ಬೆಂಗಳೂರಿನ ಸ್ಟಾರ್ಟ್‌ಆಪ್ ಕಂಪನಿಗೆ ಗಾಳ ಹಾಕಿದ ಗೂಗಲ್

ಹಳ್ಳಿ ಲಾಬ್ಸ್

ಪಂಕಜ್ ಗುಪ್ತಾ ಸ್ಥಾಪನೆ ಮಾಡಿದಂತಹ ಹಳ್ಳಿ ಲಾಬ್ಸ್, ಬಿಲ್ಡಿಂಗ್ ಡೀಪ್ ಲರ್ನಿಂಗ್ ಮತ್ತು ಮಿಷಿನ್ ಲರ್ನಿಂಗ್ ಸಿಸ್ಟಮ್ (ಕೃತಕ ಬುದ್ಧಿಮತ್ತೆ, ಯಂತ್ರ ಕಲಿಕೆ ಮತ್ತು ಆಳವಾದ ಕಲಿಕೆ) ವಿಷಯದ ಕುರಿತು ಹೆಚ್ಚಿನ ಸಂಶೋಧನೆಯಲ್ಲಿ ತೊಡಗಿಕೊಂಡಿತ್ತು ಎನ್ನಲಾಗಿದೆ.

ಕೃತಕ ಬುದ್ದಿಮತ್ತೆ:

ಹಳ್ಳಿ ಲಾಬ್ಸ್ ಕಂಪನಿಯೂ ಇತ್ತೀಚೆಗೆ ಹೆಚ್ಚಿನ ಪ್ರಾಮುಖ್ಯತೆಯನ್ನು ಕಾಣುತ್ತಿರುವ ಕೃತಕ ಬುದ್ದಿಮತ್ತೆಯ ಬಗ್ಗೆ ಹೆಚ್ಚಿನ ಗಮನವನ್ನು ಹರಿಸಿತ್ತು, ಮತ್ತು ಈ ವಿಷಯದಲ್ಲಿ ಹೆಚ್ಚಿನ ಪರಿಣಿತಿಯನ್ನು ಸಾಧಿಸಲು ಮುಂದಾಗಿತ್ತು ಹೀಗಾಗಿಯೇ ಗೂಗಲ್ ಕಣ್ಣಿಗೆ ಬಿದ್ದಿದೆ ಎನ್ನಲಾಗಿದೆ.

ಸ್ಟಾರ್ಟ್ ಆಪ್ ಕಂಪನಿಗಳಿಗೆ ದಾರಿದೀಪ:

ಗೂಗಲ್ ಜೊತೆಗೆ ಕೈ ಜೋಡಿಸಿರುವ ಹಳ್ಳಿ ಲಾಬ್ಸ್ ಕಂಪನಿಯೂ ಮುಂದಿನ ದಿನಗಳಿಗೆ ಹೆಚ್ಚಿನ ಆವಿಷ್ಕಾರ ಮಾಡಲಿದೆ. ಅಲ್ಲದೇ ಹಲವರು ಸ್ಟಾರ್ಟ್ ಆಪ್ ಕಂಪನಿಗಳಿಗೆ ದಾರಿದೀಪವಾಗಲಿದೆ.

ಗೂಗಲ್ ಗೆ ಲಾಭ:

ಯಾಂತ್ರಿಕ ಸಮಸ್ಯೆಗಳಿಗೆ ಉತ್ತರ ನೀಡುವಂತ ಟೆಕ್ನಾಲಜಿಯನ್ನು ಆವಿಷ್ಕರಿಸು ಕಾರ್ಯದಲ್ಲಿ ಹಳ್ಳಿ ಲಾಬ್ಸ್ ಕಾರ್ಯಪ್ರವೃತ್ತವಾಗಿತ್ತು. ಈ ಕಾರ್ಯವನ್ನು ನೋಡಿದ ಗೂಗಲ್, ಭವಿಷ್ಯದಲ್ಲಿ ಈ ತಂತ್ರಜ್ಞಾನದ ಸಹಾಯವನ್ನು ಪಡೆದುಕೊಳ್ಳುವ ಸಲುವಾಗಿ ಹಳ್ಳಿ ಲಾಬ್ಸ್ ಅನ್ನು ತನ್ನ ತೆಕ್ಕೆಗೆ ತೆಗದುಕೊಂಡಿದೆ.