇಲೆ ನ್ಯೂಸ್‌ಫೀಡ್ ನೀಡುವ ಈ ರಾಕೆಟ್ ಐಕಾನ್‌ ಬಗ್ಗೆ ತಂತ್ರಜ್ಞಾನ ತಜ್ಞರು ಅಸಮಧಾನ ವ್ಯಕ್ತಪಡಿಸಿದ್ದು, ಕೆಲವೇ ಕೆಲವೂ ಆಸಕ್ತಿದಾಯಕ ವಿಷಯಗಳನ್ನು ಬಳಕೆದಾರರಿಗೆ ತಲುಪಿಸುವ ಕಾರ್ಯ ಉತ್ತಮವಲ್ಲ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.