ಇನ್ಮುಂದೆ ಐಫೋನ್ ಬಳಕೆದಾರರಿಗೂ ಲಭ್ಯ ಟ್ರಾಯ್‌ 'DND' ಆಪ್!!

ಏನಿದು 'ಡು ನಾಟ್ ಡಿಸ್ಟರ್ಬ್-DND' ಆಪ್

ಮೊಬೈಲ್‌ಗೆ ಬರುವ ಕಿರಿಕಿರಿ ಕರೆ, ಎಸ್ಸೆಮ್ಮೆಸ್ ಅನ್ನು ಕೊನೆಗೊಳಿಸುವ ಆಪ್ ಇದಾಗಿದೆ.ಟ್ರಾಯ್‌ನ ಈ 'ಡಿಎನ್‌ಡಿ' ಆಪ್‌ ಇನ್‌ಸ್ಟಾಲ್ ಮಾಡಿಕೊಂಡರೆ ನಿಮ್ಮ ಮೊಬೈಲ್‌ ಸಂಖ್ಯೆಯನ್ನು ಆಪ್ ತನ್ನ ರಿಜಿಸ್ಟ್ರಾರ್‌ನಲ್ಲಿ ದಾಖಲಿಸಿಕೊಳ್ಳುತ್ತದೆ. ಹಾಗಾಗಿ, ಟೆಲಿಕಾಂ ಕಂಪೆನಿಗಳ ಮೋಸದ ಕರೆಗಳು ಮತ್ತು ಎಸ್ಸೆಮ್ಮೆಸ್‌ಗಳು ಸೇರಿದಂತೆ ಎಲ್ಲಾ ಜಾಹಿರಾತುಗಳು ನಿಮ್ಮನ್ನು ತಲುಪುವುದಿಲ್ಲ.

ಆಪ್‌ ಕಾರ್ಯನಿರ್ವಹಣೆ ಹೇಗೆ?

ಭಾರತದ ಟೆಲಿಕಾಂ ಕಂಪೆನಿಗಳನ್ನು ನಿಯಂತ್ರಿಸುತ್ತಿರುವ ಸರ್ಕಾರದ ಸಂಸ್ಥೆ ಟ್ರಾಯ್ ಆಗಿರುವುದರಿಂದ ಈ ಡಿಎನ್‌ಡಿ ಆಪ್‌ನಲ್ಲಿ ಎಲ್ಲಾ ಬಳಕೆದಾರರಿಗೂ ಸ್ವಂತ ಹಕ್ಕಿದೆ. ಒಮ್ಮೆ ಈ ಆಪ್‌ನಲ್ಲಿ ಮೊಬೈಲ್ ನಂಬರ್ ರಿಜಿಸ್ಟರ್ ಮಾಡಿದರೆ ಜಾಹಿರಾತು ಕಳುಹಿಸಬಹುದಾದ ಸಂಖ್ಯೆಗಳ ಪಟ್ಟಿಗೆ ನಿಮ್ಮ ಮೊಬೈಲ್‌ ಸಂಖ್ಯೆ ಸೇರ್ಪಡೆಯಾಗುವುದಿಲ್ಲ.

ನಿಮ್ಮ ಆಯ್ಕೆಯ ಜಾಹಿರಾತು

ಡಿಎನ್‌ಡಿ ಆಪ್‌ ಮೂಲಕ ಯಾವ ಬಗೆಯ ವಾಣಿಜ್ಯ ಜಾಹೀರಾತು, ಸಂಪರ್ಕವನ್ನು ನೀವು ಬಯಸುವುದಿಲ್ಲ ಎಂದು ಆಯ್ಕೆ ಮಾಡಬಹುದು. ಇದರಿಂದ ಟೆಲಿಕಾಂ ಕಂಪೆನಿಗಳು ನಿಮಗೆ ಕಳುಹಿಸುವ ಮೆಸೇಜ್‌ಗಳು ನಿಲ್ಲಲಿವೆ.ನಿಮ್ಮ ಆದ್ಯತೆಗಳನ್ನು ನಿಮಗೆ ಬೇಕಾದಾಗ ಇದನ್ನು ಬದಲಿಸುವ ಅವಕಾಶ ಕೂಡ ಇದೆ.

ದೂರು ದಾಖಲಿಸಬಹುದು.

ಗ್ರಾಹಕರ ಕ್ಷೇಮಕ್ಕಾಗಿ ಬಂದಿರುವ ಈ ಆಪ್‌ ಮೂಲಕ ರಿಜಿಸ್ಟರ್ ಆಗಿದ್ದರೂ ಸಹ ನಿಮಗೆ ಕಿರಿ ಕಿರಿ ಕರೆ ಅಥವಾ ಎಸ್‌ಎಮ್‌ಎಸ್‌ಗಳು ಬಂದರೆ ಆ ಬಗ್ಗೆ ದೂರು ದಾಖಲಿಸಬಹುದು.ನೀವು ದೂರು ದಾಖಲಿಸಿದ ನಂತರ, ದೂರಿಗೆ ಸಂಬಂಧಿಸಿ ತೆಗೆದುಕೊಂಡ ಕ್ರಮಗಳ ಬಗ್ಗೆಯೂ ಸಹ ಟ್ರಾಯ್‌ನಿಂದ ಮಾಹಿತಿ ಸಿಗುತ್ತದೆ.

ಈಗ ಎಲ್ಲಾ ಬಳಕೆದಾರರಿಗೂ ಲಭ್ಯ.

ಟ್ರಾಯ್ ಬಿಡುಗಡೆ ಮಾಡಿರುವ ಈ ಡಿಎನ್‌ಡಿ ಆಪ್‌ ಎಲ್ಲಾ ಆಂಡ್ರಾಯ್, ಆಪಲ್ ಮತ್ತು ವಿಂಡೋಸ್ ಬಳಕೆದಾರರಿಗೂ ಲಭ್ಯವಿದ್ದು, ಆಂಡ್ರಾಯ್ಡ್ ಬಳಕೆದಾರರು ಗೂಗಲ್ ಪ್ಲೇಸ್ಟೋರ್‌ಗೆ ಭೇಟಿ ನೀಡಿ ' ಡಿಎನ್‌ಡಿ ಸರ್ವಿಸ್' ಎಂದು ಸರ್ಚ್ ಮಾಡಿದರೆ ಈ ಆಪ್ ಸಿಗಲಿದೆ. ಇನ್ನು ಆಪಲ್ ಬಳಕೆದಾರರು ಆಪಲ್‌ನ ಆಪ್‌ ಸ್ಟೋರ್‌ ಮೂಲಕ ಈ ಆಪ್ ಅನ್ನು ಡೌನ್‌ಲೋಡ್ ಮಾಡಿಕೊಳ್ಳಿ.