ಸ್ಯಾಮ್ಸಂಗ್ ಗ್ಯಾಲಕ್ಸಿ S3 ಕೊಳ್ಳಲು 7 ಕಾರಣಗಳು

Posted By: Varun

    ಸ್ಯಾಮ್ಸಂಗ್ ಗ್ಯಾಲಕ್ಸಿ S3 ಕೊಳ್ಳಲು 7 ಕಾರಣಗಳು
    ಈ ವರ್ಷದ ಸ್ಮಾರ್ಟ್ ಫೋನುಗಳಲ್ಲೇ ಅತೀ ಹೆಚ್ಚು ನಿರೀಕ್ಷೆ ಇದ್ದದ್ದು ಸ್ಯಾಮ್ಸಂಗ್ ಗ್ಯಾಲಕ್ಸಿ S3 ಮೇಲೆ. ಜೂನ್ 10ಕ್ಕೆ ಭಾರತದಲ್ಲಿ ಬಿಡುಗಡೆಯಾಗಲಿರುವ ಈ ಮೊಬೈಲ್ ಈಗಾಗಲೇ ಫೆವರಿಟ್ ಎನಿಸಿದೆ. ಮೂಲಗಳ ಪ್ರಕಾರ 42,500 ರೂಪಾಯಿ ಬೆಲೆಗೆ ಸ್ಯಾಮ್ಸಂಗ್ ಈ ಫೋನನ್ನು ಗ್ರಾಹಕರಿಗೆ ಮಾರಲಿದ್ದು, ಆಪಲ್ ನ ಐ ಫೋನ್ 4S ಗಿಂತಾ ಹಲವು ರೀತಿಯಲ್ಲಿ ಚೆನ್ನಾಗಿದೆ. ನೀವು ಯಾಕೆ ಈ ಫೋನನ್ನು ಕೊಳ್ಳಬಹುದು ಎಂದು ತಿಳಿಸುವ 7 ಕಾರಣಗಳನ್ನು ಇಲ್ಲಿ ಕೊಡಲಾಗಿದೆ.

    1. ದೊಡ್ಡ ಡಿಸ್ಪ್ಲೇ- ಈ ಸ್ಮಾರ್ಟ್ ಫೋನ್ 4.8 ಇಂಚ್ Super AMOLED ಡಿಸ್ಪ್ಲೇ ಹೊಂದಿದ್ದು, 1280 x 720 ಪಿಕ್ಸೆಲ್ ರೆಸಲ್ಯೂಶನ್ ಇರಲಿದೆ. ಇದರಿಂದಾಗಿ ಅತ್ಯುತ್ತಮವಾದ ಗ್ರಾಫಿಕ್ಸ್ ನೋಡಬಹುದಾಗಿದೆ.

    2. ಡೈರೆಕ್ಟ್ ಕಾಲ್- ನಿಮಗೆ ಯಾವುದೋ ಪ್ರಮುಖವಾದ ಮೆಸೇಜ್ ಬಂದು, ಆ ವ್ಯಕ್ತಿಗೆ ಮೆಸೇಜ್ ಮೂಲಕ ರಿಪ್ಲೈ ಮಾಡುವ ಬದಲು ಕರೆ ಮಾಡಬೇಕು ಎನಿಸಿದರೆ, ನೀವು ಕರೆ ಬಟನ್ ಒತ್ತದೆ, ಕೇವಲ ಫೋನ್ ಅನ್ನು ಕಿವಿಯ ಹತ್ತಿರ ಹಿಡಿದರೆ ಸಾಕು, ಅದೇ ಅರ್ಥ ಮಾಡಿಕೊಂಡು ಆ ವ್ಯಕ್ತಿಗೆ ಕರೆ ಮಾಡುತ್ತದೆ.

