ಭಾರತದಲ್ಲಿ ಫ್ಯೂಜಿಫಿಲ್ಮ್ X-S10 ಮಿರರ್‌ಲೆಸ್ ಕ್ಯಾಮೆರಾ ಲಾಂಚ್‌!..ವಿಶೇಷತೆ ಏನು?

ಹೌದು, ಜನಪ್ರಿಯ ಫ್ಯೂಜಿಫಿಲ್ಮ್‌ ಕ್ಯಾಮೆರಾ ಕಂಪನಿಯು X-S10 ಮಿರರ್‌ಲೆಸ್ ಡಿಜಿಟಲ್ ಕ್ಯಾಮೆರಾವನ್ನು ಭಾರತದ ಮಾರುಕಟ್ಟೆಯಲ್ಲಿ ಪರಿಚಯಿಸಿದೆ. ಈ ಕ್ಯಾಮೆರಾ ಫ್ಯೂಜಿಫಿಲ್ಮ್‌ನ ಪ್ರಮುಖ X-ಸರಣಿಯ ಭಾಗವಾಗಿದೆ. ಇದು ವೈವಿಧ್ಯಮಯ ಲೆನ್ಸ್ ಕಿಟ್ ಆಯ್ಕೆಗಳೊಂದಿಗೆ ಲಭ್ಯವಿದ್ದು, X-S10 ಆರಂಭಿಕ ಮತ್ತು ವ್ಲಾಗ್‌ಗರ್ಗಳನ್ನು ಗುರಿಯಾಗಿರಿಸಿಕೊಂಡಿದೆ. ಇದು 26.1 ಮೆಗಾಪಿಕ್ಸೆಲ್ ಎಕ್ಸ್-ಟ್ರಾನ್ಸ್ ಸಿಎಮ್ಒಎಸ್ 4 ಸೆನ್ಸಾರ್‌, ಹೈ-ಸ್ಪೀಡ್ ಇಮೇಜ್ ಪ್ರೊಸೆಸಿಂಗ್ ಎಂಜಿನ್ ಮತ್ತು ಇನ್-ಬಾಡಿ ಇಮೇಜ್ ಸ್ಟೆಬಿಲೈಸೇಶನ್ ಫೀಚರ್ಸ್‌ಗಳನ್ನು ಹೊಂದಿದೆ. ಇನ್ನುಳಿದಂತೆ ಈ ಕ್ಯಾಮೆರಾ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಫ್ಯೂಜಿಫಿಲ್ಮ್ ಎಕ್ಸ್-ಎಸ್ 10 ಮಿರರ್‌ಲೆಸ್ ಡಿಜಿಟಲ್ ಕ್ಯಾಮೆರಾ ವೆರಿ-ಆಂಗಲ್ ಎಲ್‌ಸಿಡಿ ಡಿಸ್‌ಪ್ಲೇಯನ್ನು ಹೊಂದಿದೆ, ಇದನ್ನು 180 ಡಿಗ್ರಿಗಳಷ್ಟು ಮುಂದಕ್ಕೆ ತಿರುಗಿಸಬಹುದು. ಮೋಷನ್ ಸೆನ್ಸರ್ ರೇಟೆಂಷನ್ ಮೆಕ್ಯಾನಿಸಮ್‌ ಬಳಸುವ ಮೊದಲ ಮಧ್ಯ ಶ್ರೇಣಿಯ ಎಕ್ಸ್ ಸರಣಿ ಕ್ಯಾಮೆರಾ ಇದಾಗಿದೆ ಎಂದು ಫ್ಯೂಜಿಫಿಲ್ಮ್ ಹೇಳಿದೆ. ಇನ್ನು ಫ್ಯೂಜಿಫಿಲ್ಮ್ X-S10 ಎಕ್ಸ್-ಟ್ರಾನ್ಸ್ 26.1-ಮೆಗಾಪಿಕ್ಸೆಲ್ CMOS4 ಸೆನ್ಸಾರ್‌ ಹೊಂದಿದೆ. ಇದು 2.16 ಮಿಲಿಯನ್ ಫೇಸ್ ಡಿಟೆಕ್ಷನ್ ಪಿಕ್ಸೆಲ್‌ ಮತ್ತು ಎಕ್ಸ್-ಪ್ರೊಸೆಸರ್ 4 ಪ್ರೊಸೆಸರ್‌ನೊಂದಿಗೆ ಹೈಸ್ಪೀಡ್ ಎಎಫ್ ಅನ್ನು ನೀಡುತ್ತದೆ. ಕೆಲವು ಸಂದರ್ಭಗಳಲ್ಲಿ ಕ್ಯಾಮೆರಾ 0.02 ಸೆಕೆಂಡುಗಳಷ್ಟು ವೇಗವಾಗಿ ಫೋಕಸ್ ಸಾಧಿಸಬಹುದು ಎಂದು ಫ್ಯೂಜಿಫಿಲ್ಮ್ ಹೇಳಿಕೊಂಡಿದೆ.

