ಫೇಸ್‌ಬುಕ್‌ನಲ್ಲಿ ಕಾಮೆಂಟ್‌ ಹಾಕುವ ಮುನ್ನ ಕೇಳಿಕೊಳ್ಳಲೇಬೇಕಾದ ಪ್ರಶ್ನೆಗಳು!

ನನ್ನ ಕಾಮೆಂಟ್‌ ನಿಜವಾಗಿಯೂ ಉಪಯೋಗವಾಗಬಲ್ಲದೇ ?

ನಿಮ್ಮ ಅಭಿಪ್ರಾಯಗಳು ಕೆಲವೊಮ್ಮೆ ಉಪಯೋಗವಾಗದಿರಬಹುದು. ಒಂದು ವಿಷಯಕ್ಕೆ ಅಭಿಪ್ರಾಯ ತಿಳಿಸುವ ಮುನ್ನ ಈ ಮೊದಲು ಏನೇನು ಕಾಮೆಂಟ್ಸ್‌ ಬಂದಿದೆ ಎಂದು ನೋಡಿ. ಹಾಗೂ ಆ ವಿಷಯದ ಬಗ್ಗೆ ನೀವು ಕಾಮೆಂಟ್‌ ಮಾಡಲು ಮಾಹಿತಿಹೊಂದಿದ್ದೀರ ಎಂಬುದನ್ನು ಪ್ರಶ್ನೆ ಮಾಡಿಕೊಳ್ಳಿ. ತಪ್ಪು ಕಾಮೆಂಟ್‌ ನೀಡುವುದರಿಂದ ನಿಮಗೆ ಹಾಗೂ ನಿಮ್ಮ ವ್ಯಕ್ತಿತ್ವಕ್ಕೆ ಕಪ್ಪು ಚುಕ್ಕಿ ಬೀಳಬಹುದು.

ಓದಿದ ಮಾಹಿತಿ ಹಾಸ್ಯವೇ ?

ಕೆಲವೊಮ್ಮೆ ಆನ್‌ಲೈನ್‌ನಲ್ಲಿ ಓದಿದ ಮಾಹಿತಿ ಹಾಸ್ಯವಾಗಿರಬಹುದು. ಆದರೆ ಅದು ನಿಜವೇ ಅಥವಾ ಹಾಸ್ಯಕ್ಕಾಗಿ ಮಾಡಿದ ಬರಹವೇ ಎಂದು ಕಾಮೆಂಟ್‌ ಹಾಕುವ ಮೊದಲು ದೃಡಪಡಿಸಿಕೊಳ್ಳಿ. ಕೆಲವೊಮ್ಮೆ ನಿಜಾಂಶ ತಿಳಿಯದೇ ಹಾಕುವ ಕಾಮೆಂಟ್‌ಗಳು ಅಪರಾಧವಾಗುತ್ತವೆ.

ನನ್ನ ಕಾಮೆಂಟ್‌ ಅಪರಾಧವೇ ?

ಕಾಮೆಂಟ್‌ ಮಾಡುವ ಎಲ್ಲರೂ ತಿಳಿಯಲೇ ಬೇಕಾದ ಇನ್ನೊಂದು ವಿಷಯ ಅಂದ್ರೆ ಕೆಲವೊಮ್ಮೆ ಕಾಮೆಂಟ್‌ಗಳು ಕ್ಷಣಾರ್ಧದಲ್ಲಿ ಅಪರಾಧವಾಗಿಬಿಡುತ್ತವೆ. ಇನ್ನೊಬ್ಬರ ಮನಸ್ಸಿಗೆ ಬೇಸರವಾಗುವ ವಿಷಯಗಳು, ರೇಗಿಸುವ ವಿಷಯಗಳು ಸಹ ಅಪರಾಧವಾಗುತ್ತವೆ. ಆದ್ದರಿಂದ ವೆಬ್‌ಸೈಟ್‌ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಕಾಮೆಂಟ್‌ ಮಾಡುವ ಮೊದಲು ಅಪರಾಧವಾಗುವಂತ ಮಾಹಿತಿಗಳ ಬಗ್ಗೆ ಎಚ್ಚರವಹಿಸಿ.

ಇತರರು ಈಗಾಗಲೇ ಅಭಿಪ್ರಾಯ ತಿಳಿಸಿದ್ದಾರೆಯೇ ?

ಕೆಲವೊಮ್ಮೆ ಮುಖ್ಯವಿಷಯಗಳಿಗೆ ಸಂಬಂಧಿಸಿದಂತೆ ನೀವು ಟೈಪಿಸಲು ಹೊರಟಿರುವ ಅಭಿಪ್ರಾಯವನ್ನು ಇತರರು ಈಗಾಗಲೇ ಯಾರಾದರೂ ಟೈಪಿಸಿದ್ದಾರೆಯೇ ಎಂಬುದನ್ನು ಕಾಮೆಂಟ್‌ ವಿಭಾಗದಲ್ಲಿ ನೋಡಿ ತಿಳಿಯಿರಿ

ಕೆಲವರು ನಿಮ್ಮ ಅಭಿಪ್ರಾಯಕ್ಕೆ ಒಪ್ಪದಿದ್ದರೇ ?

ನೀವು ನೀಡುವ ನಿರ್ಧಿಷ್ಟ ಅಭಿಪ್ರಾಯಕ್ಕೆ ಕೆಲವರು ಒಪ್ಪದಿರಬಹುದು ಅಂತಹ ಸಮಯದಲ್ಲಿ ಬೇಸರ ಮಾಡಿಕೊಳ್ಳದೇ ವಾದಕ್ಕೆ ಇಳಿದು ಸಮಸ್ಯೆ ತಂದುಕೊಳ್ಳುವ ಬದಲು ಇಂಟರ್ನೆಟ್‌ ಸಂಪರ್ಕದಿಂದ ಹೊರಬನ್ನಿ.