ದೊಡ್ಡ ಫೋನ್ ಬೇಡ ಎನ್ನುವವರಿಗಾಗಿಯೇ ವಿಶ್ವದ ಅತೀ ಸಣ್ಣ ನ್ಯಾನೋ ಫೋನ್..!

ಮೂರು ಬಣ್ಣದಲ್ಲಿ ಲಭ್ಯ:

ಪ್ರಮುಖ ಸ್ಮಾರ್ಟ್‌ಫೋನ್ ಕಂಪನಿಗಳು ದೊಡ್ಡ ಪರದೆಯ ದೊಡ್ಡ ಸ್ಮಾರ್ಟ್‌ಫೋನ್ ಗಳನ್ನು ಬಳಕೆದಾರರ ಕೈಗೆ ನೀಡಿದರೆ ಇಲಾರಿ ಸಣ್ಣ ಫೋನ್ ಅನ್ನು ಬಿಡುಗಡೆ ಮಾಡಿದೆ. ಬ್ಲಾಕ್, ರೋಸ್ ಗೋಲ್ಡ್, ಸಿಲ್ವರ್ ಬಣ್ಣದಲ್ಲಿ ಈ ಫೋನ್ ದೊರೆಯಲಿದೆ.

ಒಂದು ಇಂಚಿನ ಡಿಸ್ ಪ್ಲೇ..!

ಸುಮಾರು 30 ಗ್ರಾಂ ತೂಕದ ಈ ನ್ಯಾನೋ ಫೋನ್, ಕೇವಲ ಒಂದು ಇಂಚಿನ ಪರದೆಯನ್ನು ಹೊಂದಿದೆ ಅಷ್ಟೆ. ಇದು 128x96 ಪಿಕ್ಸಲ್ TFT ಡಿಸ್‌ಪ್ಲೇಯಾಗಿದೆ. ಇದರಲ್ಲಿ ಮೀಡಿಯಾ ಟೆಕ್ ಚಿಪ್ ಸೆಟ್ ಕಾಣಬಹುದಾಗಿದೆ.

SD ಕಾರ್ಡ್ ಹಾಕುವ ಅವಕಾಶ:

ಅಲ್ಲದೇ 32 MB RAM ಇದರಲ್ಲಿದ್ದು ಜೊತೆಗೆ 32MB ಇಂಟರನಲ್ ಮೆಮೊರಿಯೂ ಇದೆ. ನಿಮಗೆ ಹೆಚ್ಚಿನ ಮೆಮೊರಿ ಅವಶ್ಯವಿದ್ದಲ್ಲಿ SD ಕಾರ್ಡ್ ಹಾಕಿಕೊಳ್ಳುವ ಮೂಲಕ ಮೆಮೊರಿಯನ್ನು ವಿಸ್ತರಿಸಿಕೊಳ್ಳುವ ಅವಕಾಶವನ್ನು ಮಾಡಿಕೊಡಲಾಗಿದೆ.

ಡ್ಯುಯಲ್ ಸಿಮ್:

ಡ್ಯುಯಲ್ ಮೈಕ್ರೋ ಸಿಮ್ ಅನ್ನು ಈ ಫೋನಿನಲ್ಲಿ ಹಾಕುವ ಅವಕಾಶವಿದೆ. ಈ ಫೋನು ಒಂದು ಚಾರ್ಜ್ ನಲ್ಲಿ ನಾಲ್ಕು ದಿನಗಳ ಕಾಲ ಕಾರ್ಯನಿರ್ವಹಿಸಲಿದ್ದು, ಇದಕ್ಕಾಘಿ 280mAh ಬ್ಯಾಟರಿಯನ್ನು ಅಳವಡಿಸಲಾಗಿದೆ.

MP3 ಪ್ಲೇಯರ್ ಇದೆ:

ಇದಲ್ಲದೇ ಈ ಸಣ್ಣ ಫೋನಿನಲ್ಲಿ MP3 ಪ್ಲೇಯರ್, FM ರೇಡಿಯೋವನ್ನು ನೀಡಲಾಗಿದೆ. ಅಲ್ಲದೇ ವಾಯ್ಸ್ ರೆಕಾರ್ಡಿಂಗ್ ಅವಕಾಶವೂ ಇದೆ. ಅಲ್ಲದೇ ಇರಯ್ ಫೋನ್ ಕನೆಕ್ಟ್ ಮಾಡಬಹುದಾಗಿದೆ. ಮೈಕ್ರೋ USB ಪೋರ್ಟ್ ಸಹ ಇದರಲ್ಲಿದೆ.

ಆಂಡ್ರಾಯ್ಡ್ ಮತ್ತು ಐಎಸ್‌ಓ ಕನೆಕ್ಟ್ ಮಾಡಬಹುದು:

ಬ್ಲೂಟೂತ್ ಕನೆಕ್ಟಿವಿಟಿ ಸಹ ಲಭ್ಯವಿದ್ದು, ಆಂಡ್ರಾಯ್ಡ್ ಮತ್ತು ಐಎಸ್‌ಓ ಫೋನ್ ಗಳೊಂದಿಗೆ ಕನೆಕ್ಟ್ ಮಾಡಿಕೊಳ್ಳಬಹುದು.

ಪ್ರಾಂಕ್ ಕರೆ ಮಾಡಬಹುದು:

ಅಲ್ಲದೇ ಸ್ಮಾರ್ಟ್‌ಫೋನಿಗೆ ಬರುವ ಕರೆಗಳನ್ನು ಈ ಫೋನಿನಲ್ಲಿಯೇ ರಿಸಿವ್ ಮಾಡುವ ಅವಕಾಶವು ಇದೆ. ಇದರಲ್ಲಿ ಬಳಕೆದಾರು ಪ್ರಾಂಕ್ ಕಾಲ್ ಮಾಡುವ ಸಲುವಾಗಿ ವಾಯ್ಸ್ ಮಾಡುಲೆಷನ್ ಅವಕಾಶವು ಇದೆ.