ನೀವು ಖರೀದಿಸಿದ ಜಿಯೋ ಸಿಮ್ ಆಕ್ಟಿವೇಟ್ ಆಗಿದೆಯೇ? ಪರಿಶೀಲನೆ ಹೇಗೆ?

ಸಿಗ್ನಲ್‌ ಪರಿಶೀಲಿಸಿ

ಸಿಮ್ ಆಕ್ಟಿವೇಟ್ ಆಗಿದೆಯೇ ಇಲ್ಲವೇ ಎಂಬುದನ್ನು ಪರಿಶೀಲಿಸುವ ಸರಳ ವಿಧಾನ ಇದಾಗಿದೆ. ನಿಮ್ಮ ಸಿಮ್ ಆಕ್ಟಿವೇಟ್ ಆಗಿದೆಯೇ ಇಲ್ಲವೇ ಎಂಬುದನ್ನು ನೋಡಲು ಮೊಬೈಲ್ ಸಿಗ್ನಲ್‌ಗಳನ್ನು ಟ್ರ್ಯಾಕ್ ಮಾಡಿ.

ಮೊಬೈಲ್ ಡೇಟಾ ಕಾರ್ಯನಿರ್ವಹಣೆ

ಎರಡನೆಯದಾಗಿ ನಿಮ್ಮ ಇಂಟರ್ನೆಟ್ ಸಂಪರ್ಕವನ್ನು ಪರಿಶೀಲಿಸಿ. ನಿಮ್ಮ ವೈಫೈ ಸಂಪರ್ಕವನ್ನು ನಿಷ್ಕ್ರಿಯಗೊಳಿಸಿ ಮತ್ತು ಕೆಲವೊಂದು ವೆಬ್ ಪುಟಗಳನ್ನು ತೆರೆಯಿರಿ ಈಗ ಸಿಮ್ ಕಾರ್ಯನಿರ್ವಹಿಸುತ್ತಿದೆಯೇ ಇಲ್ಲವೇ ಎಂಬುದನ್ನು ನೋಡಬಹುದಾಗಿದೆ.

ಪರ್ಯಾಯ ಸಂಖ್ಯೆಗೆ ಆಕ್ಟಿವೇಶನ್ ಸಂದೇಶ

ನಿಮ್ಮ ಸಿಮ್ ಕಾರ್ಡ್ ಅನ್ನು ನೀವು ಪಡೆದುಕೊಳ್ಳುವಾಗ, ಸ್ಟೋರ್ ಅಧಿಕಾರಿಗಳು ನಿಮ್ಮ ಪರ್ಯಾಯ ಮೊಬೈಲ್ ಸಂಖ್ಯೆಯನ್ನು ಕೇಳಿರುತ್ತಾರೆ. ಆದ್ದರಿಂದ ನಿಮ್ಮ ಸಿಮ್ ಕಾರ್ಡ್ ಆಕ್ಟಿವೇಟ್ ಆದಾಗ, ನಿಮ್ಮ ಸಿಮ್ ಕಾರ್ಡ್ ಆಕ್ಟಿವೇಟ್ ಆಗಿದೆ ಎಂಬ ಸಂದೇಶವನ್ನು ನೀವು ಸ್ವೀಕರಿಸುತ್ತೀರಿ.

ಮೈಜಿಯೋ ಅಪ್ಲಿಕೇಶನ್ ತೆರೆಯಲು ಪ್ರಯತ್ನಿಸಿ

ಗೂಗಲ್ ಪ್ಲೇ ಸ್ಟೋರ್‌ನಿಂದ ಯಾವುದೇ ಜಿಯೋ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಿಕೊಂಡು ಸಿಮ್ ಕಾರ್ಡ್ ಆಕ್ಟಿವೇಶನ್ ಸ್ಥಿತಿಯನ್ನು ಪರಿಶೀಲಿಸಿಕೊಳ್ಳಬಹುದಾಗಿದೆ. ಸೈನ್ ಇನ್ ಬಟನ್ ಸ್ಪರ್ಶಿಸಿ ಮತ್ತು ಅಪ್ಲಿಕೇಶನ್ ಸ್ವಯಂಚಾಲಿತವಾಗಿ ಸೈನ್ ಇನ್ ಆದಾಗ ನಿಮ್ಮ ಸಿಮ್ ಕಾರ್ಡ್ ಆಕ್ಟಿವೇಟ್ ಆಗಿದೆ ಎಂದೇ ಅರ್ಥವಾಗಿದೆ.

ಟೆಲಿ ವೆರಿಫಿಕೇಶನ್‌ಗಾಗಿ 1977 ಗೆ ಕರೆಮಾಡಿ

ಟೆಲಿ ವೆರಿಫಿಕೇಶನ್‌ಗಾಗಿ 1977 ಗೆ ಕರೆಮಾಡುವಂತೆ ನಿಮ್ಮ ಪರ್ಯಾಯ ಮೊಬೈಲ್ ಸಂಖ್ಯೆಯಲ್ಲಿ ಸಂದೇಶವನ್ನು ನೀವು ಪಡೆದುಕೊಳ್ಳುತ್ತೀರಿ. ನಿಮ್ಮ ಸಿಮ್ ಆಕ್ಟಿವೇಶನ್‌ಗೆ ಸಿದ್ಧವಾಗಿದೆ ಎಂಬುದನ್ನು ಇದು ಸೂಚಿಸುತ್ತದೆ. ಪೋಸ್ಟ್ ಟೆಲಿ ವೆರಿಫಿಕೇಶನ್‌ನಲ್ಲಿ ರಿಲಾಯನ್ಸ್ ಜಿಯೋ ಸಿಮ್ ಕಾರ್ಡ್‌ನ ಉಚಿತ ಪ್ರಯೋಜನಗಳನ್ನು ನಿಮಗೆ ಆನಂದಿಸಬಹುದಾಗಿದೆ.