ಈ ಕ್ಯಾಮೆರಾ 180 ಡಿಗ್ರಿಗಳವರೆಗೆ ತಿರುಗಬಲ್ಲ ವೇರಿ-ಆಂಗಲ್ ಎಲ್ಸಿಡಿ ಮಾನಿಟರ್‌ನೊಂದಿಗೆ ಬರುತ್ತದೆ. ಕಡಿಮೆ ಬೆಳಕಿನ ಆದ್ಯತೆ, ರೆಸಲ್ಯೂಶನ್ ಆದ್ಯತೆಯ ಮಾದರಿ ಮತ್ತು ಫ್ರೇಮ್ ದರ ಆದ್ಯತೆ ಸೇರಿದಂತೆ ಮೂರು ಬೂಸ್ಟ್ ಮೋಡ್‌ಗಳನ್ನು ಹೊಂದಿರುವ ಲೈವ್ ವ್ಯೂ ಕಾರ್ಯವನ್ನು ಇದು ಒಳಗೊಂಡಿದೆ. ಇನ್ನು ಫ್ಯೂಜಿಫಿಲ್ಮ್ X-S10 ಮಿರರ್‌ಲೆಸ್‌ ಕ್ಯಾಮೆರಾ ಮತ್ತು ಇದು ಹೊಸದಾಗಿ ಅಭಿವೃದ್ಧಿಪಡಿಸಿದ ಇನ್-ಬಾಡಿ ಇಮೇಜ್ ಸ್ಟೆಬಿಲೈಸೇಶನ್ (ಐಬಿಐಎಸ್) ಕಾರ್ಯವಿಧಾನವನ್ನು ಹೊಂದಿದೆ, ಇದು ಕ್ಯಾಮೆರಾ ಫೈವ್-ಆಕ್ಸಿಸ್ ಇಮೇಜ್ ಸ್ಟಬಿಲಿಜೇಶನ್ ನೀಡುತ್ತದೆ.

ಇನ್ನು ಈ ಕ್ಯಾಮೆರಾ ಸ್ವಯಂಚಾಲಿತವಾಗಿ ಕ್ಯಾಮೆರಾ ಸೆಟ್ಟಿಂಗ್‌ಗಳನ್ನು ಹೊಂದಿಸುವ AUTO / SP ಮೋಡ್ ಅನ್ನು ಒಳಗೊಂಡಿದೆ. ವೀಡಿಯೊ ಫೀಚರ್ಸ್‌ಗಳಲ್ಲಿ ಫ್ಯೂಜಿಫಿಲ್ಮ್ X-S10 ತೀಕ್ಷ್ಣವಾದ 4K ವೀಡಿಯೊಗಳನ್ನು ಸೆರೆಹಿಡಿಯಬಹುದಾಗಿದೆ. ಇದು 240fps ನಲ್ಲಿ ಹೆಚ್ಚಿನ ವೇಗದ ಪೂರ್ಣ-ಎಚ್ಡಿ ವೀಡಿಯೊವನ್ನು ಸೆರೆಹಿಡಿಯಲು ಬಳಕೆದಾರರಿಗೆ ಅನುವು ಮಾಡಿಕೊಡುತ್ತದೆ. ಫೂಟೇಜ್ ಲೋ ಸೌಂಡ್‌ದೊಂದಿಗೆ ಹೆಚ್ಚಿನ ರೆಸಲ್ಯೂಶನ್‌ನಲ್ಲಿರುವುದನ್ನು ಖಚಿತಪಡಿಸಿಕೊಳ್ಳಲು ಕ್ಯಾಮೆರಾ 6K ಗೆ ಸಮನಾದ ಡೇಟಾದಿಂದ 4K ವಿಡಿಯೋವನ್ನು ಉತ್ಪಾದಿಸುತ್ತದೆ ಎಂದು ಕಂಪನಿ ಹೇಳಿದೆ.

ಫ್ಯೂಜಿಫಿಲ್ಮ್ X-S10 ಕ್ಯಾಮೆರಾ ಭಾರತದಲ್ಲಿ ಕೇವಲ ಕ್ಯಾಮೆರಾ ಬಾಡಿಗೆ 99,999.ರೂ. ಬೆಲೆ ಹೊಂದಿದೆ. ನೀವು ಇದನ್ನು 18-55 ಎಂಎಂ ಕಿಟ್ ಲೆನ್ಸ್‌ನೊಂದಿಗೆ ಖರೀದಿಸಲು ಬಯಸಿದರೆ, ಅದು ನಿಮಗೆ ರೂ. 1,34,999 ಮತ್ತು 16-80 ಎಂಎಂ ಕಿಟ್ ಲೆನ್ಸ್‌ನೊಂದಿಗೆ, ಕ್ಯಾಮೆರಾದ ಬೆಲೆ 1,49,999 ರೂ.ಗೆ ಖರೀದಿಸಬಹುದಾಗಿದೆ.