ವಿಶ್ವದ ಅತ್ಯುತ್ತಮ ಫೋನ್ ಎಂಬ ಹೆಗ್ಗಳಿಕೆ: ಲಿಇಕೊ ಸ್ಮಾರ್ಟ್‌ಫೋನ್

By Shwetha

Published: Saturday, February 13, 2016, 15:34 [IST]

ಲಿಇಕೊ ಸೂಪರ್ ಫೋನ್ ಭಾರತದಲ್ಲಿ ಹೆಚ್ಚು ಪ್ರಸಿದ್ಧಿಯನ್ನು ಪಡೆದುಕೊಂಡು ಮುಂದುವರಿಯುತ್ತಿದೆ. ಹೆಚ್ಚು ಸ್ಟೈಲಿಶ್ ಮತ್ತು ಆಕರ್ಷಕ ಬೆಲೆಯಿಂದ ಸೂಪರ್ ಫೋನ್ ಎಂದೆನಿಸಿದೆ. ಪೂರ್ಣ ಮೆಟಲ್ ಬಾಡಿಯೊಂದಿಗೆ ಈ ಡಿವೈಸ್ ಬಂದಿದ್ದು, ಮಾರುಕಟ್ಟೆಯಲ್ಲಿರುವ ಹೆಸರಾಂತ ಬ್ರ್ಯಾಂಡ್‌ಗಳ ಪೈಕಿ ಲಿಇಕೊ ಕೂಡ ಒಂದಾಗಿದೆ.

ಕಳೆದ ಎಪ್ರಿಲ್‌ನಂದು ಲಿಇಕೊ ಸ್ಮಾರ್ಟ್‌ಫೋನ್ ಕ್ಷೇತ್ರವನ್ನು ಪ್ರವೇಶಿಸಿದ್ದು, ನಾಲ್ಕು ಮಾಡೆಲ್ ಫೋನ್‌ಗಳನ್ನು ಬಿಡುಗಡೆ ಮಾಡಿತ್ತು. ಲಿ1, ಲಿ1 ಪ್ರೊ, ಲಿಮ್ಯಾಕ್ಸ್ ಮತ್ತು ಲಿ1ಎಸ್ ಇವುಗಳಲ್ಲಿ ಎರಡು ಫೋನ್‌ಗಳು ಲಿಮ್ಯಾಕ್ಸ್ ಮತ್ತು ಲಿ1ಎಸ್ ಮೆಟಲ್ ವಿನ್ಯಾಸವನ್ನು ಪಡೆದುಕೊಂಡಿವೆ. ಬನ್ನಿ ಕೆಳಗಿನ ಸ್ಲೈಡರ್‌ಗಳಲ್ಲಿ ಈ ಫೋನ್‌ಗಳ ಕುರಿತು ಇನ್ನಷ್ಟು ವಿಶೇಷ ಅಂಶಗಳನ್ನು ಅರಿತುಕೊಳ್ಳೋಣ.

ಮೆಟಲ್ ವಿನ್ಯಾಸ

ಲಿ ಮ್ಯಾಕ್ಸ್ ಬೇಜಲ್ ಲೆಸ್ ಮೆಟಲ್ ವಿನ್ಯಾಸವನ್ನು ಪಡೆದುಕೊಂಡಿದ್ದು, ಚೀನಾದಲ್ಲಿ ಪ್ರಥಮ ಯೂನಿಬಾಡಿ ಮೆಟಲ್ ಫೋನ್ ಎಂದೇ ಹೆಸರುವಾಸಿಯಾಗಿದೆ. ಚೀನಾದಲ್ಲಿ ಆಪಲ್ ಮತ್ತು ಸ್ಯಾಮ್‌ಸಂಗ್ ಡಿವೈಸ್‌ಗಳನ್ನು ಹಿಂದಿಕ್ಕಿ ಅಲ್ಲಿನವರ ಮನವನ್ನು ಹಿಡಿದಿಟ್ಟಿದೆ.

2 ಮಿಲಿಯನ್‌ಗಿಂತಲೂ ಹೆಚ್ಚಿನ ಮಾರಾಟ

ಲಿ1ಎಸ್, ಚೀನಾದಲ್ಲಿ ಟಾಪ್ ಮಾರಾಟವನ್ನು ಕಂಡುಕೊಂಡಿದ್ದು, ಕೊನೆಯ ಅಕ್ಟೋಬರ್‌ನಂದು ಬಿಡುಗಡೆಗೊಂಡಿದೆ. ಎರಡೇ ತಿಂಗಳಲ್ಲಿ ಈ ಡಿವೈಸ್ 2 ಮಿಲಿಯನ್‌ಗಿಂತಲೂ ಹೆಚ್ಚಿನ ಮಾರಾಟವನ್ನು ಕಂಡಿದೆ. ಮೆಟಲ್ ಯೂನಿ ಬಾಡಿ ಏರ್‌ಕ್ರಾಫ್ಟ್ ಗ್ರೇಡ್ ಅಲ್ಯುಮಿನಿಯಮ್ ವಿನ್ಯಾಸವನ್ನು ಪಡೆದುಕೊಂಡಿದ್ದು ಇದನ್ನು ಸುದೃಢಗೊಳಿಸಿದೆ.