    3. ಸ್ಮಾರ್ಟ್ ಸ್ಟೇ ಕಣ್ಣಿನಿಂದ ಟ್ರ್ಯಾಕ್ ಮಾಡುವ ವ್ಯವಸ್ಥೆ - ನೀವು ಈ ಮೊಬೈಲ್ ಅನ್ನು ನೋಡುತ್ತಿರುವವರೆಗೂ ಫೋನ್ ಚಾಲೂ ಇರುವ ಹಾಗೆ ಟ್ರ್ಯಾಕಿಂಗ್ ವ್ಯವಸ್ಥೆ ಇದೆ (ಮುಂಬದಿಯ ಕ್ಯಾಮರಾದ ಸೆನ್ಸರ್ ಈ ಕೆಲಸ ಮಾಡುತ್ತದೆ)

    4.  S ವಾಯ್ಸ್- ಆಪಲ್ ನ ಐಫೋನಿನಲ್ಲಿ ಇರುವ "ಸಿರಿ" ವಾಯ್ಸ್ ರೆಕಗ್ನಿಶನ್ ತಂತ್ರಾಂಶದ ರೀತಿಯ S ವಾಯ್ಸ್ ಎಂಬ ತಂತ್ರಾಂಶ ಇದರಲ್ಲಿ ಅಡಕವಾಗಿದ್ದು, S ವಾಯ್ಸ್ ಮೂಲಕ ಕರೆ ಮಾಡಬಹುದು, ಫೋಟೋ ಕ್ಲಿಕ್ಕಿಸಬಹುದು, ಅಲಾರ್ಮ್ ಇಡಬಹುದು ಹಾಗು ಡೆಮೋ ವೀಡಿಯೋ ಕೂಡ ನೋಡಬಹುದು.

    5. ಆಲ್ ಶೇರ್ ಕಾಸ್ಟ್- ಈ ಫೀಚರ್ ನಿಂದಾಗಿ ನೀವು ಈ ಸ್ಮಾರ್ಟ್ ಫೋನ್ ಅನ್ನು HDMI ಪೋರ್ಟ್ ಇಲ್ಲದೆಯೂ ಕೂಡ TV ಗೆ ಕನೆಕ್ಟ್ ಮಾಡಬಹುದು.(ವೈಫೈ ಮೂಲಕ).

    6. S ಬೀಮ್ - ಇದನ್ನು ಉಪಯೋಗಿಸಿಕೊಂಡು ಒಂದು S3 ಸಾಧನದಿಂದ ಇನ್ನೊಂದು S3 ಸಾಧನಕ್ಕೆ 10-15 MB ಸೈಜ್ ನ ಫೈಲುಗಳನ್ನು ಸುಲಭವಾಗಿ ಕಳುಹಿಸಬಹುದು.

    7. ಕ್ಯಾಮರಾ ಶಾರ್ಟ್ ಕಟ್- ಮೊಬೈಲಿನ ಸ್ಕ್ರೀನ್ ಮೇಲೆ ಒತ್ತಿ ಮೊಬೈಲನ್ನು ಲ್ಯಾಂಡ್ ಸ್ಕೇಪ್ ರೀತಿಯಲ್ಲಿ  ತಿರುಗಿಸಿದರೆ ಸಾಕು, ಕ್ಯಾಮರಾ ಚಾಲೂ ಆಗುತ್ತದೆ.

    ಇಷ್ಟೆಲ್ಲಾ ವಿಶೇಷ ಫೀಚರುಗಳು ಈ ಸ್ಮಾರ್ಟ್ ಫೋನಿನಲ್ಲಿ ಇರುವುದರಿಂದ ನೀವು ಹೈ ಎಂಡ್ ಸ್ಮಾರ್ಟ್ ಫೋನು ಕೊಳ್ಳುವ ಯೋಚನೆ ಏನಾದರೂ ನಿಮ್ಮಲ್ಲಿದ್ದರೆ, ಈ ಫೋನ್ ಒಂದು ಅತ್ಯುತ್ತಮ ಆಯ್ಕೆ ಆಗಬಲ್ಲದು.

    Read more about:
    Opinion Poll

    ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more