ಯೂಟ್ಯೂಬ್‌ ವಿಡಿಯೋಗಳು ಇನ್ನು ಮುಂದೆ HDR ಮೋಡ್‌ನಲ್ಲಿ: ಏನಿದು?

ಏನೀದು HDR ಮೋಡ್:

ನಿಮ್ಮ ಸ್ಮಾರ್ಟ್‌ಫೋನ್ ಕ್ಯಾಮೆರಾದಲ್ಲಿ ಫೋಟೋ ತೆಗೆಯಲು ಮುಂದಾದ ಸಂದರ್ಭದಲ್ಲಿ ಈ HDR ಮೋಡ್ ಅನ್ನು ಕಾಣಬಹುದಾಗಿದೆ. ಈಗ ಇದು ಯೂಟ್ಯೂಬ್‌ನಲ್ಲಿ ಕಾಣಿಸಿಕೊಂಡಿದೆ. ನೀವು ನೋಡುವ ವಿಡಿಯೋಗಳ ಗುಣಮಟ್ಟವು ಜಾಸ್ತಿಯಾಗುವುದಲ್ಲದೇ ಅದರ ಕಲರ್, ಬ್ರೈಟ್‌ನೆಸ್ ಮತ್ತು ಕಾಂಟ್ರೆಸ್ಟ್ ಸಹ ಹೆಚ್ಚಾಗಲಿದೆ.

ಇಷ್ಟು ದಿನ ಇದು ಟಿವಿಯಲ್ಲಿ ಮಾತ್ರವೇ ಇತ್ತು:

ಈ ಹೊಸ ಆಯ್ಕೆಯೂ ಕೇವಲ ಟಿವಿಯಲ್ಲಿ ಮಾತ್ರವೇ ಬಳಕೆಯಲ್ಲಿತ್ತು. HDR ಮೋಡ್ ಅನ್ನು ಯೂಟ್ಯುಬ್ ತನ್ನ ಮೊಬೈಲ್ ಬಳಕೆದಾರರಿಗೆ ನೀಡಲು ಮುಂದಾಗಿದೆ. ಇದು ನೀವು ವಿಡಿಯೋ ನೋಡುವ ಮಾದರಿಯನ್ನೇ ಬದಲಾಯಿಸಲಿದೆ.

ಇದು 4K HDR:

ಇಷ್ಟು ದಿನ ಯೂಟ್ಯೂಬ್‌ನಲ್ಲಿ ಕೇವಲ HD ವಿಡಿಯೋಗಳನ್ನು ನೋಡಬಹುದಾಗಿತ್ತು. ಆದರೆ ಈಗ 4K HDR ಗುಣಮಟ್ಟದಲ್ಲಿ ವಿಡಿಯೋವನ್ನು ನೋಡಬಹುದು. ಇದು ವಿಡಿಯೋ ಕ್ಲಾರಿಟಿಯನ್ನು ಮತ್ತಷ್ಟು ಹೆಚ್ಚಿಸಲಿದೆ.

ಯಾವ ಫೋನ್‌ಗಳು ಇದಕ್ಕೆ ಸಪೋರ್ಟ್ ಮಾಡಲಿದೆ:

ಸದ್ಯ ಭಾರತೀಯ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಗೂಗಲ್ ಪಿಕ್ಸಲ್, LG V30, ಸ್ಯಾಮ್‌ಸಂಗ್ ಗ್ಯಾಲೆಕ್ಸಿ S8, ಸ್ಯಾಮ್‌ಸಂಗ್ ನೋಟ್ 8, ಸೋನಿ ಏಕ್ಸ್‌ಪಿರೀಯಾ ZX ಪ್ರೀಮಿಯಮ್ ಫೋನ್‌ಗಳಲ್ಲಿ ಈ HDR ವಿಡಿಯೋಗಳು ಪ್ಲೇಯಾಗಲಿದೆ.