ರಾಜಕೀಯ ನಾಯಕರನ್ನು ಫಾಲೋಮಾಡಲು ಫೇಸ್‌ಬುಕ್‌ನಿಂದ ಪ್ರತ್ಯೇಕ ಲಿಸ್ಟ್‌

ಗೂಗಲ್‌ನಿಂದ ಪ್ರತ್ಯೇಕ ವೆಬ್‌ಸೈಟ್‌:

ಗೂಗಲ್‌ ಜನರಲ್ಲಿ ಚುನಾವಣಾ ಜಾಗೃತಿ ಮತ್ತು ಮಾಹಿತಿಗಾಗಿ ಹಿಂದಿ ಮತ್ತು ಇಂಗ್ಲಿಷ್‌‌ ಭಾಷೆಯಲ್ಲಿರುವ ಹೊಸ ವೆಬ್‌ಸೈಟ್‌ನ್ನು ಆರಂಭಿಸಿದೆ.ಈ ವೆಬ್‌ಸೈಟ್‌ನಲ್ಲಿ ವೋಟರ್‍ ಐಡಿ ಪಡೆದುಕೊಳ್ಳಲು ಬೇಕಾಗಿರುವ ಆರ್ಹ‌ತೆಗಳ ವಿವರ,ಕೇಂದ್ರ ಚುನಾವಣಾ ಆಯೋಗದ ವೆಬ್‌ಸೈಟ್‌, ರಾಜ್ಯ ಚುನಾವಣಾ ಆಯೋಗದ ವೆಬ್‌ಸೈಟ್‌ ಜೊತೆಗೆ ರಾಷ್ಟ್ರೀಯ ಪಕ್ಷಗಳ ಚುನಾವಣಾ ವೆಬ್‌ಸೈಟ್‌ಗಳ ಕೊಂಡಿಗಳಿವೆ.

ಮೊಬೈಲ್‌ನಲ್ಲಿ ರಾಜಕೀಯ ನಾಯಕರ ಜಾತಕ!

ಸಾಮಾಜಿಕ ಜಾಲತಾಣ ಫೇಸ್‌ಬುಕ್‌ ಅಭ್ಯರ್ಥಿ‌ಗಳ ಸಂಪೂರ್ಣ‌ ಮಾಹಿತಿಯನ್ನು ಜನರ ಮೊಬೈಲ್‌ಗೆ ಉಚಿತವಾಗಿ ತಲುಪಿಸಿ ಜಾಗೃತಿ ಮೂಡಿಸಲು ಆರಂಭಿಸಿದೆ.ಈ ಸಂಬಂಧ ಫೇಸ್‌ಬುಕ್‌ ಇಂಡಿಯಾ ಎಡಿಆರ್‌ ಸಂಸ್ಥೆಯೊಂದಿಗೆ ಕೈ ಜೋಡಿಸಿದ್ದು ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿರುವ ಅಭ್ಯರ್ಥಿಗಳ ಕ್ರಿಮಿನಲ್‌,ಆರ್ಥಿಕ,ಶೈಕ್ಷಣಿಕ‌, ವೃತ್ತಿ ಮಾಹಿತಿಯನ್ನು ಯುಎಸ್‌ಎಸ್‌ಡಿ ಮೆಸೇಜ್‌ ರೂಪದಲ್ಲಿ ಬಳಕೆದಾರನಿಗೆ ನೀಡಲಿದೆ.

ರಿಜಿಸ್ಟರ್‌ ವೋಟ್‌ ಟೈಮ್‌ಲೈನ್‌:

ಫೇಸ್‌‌ಬುಕ್‌‌ ಯುವ ಜನರಲ್ಲಿ ಮತದಾನದ ಮಹತ್ವವನ್ನು ಸಾರಲು 'ರಿಜಿಸ್ಟರ್‌ ವೋಟ್‌' ಎನ್ನುವ ಹೊಸ ವಿಶೇಷತೆಯಿರುವ ತನ್ನ ಟೈಮ್‌ಲೈನ್‌ ಈಗಾಗಲೇ ಆರಂಭಿಸಿದೆ.

ಸ್ಮಾರ್ಟ್‌ಫೋನಲ್ಲಿ ಅರ್ಜಿ ತುಂಬಿ:

ಸ್ಮಾರ್ಟ್‌ಫೋನಲ್ಲೇ ಮತದಾರರ ಪಟ್ಟಿಯ ಅರ್ಜಿಯನ್ನು ತುಂಬಿ, ಸುಲಭವಾಗಿ ಚುನಾವಣೆಯ ನೋಂದಣಿ ಪ್ರಕ್ರಿಯೆಯನ್ನು ಮುಗಿಸಲು ವಿಶೇಷವಾದ ಆಂಡ್ರಾಯ್ಡ್‌ ಆಪ್‌ನ್ನು ಒವಿಬಿಐ ಸಂಘಟನೆಯವರು ತಯಾರಿಸಿದ್ದಾರೆ. ಹೊಸದಾಗಿ ವೋಟರ್‌ ಐಡಿ ಮಾಡಿಸಿಕೊಳ್ಳುವ ಆಂಡ್ರಾಯ್ಡ್‌ ಬಳಕೆದಾರರು ಈ ಆಪ್‌ ಮೂಲಕ ಅರ್ಜಿ‌ ತುಂಬಬಹುದಾಗಿದೆ.

ವೆಬ್‌ಸೈಟ್‌ನಲ್ಲಿ ಹೆಸರು ಪರೀಕ್ಷಿಸಿಕೊಳ್ಳಿ:

ಕರ್ನಾಟಕ ಚುನಾವಣಾ ಆಯೋಗ ತನ್ನ ವೆಬ್‌ಸೈಟ್‌ನಲ್ಲಿ ಕರ್ನಾಟಕದ ಎಲ್ಲಾ ಜಿಲ್ಲೆಗಳ ಮತದಾರರ ಪಟ್ಟಿಯನ್ನು ದಾಖಲಿಸಿದ್ದು ಕೇವಲ ಮೂವತ್ತು ಸೆಕೆಂಡ್‌ನಲ್ಲೇ ನೀವೇ ಮತದಾರರ ಪಟ್ಟಿಯಲ್ಲಿ ನಿಮ್ಮ ಹೆಸರು ಇದೆಯೋ/ಇಲ್ಲವೋ ಎಂಬುದನ್ನು ಪರೀಕ್ಷಿಸಬಹುದು.