ಜೂ.25ರಂದು ರಿಯಲ್ ಮಿ X3 ಸೂಪರ್ ಜೂಮ್‌ ಫೋನ್ ಮಾರುಕಟ್ಟೆಗೆ ಎಂಟ್ರಿ!

ಹೌದು, ರಿಯಲ್‌ ಮಿ ಸಂಸ್ಥೆಯು ಎಕ್ಸ್‌ ಸರಣಿಯಲ್ಲಿ ''ರಿಯಲ್‌ ಮಿ ಎಕ್ಸ್‌ 3'' ಮತ್ತು ''ರಿಯಲ್‌ ಮಿ ಎಕ್ಸ್‌ 3 ಸೂಪರ್ ಜೂಮ್‌'' ಸ್ಮಾರ್ಟ್‌ಫೋನ್‌ಗಳನ್ನು ಲಾಂಚ್ ಮಾಡಲು ಸಜ್ಜಾಗಿದೆ. ಬಹು ನಿರೀಕ್ಷಿತ ಈ ಸರಣಿಯು ಇದೇ ಜೂನ್ 25ರಂದು ಅಧಿಕೃತವಾಗಿ ಬಿಡುಗಡೆ ಆಗಲಿದೆ ಎಂದು ಸಂಸ್ಥೆ ತಿಳಿಸಿದೆ. ಇನ್ನು ಈ ಫೋನ್‌ ಬಿಡುಗಡೆ ಕಾರ್ಯಕ್ರಮವು ಆನ್‌ಲೈನ್‌ನಲ್ಲಿ ನಡೆಯಲಿದ್ದು, ಗ್ರಾಹಕರು ಯೂಟ್ಯೂಬ್, ಫೇಸ್‌ಬುಕ್, ಟ್ವಿಟ್ಟರ್ ತಾಣಗಳ ಮೂಲಕ ವೀಕ್ಷಿಸಬಹುದಾಗಿದೆ.

ರಿಯಲ್‌ ಮಿ ಕಂಪನಿಯ ಹೊಸ ರಿಯಲ್‌ ಮಿ ಎಕ್ಸ್ 3 ಮತ್ತು ರಿಯಲ್‌ ಮಿ ಎಕ್ಸ್‌ 3 ಸೂಪರ್ ಜೂಮ್ ಸ್ಮಾರ್ಟ್‌ಫೋನ್‌ಗಳಲ್ಲಿ ಹೈ ಎಂಡ್‌ ಫೀಚರ್ಸ್‌ಗಳ ರಿಯಲ್‌ ಮಿ ಎಕ್ಸ್‌ 3 ಸೂಪರ್ ಜೂಮ್ ಗಮನ ಸೆಳೆಯುವಂತಿವೆ. ಈ ಫೋನ್ 12GB RAM ಮತ್ತು 256GB ಆಂತರಿಕ ಸ್ಟೋರೇಜ್‌ನ ಒಂದೇ ವೇರಿಯಂಟ್ ಆಯ್ಕೆ ಪಡೆದಿರಲಿದೆ ಎಂದು ಹೇಳಲಾಗಿದೆ. ಇನ್ನೊಂದು ಪ್ರಮುಖ ಹೈಲೈಟ್‌ ಅಂದರೇ ಈ ಫೋನ್ 60x ಜೂಮ್ ಸಾಮರ್ಥ್ಯ ಹೊಂದಿರಲಿದೆ. ಸ್ಟೇರಿ ಮೋಡ್ ಹಾಗೂ ಸೂಪರ್ ನೈಟ್‌ಸ್ಕೇಪ್‌ ಮೋಡ್‌ ಆಯ್ಕೆಗಳು ಇರಲಿವೆ.

ಇನ್ನು ರಿಯಲ್‌ ಮಿ ಎಕ್ಸ್ 3 ಸೂಪರ್‌ ಜೂಮ್ 1920 x 1080 ಪಿಕ್ಸೆಲ್‌ಗಳ ರೆಸಲ್ಯೂಶನ್‌ನೊಂದಿಗೆ 6.6 ಇಂಚಿನ ಪೂರ್ಣ ಹೆಚ್‌ಡಿ ಡಿಸ್‌ಪ್ಲೇ ಹೊಂದಿರಲಿದೆ. ಡಿಸ್‌ಪ್ಲೇಯು 120Hz ರಿಫ್ರೆಶ್ ರೇಟ್‌ ಅನ್ನು ಬೆಂಬಲಿಸುತ್ತದೆ. ಮತ್ತು ಈ ಫೋನ್ ಡ್ಯುಯಲ್ ಸೆಲ್ಫಿ ಕ್ಯಾಮೆರಾ ಸೆಟ್‌ಅಪ್‌ ರಚನೆಯನ್ನು ಹೊಂದಿದೆ. ಹಾಗೆಯೇ ಕ್ವಾಲ್ಕಮ್ ಸ್ನಾಪ್‌ಡ್ರಾಗನ್ 855+ SoC ಪ್ರೊಸೆಸರ್ ಬಲ ಒಳಗೊಂಡಿರಲಿದೆ. ಹಾಗೆಯೇ ಇತ್ತೀಚಿನ ಆಂಡ್ರಾಯ್ಡ್‌ ಓಎಸ್‌ ಇರಲಿದೆ.

ಹಾಗೆಯೇ ಈ ಸ್ಮಾರ್ಟ್‌ಫೋನ್ 4,200mAh ಬ್ಯಾಟರಿ ಸಾಮರ್ಥ್ಯವನ್ನು ಪಡೆದಿದ್ದು, 30W ಫಾಸ್ಟ್‌ ಚಾರ್ಜಿಂಗ್ ಸೌಲಭ್ಯವನ್ನು ಸಹ ಒಳಗೊಂಡಿದೆ. ಜೊತೆಗೆ ಯುಎಸ್‌ಬಿ ಟೈಪ್-ಸಿ ಪೋರ್ಟ್ ಇರಲಿದೆ. ಇನ್ನು ಈ ಫೋನಿನ ಮುಖ್ಯ ಕ್ಯಾಮೆರಾವು 64 ಮೆಗಾಪಿಕ್ಸಲ್ ಸೆನ್ಸಾರ್ ಇರಲಿದ್ದು, ಇಮೇಜ್ ಸ್ಟೇಬಿಲೇಜೇಶನ್ ಹಾಗೂ ಆಪ್ಟಿಕಲ್ ಜೂಮ್ ಬೆಂಬಲ ಇರಲಿದೆ. ಮುಂಭಾಗದ ಮುಖ್ಯ ಸೆಲ್ಫಿ ಕ್ಯಾಮೆರಾವು 32ಎಂಪಿ ಸೆನ್ಸಾರ್‌ ಆಗಿದೆ.