ನಿಮ್ಮ ಜಿ-ಮೇಲ್‌ನ್ನು ಥರ್ಡ್‌ ಪಾರ್ಟಿ ಆಪ್ ಗಳು ಸ್ಕ್ಯಾನ್ ಮಾಡುತ್ತಿವೆಯೇ..! ಆಗಿದ್ರೇ ಅದನ್ನು ನಿಲ್ಲಿಸುವುದು ಹೇಗೆ?

ಹಂತ 1:

ಗೂಗಲ್ ಸೆಕ್ಯುರಿಟಿ ಚೆಕ್ ಅಪ್ ಪೇಜ್ ಗೆ ತೆರಳಿ. ಅದುವೇ
https://myaccount.google.com/security-checkup/3 ಈ ಪೇಜ್ ನಿಮಗೆ ಕೇವಲ ಯಾವೆಲ್ಲ ಡಿವೈಸ್ ನಿಂದ ಗೂಗಲ್ ಅಕೌಂಟಿಗೆ ಲಾಗಿನ್ ಆಗಿದ್ದೀರಿ ಎಂಬುದನ್ನು ಮಾತ್ರ ತಿಳಿಸುವುದಿಲ್ಲ ಬದಲಾಗಿ ಯಾವೆಲ್ಲ ಥರ್ಡ್ ಪಾರ್ಟಿ ಆಪ್ ಗಳಿಗೆ ನೀವು ನಿಮ್ಮ ಗೂಗಲ್ ಅಕೌಂಟ್ ಸ್ಕ್ಯಾನ್ ಮಾಡಲು ಅನುಮತಿಸಿದ್ದೀರಿ ಎಂಬ ಮಾಹಿತಿಯನ್ನು ಒದಗಿಸುತ್ತದೆ.

ಹಂತ 2:

ಪೇಜಿನ ಕೆಳಭಾಗಕ್ಕೆ ಸ್ಕ್ಯಾನ್ ಮಾಡಿ ಮತ್ತು ‘Third-party access'ನ್ನು ಕ್ಲಿಕ್ಕಿಸಿ. ಇದನ್ನು ಕ್ಲಿಕ್ ಮಾಡುತ್ತಿದ್ದಂತೆ ನಿಮಗೊಂದು ಡ್ರಾಪ್ ಡೌನ್ ಲಿಸ್ಟ್ ಸಿಗುತ್ತದೆ ಅದರಲ್ಲಿ ಯಾವೆಲ್ಲ ಆಪ್ ಗಳಿಗೆ ನಿಮ್ಮ ಗೂಗಲ್/ಜಿ-ಮೇಲ್ ಅಕೌಂಟಿಗೆ ಆಕ್ಸಿಸ್ ಇದೆ ಎಂಬುದು ತಿಳಿಯಲಿದೆ. ಪ್ರತಿಯೊಂದು ಆಪ್ ನ್ನು ಕ್ಲಿಕ್ ಮಾಡಿ ನೋಡುವುದರಿಂದಾಗಿ ನಿಮಗೆ ಆ ಆಪ್ ನಿರ್ಧಿಷ್ಟ ಸೇವೆಯ ಬಗ್ಗೆ ತಿಳಿಯುತ್ತದೆ.

ಹಂತ 3:

ಒಂದು ವೇಳೆ ನೀವು ಆ ಆಪ್ ನ ಗೂಗಲ್ ಅಕೌಂಟಿನ ಆಕ್ಸಿಸ್ ತೆಗೆಯಲು ಇಚ್ಛಿಸಿದರೆ, ಸರಳವಾಗಿ ‘Remove Access' ನ್ನು ಕ್ಲಿಕ್ಕಿಸಿ.
ನೀವು ಗೂಗಲ್ ಸೇವೆಯ ಆಕ್ಸಿಸ್ ನ್ನು ಯಾವೆಲ್ಲ ಡಿವೈಸ್ ನಿಂದ ನೀವು ಲಾಗಿನ್ ಆಗಿದ್ದೀರೋ ಆ ಡಿವೈಸ್ ಗಳಿಗೂ ತೆಗೆಯಬಹುದು.

ರಿವ್ಯೂ ಪ್ರೊಸೆಸ್ ಅನುಸರಿಸಬೇಕು

ಆದರೆ WSJ ವರದಿಯ ನಂತರ ಗೂಗಲ್ ಪ್ರತಿಕ್ರಿಯೆ ನೀಡಿದ್ದು, ಈ ರೀತಿ ಆಕ್ಸಿಸ್ ಪಡೆಯಲು ಥರ್ಡ್ ಪಾರ್ಟಿ ಆಪ್ ಗಳು ಸರಿಯಾದ ರಿವ್ಯೂ ಪ್ರೊಸೆಸ್ ನ್ನು ಅನುಸರಿಸಬೇಕಂತೆ. ಆಗ ಮಾತ್ರ ಬಳಕೆದಾರರ ಡಾಟಾ ಆಕ್ಸಿಸ್ ಮಾಡಲು ಅವಕಾಶವಂತೆ. ಅಷ್ಟೇ ಅಲ್ಲ, ಸೂಕ್ಷ್ಮ ಬಳಕೆದಾರರ ಡಾಟಾವನ್ನು ಪ್ರವೇಶಿಸಲು ಇದಕ್ಕೆ ಅಷ್ಟು ಸುಲಭದಲ್ಲಿ ಅವಕಾಶ ನೀಡುವುದಿಲ್ಲವಂತೆ.

ನಿಮ್ಮ ಡಾಟಾ ಸೆಕ್ಯುರಿಟಿಯನ್ನು ನೀವೇ ನೋಡಿಕೊಳ್ಳಿ..!

ಅಷ್ಟೇ ಅಲ್ಲ, ಆಪ್ ಗಳು ಇನ್ಸ್ಟಾಲ್ ಆಗುವಾಗ ಯಾವೆಲ್ಲ ಮಾಹಿತಿಗಳನ್ನು ಈ ಆಪ್ ಬಳಕೆದಾರರಿಂದ ಪಡೆಯುತ್ತದೆ ಎಂಬ ಮಾಹಿತಿಯನ್ನು ನೀಡಲೇಬೇಕು ಎಂಬ ವಿಚಾರವನ್ನೂ ತಿಳಿಸಿದೆ. ಯಾವುದಕ್ಕೂ ನಿಮ್ಮ ಡಾಟಾ ಸೆಕ್ಯುರಿಯನ್ನು ನೀವು ನೋಡಿಕೊಳ್ಳುವುದು ನಿಮ್ಮ ಭದ್ರತೆಯ ದೃಷ್ಟಿಯಿಂದ ಹಿತವಾದುದ್ದು. ಹಾಗಾಗಿ ಈ ಥರ್ಡ್ ಪಾರ್ಟಿ ಆಪ್ ಗಳು ನಿಮ್ಮನ್ನು ಸ್ಕ್ಯಾನ್ ಮಾಡುವುದನ್ನು ಸುಲಭವಾಗಿ ಮೇಲಿನ ಹಂತಗಳನ್ನು ಅನುಸರಿಸಿ ನಿಲ್ಲಿಸಿಬಿಡಿ.